سەردێڕ:

وەزیری دارایی عێراق چەند رێنماییەکی نوێی بۆ دەستەی گومرگ دەرکرد

PM:06:20:13/06/2022

2196 جار خوێندراوەتەوە

وەزیری دارایی عێراق بڕیاریدا، هەوڵەکان دوو هێندە بکرێن بۆ چالاکترکردنی دەستەی گومرگی عێراق لە "ناوچە ئازادکراوەکان" بەئامانجی رێگری کردن لە بە تاڵانبردنی کاڵا و هاندانی وەبەرهێنەرانی بیانی.


ئەمڕۆ دووشەممە، نوسینگەی راگەیاندنی عەلی عەلاوی وەزیری دارایی عێراق راگەیەنراوێکی بڵاوکردەوە و تیایدا هاتووە، وەزیری دارایی سەردانی دەستەی گومرگ و دەستەی ناوچە ئازادکراوەکانی عێراقی کرد بە ئامانجی بەسەرکردنەوەیان و لە نزیکەوە ئاگاداربوون لەکارەکانی ئەو دوو دەستەیە.

ئاماژەی بەوەشداوە، عەلی عەلاوی وەزیری دارایی بڕیاریداوە بە بەرزکردنەوەی ئاستی توانای کارمەندانی هەردوو دەستەکە لە بواری کارگێڕی و هونەری.

راگەیەنراوەکە ئەوەشی خستووەتەڕوو، وەزیری دارایی بڕیاریداوە بەئامانجی رێگری کردن لە بە تاڵانبردنی کاڵای ناخۆیی وهاندانی زیاتری وەبەرهێنەرە بیانییەکان توانای گومرگی عێراق دوو هێندە بەرزبکرێتەوە و هەوڵەکان زیاتربکرێن.

باسی لەوەشکردووە، پێویستە لە رێگەی هەردوو دەستەکەوە دەروازە سنورییەکان توندوتۆڵبکرێنەوە بە ئامانجی زیادکردنی داهاتی نانەوتی و بوژاندنەوەی کەرتی ناوخۆیی.













گەلەری