سەردێڕ:

ناسا لەبارەی بوونەوەرە ئاسمانییەکانەوە دەست بە لێکۆڵینەوە دەکات

PM:05:21:10/06/2022

6212 جار خوێندراوەتەوە

ئاژانسی ناسا رایگەیاند، دەست دەکات بە لێکۆڵینەوە لە بوونەوەرە ئاسمانییەکان کە ماوەیەکی زۆرە بووەتە جێی قسە و باسی خەڵک.


ئاژانسی ناسای ئەمریکی رایگەیاند، دەست دەکات بە لێکۆڵینەوە لەسەر بوونەوەرە ئاسمانییەکان کە تا ئەمڕۆ را و بۆچوونی جیاواز لەسەر بوونیان یاخود نەبوونیان هەیە.

تۆماس زوربوچن، سەرۆکی پرۆژەی زانستیی ناسا ئەوەی خستەڕوو، لێکۆڵینەوەی ناسا لەسەر ئەم بابەتەی کە مشت و مڕی زۆری لەسەرە رەنگە ببێتە هۆی ئەوەی ناوەندە زانستییەکان ئەمە وەک جۆرێک لە پروپاگەندە ببینێت، بەڵام ئەو بەتەواوەتی رای جیاوازە.

راشیگەیاندووە، ئەوان ناترسن لەوەی ئەم بابەتە زیان بە ناوبانگیان بگەیەنێت و پێشی وایە گەورەترین بەربەست لەبەردەم ئەم دیاردەیەدا نەبوونی زانیاری و داتای پێویستە لەبەردەستدا.

ئەمە لە کاتێکدایە، لێکۆڵینەوەکە نۆ مانگ بەردەوام دەبێت و بڕی ١٠٠ هەزار دۆلاری تێدەچێت.













گەلەری