سەرۆکی روسیا رایگەیاند، بە یەک مەرج وڵاتەکەی ئامادەیە هاوکاری جیهان بکات بۆ هەنارەدەکردنی گەنمی ئۆکرانیا.
ڤلادیمیر پۆتین سەرۆکی روسیا لەگەڵ ئیمانوێل ماکرۆن سەرۆکی فەڕەنسا و ئولاف شۆلتەر راوێژکاری ئەڵمانی پەیوەندییەکی تەلەفونی لەبارەی دۆخی بازاڕی جیهانییەوە ئەنجامدا.
لە پەیوەندییە تەلەفۆنییەکەدا، پوتین بە ماکرۆن و شۆلتەری راگەیاندووە،
روسیا ئامادەیە هاوکاری جیهان بکات بۆ هەناردەکردنی گەنمی ئۆکرانیا لە رێگەی دەریای رەشەوە ئەگەر وڵاتانی ئەوروپا و ئەمریکا
سزاکانی سەر ئەو وڵاتە کەمبکەنەوە.
ئاماژەی بەوەشدا، بەردەوام پڕ چەک کردنی کیێڤ لە لایەن وڵاتانی رۆژئاوا و
ئەمریکا کاریگەری هەیە لەسەر بەردەوامبوونی ئاڵؤزییە چەکدارییەکان و روسیا هێشتا
ئامادەی هەموو دانوستان و رێککەوتنێکە لەگەڵ ئۆکرانیا.
هاوکات، ئیمانوێل ماکرۆن بە پوتینی راگەیاندووە، پێویستە روسیا رێز لە
مافی مرۆڤ و یاساکانی جەنگ لە ئۆکرانیا بگرێت.
ئەمەش لە کاتێکدایە، ماوەی ٩٣ رۆژە هێرشەکانی روسیا بۆ سەر ئۆکرانیا بەردەوامە
و بەو هۆیەوە زیان بەر ئابوری هەردوو وڵات کەوتووە.