سەردێڕ:

بەراورد بە دوێنێ نرخی زێڕ بەرزبووەوە

AM:10:45:10/08/2021

15968 جار خوێندراوەتەوە

ئەمڕۆ سێشەممە، نرخی زێڕ لە بازاڕەکانی جیهان و هەرێمی کوردستاندا جارێکیتر گەڕایەوە ئاستی خۆی، دوای ئەوەی دوێنێ بەشێوەیەکی بەرچاو دابەزی.


ئەمڕۆ سێشەممە، یەک ئۆنسەی زێڕ لە بۆرسەی جیهانیدا بە هەزار و ٧٣٤ دۆلار و یەک کیلۆگرامیش بە ٥٥ هەزار و ٧٦٨ دۆلار مامەڵەی پێوەدەکرێت، یەک گرام زێڕیش نرخەکەی گەیشتە ٥٥ دۆلار و ٧٦ سەنت.

نرخی زێڕ لە بازاڕەکانی هەرێمدا دوێنێ دووشەممە سێ هەزار دینار دابەزی و بەپێی ئاستی جیهانیش نرخەکەی ٤٪ دابەزی، کە ئەمەش کەمترین ئاستە لە چوار مانگی رابردوودا، بەڵام ئەمڕۆ جارێکیتر نرخی زێڕ بەرزبووە و گەڕایەوە ئاستی پێشووتری.

هۆکاری بەرزبوونەوەی نرخی زێڕ لە ئەمڕۆدا، دەگەڕێتەوە بۆ فرۆشی زۆری زێڕ لە دوو خستنەڕووی دوێنێدا و زۆریی داواکاریی لەسەر زێڕ. هۆکارێکی دیکەی بەرزبوونەوەکە بۆ جێگریی نرخی دۆلار لە بازاڕی بۆڕسەی جیهانیدادەگەڕێتەوە.

 

نرخی زێڕ لە بازاڕەکانی هەرێمدا بەم جۆرەی خوارەوەیە:

مسقاڵێک زێڕی عەیار ١٨ بە ٣١٢ هەزار دینارە.

مسقاڵێک زێڕی عەیار ٢١ بە ٣٦٦ هەزار دینارە.

مسقاڵێک زێڕی عەیار ٢٤ بە ٤١٥ هەزار دینارە.








گەلەری