سەردێڕ:

زانیاری نوێ لەبارەی کۆبوونەوەی نێردەی نەتەوە یەکگرتووەکان و شەش لایەنەکەی هەرێم

PM:04:12:26/05/2022

15676 جار خوێندراوەتەوە

بەگوێرەی ئەو زانیارییانەی دەست ئێن ئاڕ تی کەوتووە لەناو کۆبوونەوەکەوە، تا ئێستا کۆبونەوەی نێردەی نەتەوە یەکگرتووەکان و شەش لایەنەکەی هەرێم لەسەر پرسی هەڵبژاردن بەردەوامە.


چاوگێک لە کۆبوونەوەکە بە ئێن ئاڕ تی راگەیاندووە، کۆبوونەوەکە سێ کاتژمێر دەخایەنێت و کاتژمێر پێنج کۆتایی پێدێت.

چاوگەکە ئاماژەی بەوەشکردووە، لە کۆبوونەوەکەدا باسى هەڵبژاردنەکانى هەرێم و دۆخى عێراق و کێشەکانى ئیدارەکانی هەولێر و سلێمانى کراوە.

کۆبوونەوەکە لە ژێر سەرپەرشتی جێنین پلاسخارت نێردەی تایبەتی نەتەوە یەکگرتووەکان بۆ کاروباری عێراق بەڕێوەدەچێت و بەشداربووانی کۆبوونەوەکە بریتین لە: فازڵ میرانی لە پارتی و بافڵ تاڵەبانی لە یەکێتی و بەدرییە ئیبراهیم لە نەوەی نوێ و عومەری سەید عەلی لە گۆڕان و عەلی باپیر لە کۆمەڵی دادگەری و سەڵاحەدین بابەکر لە یەکگرتووی ئیسلامی.

ئەوەش لە کاتێکدایە، بەگوێرەی ئەو زانیاریانەی بەر لە دەستپێکردنی کۆبوونەوەکە دەست ئێن ئاڕ تی کەوتبوو، لە کۆبوونەوەکەدا پلاسخارت دوایین هۆشداری و داخوازی خۆی لەسەر هەڵبژاردن دەداتە بەرپرسانی هەرێمی کوردستان.

هاوکات، بەدرییە ئیبراهیم بە نوێنەرایەتی نەوەی نوێ تەنها ژنی بەشداربووی کۆبونەوەی نەتەوە یەکگرتووەکانە و ئەوەش بۆ یەکەمجارە لە ئاستی هەرێم ژنێک سەرۆکایەتی شاندێکی باڵای پارتێکی سیاسی دەکات.

ل.ل

 













گەلەری