لایەنە بەشداربووەکانی کۆبوونەوەی چوارچێوەی هەماهەنگی رایانگەیاند، بەردەوامدەبن لە هەوڵەکانیان بۆ پێکهێنانی حکومەتی نیشتیمانی کە بتوانێت پێداویستییەکانی هاوڵاتییان دابین بکات.
ئەمڕۆ سێشەممە، چوارچێوەی هەماهەنگی و یەکێتی و هاوپەیمانی عەزم و فراکسیۆنی بابلیۆن و بەشێک لە پەرلەمانتارە سەربەخۆکان راگەیەنراوێکی هاوبەشیان بڵاکردەوە و تیایدا هاتووە، قۆناغی داهاتوو گرنگە و داخوازی ئەوەدەکات پەلە بکرێت لە تەواوکردنی بەرکەوتە دەستورییەکان.
ئاماژەی بەوەشداوە، هەروەها
پێویستە پەلە بکرێت لە هەڵبژاردنی سەرۆک کۆمار و پێکهێنانی حکومەتێکی گونجاو
بتوانێت وەڵامدەرەوەی داوکاری و پێداویستییەکانی هاوڵاتییان بێت و ژیانێکی شایستە بۆ
هاوڵاتییان دابین بکات و ئاسایش و سەقامگیری بۆ هەموو لایەک دەستەبەر بکات.
لەبەشێکی دیکەی
راگەیەنراوەکەی چوارچێوەی هەماهەنگی و لایەنەکانی دیکەدا هاتووە، داوا لەهەموو
هێزە سیاسییەکان دەکەن کە ئەوان ئامادەن لەگەڵ هەموو لایەنەکاندا دەست
بەگفتوگۆکانیان بکەنەوە ئەوەس لەوباوەڕەیانەوە کە کومەتی داهاتوو دەبێت بەهێزبێت و
توانای پێشکەشکردنی سەرجەم خزمەتگوزارییەکانی هەبێت و پارێزگاری بکات لەسەروەری و
یەکپارچەیی خاکی عێراق و پارێزگاری بکات لە پێگەی عێراقدا لە سەر ئاستی نێودەوڵەتی
و هەرێمی.
ئەمە لەکاتێکدایە، ئەمڕۆ
هەریەک لە باڵ تاڵەبانی سەرۆکی یەکێتی و موسەنا سامەرائی سەرۆکی هاوپەیمانی عەزم و رەیان کلدانی سەرۆکی
جوڵانەوەی بابلیۆن لەماڵی نوری مالیکی سەرۆکی ئیئتیلافی دەوڵەتی یاسا لەگەڵ
سەرکردەکانی چوارچێوەی هەماهەنگی کۆبوونەوە.
پێشتریش، دوای
دەستلەکارکێشانەوەی سەرجەم پەرلەمانتارانی فراکسیۆنی سەدر و قەبوڵکردنی لەلایەن محەمەد
حەلبوسی سەرۆکی پەرلەمانەوە، چوارچێوەی هەماهەنگی رایگەیەنراوێکی بڵاوکردەوە و
تیایدا هابوو، رێز لە بڕیارەکەی فراکسیۆنی
سەدر دەگرن لە دەستلەکارکێشانەوەیان لە پەرلەمانی عێراق و کار لەگەڵ لایەنە
سیاسییەکان دەکەن بۆ پێکهێنانی حکومەتێکی نیشتیمانی.
لە راگەیەندراوەکەدا ئەوەش
هاتووە، لەگەڵ هەموو لایەنەکان کاردەکەن بە شێوەیەک کە گرەنتی بهشداریی بهرفراوان
بكات و خواست و هیواكانی گەلی عێراقی بۆ ئاسایش و سهقامگیری و ژیانێكی شایسته بهدهستبهێنێت،
ههروهها رۆڵ و پێگهی عێراق له ناوچهكه و جیهاندا بهرز بكاتهوه.