سەردێڕ:

هاتوچۆی عێراق: بۆ کەمکردنەوەى قەرەباڵغى کاردەکەین بۆ سنووردارکردنی هاوردەکردنی ئۆتۆمبێل

PM:02:59:07/06/2022

1024 جار خوێندراوەتەوە

به‌ڕێوه‌به‌رایه‌تی گشتی هاتوچۆی عێراق رایگه‌یاند، پێشنیازێكیان ئاراسته‌ی ئه‌نجومه‌نی وه‌زیران كردووه‌ بۆ سنورداركردنی هاورده‌كردنی ئۆتۆمبێل و دوباره‌ كاركردن به‌ سیستمی مراندنی ئۆتۆمبێلی كۆن بۆ پێدانی تابلۆ به‌ ئۆتۆمبێلی مۆدێل نوێ.


عه‌مید زیاد قه‌یسی به‌ڕێوه‌به‌ری راگه‌یاندن و په‌یوه‌ندیه‌كانی به‌ڕێوه‌به‌رایه‌تی هاتوچۆی گشتی عێراق رایگه‌یاند، قه‌ره‌باڵغی هاتوچۆ له‌ شه‌قامه‌كانی به‌غدا به‌هۆی چه‌ند هۆكارێكه‌وەیە‌ کە یه‌كێكیان كۆنی شه‌قامه‌كان و نۆژه‌ن نه‌كردنه‌وه‌یانە.

وتیشی، له‌كاتێكدا نزیكه‌ی چوار ملیۆن ئۆتۆمبێلی تێدایه‌، به‌شێكی زۆری شه‌قامه‌كان خراپبوون و قیرتاونه‌كراون.

ئاماژەی بەوەشکرد، یه‌كێك له ‌ڕێوشوێنه‌كان کە بۆ كه‌مكردنه‌وه‌ی لۆدی هاتوچۆ له‌ شه‌قامه‌كانی پایته‌خت گیراونه‌ته‌به‌ر، كردنه‌وه‌ی ٪٩٠ی شه‌قامه‌ داخراوه‌كان و فراوانكردنی هه‌ندێك شه‌قام و كه‌مكردنه‌وه‌ی ماوه‌ی نێوان شه‌قامه‌كان و بچوككردنه‌وه‌ی شۆسته‌كانه‌.

ئەوەشی خستەڕوو، پێشێلكارییه‌كانی به‌شێك له‌ شۆفێرانیش كاریگه‌رییان له‌سه‌ر لۆد و قه‌ره‌باڵغی هاتوچۆ هه‌یه‌، هه‌ر به‌مه‌به‌ستی كه‌مكردنه‌وه‌ی قه‌ره‌باڵغیه‌كانیش، داوامان له‌ شاره‌وانی به‌غدا كردوه‌، گه‌راجی گشتی بۆ وه‌ستانی ئۆتۆمبێل دروستبكرێت.













گەلەری