ئەندامێکی پەرلەمانی عێراق لە فراکسیۆنی نەوەی نوێ رایگەیاند، لە کۆبوونەوەیەکیاندا لەگەڵ بەرپرسی کاروباری عێراق لە وەزارەتی دەرەوەی بەریتانیا لە لەندەن لەبارەی دۆخی ھەرێمی کوردستان و ھەڵبژاردنەکان و کێشەی بەزۆر ناردنەوەی پەنابەرانیان تاوتوێ کردووە.
ئەمرۆ پێنجشەممە، ئاریان تاوگۆزی ئەندامی پەرلەمانی عێراق لە فراکسیۆنی نەوەی نوێ راگەیەنراوێکی بڵاوکردەوە و تیایدا هاتووە، دوێنێ فراکسیۆنی جوڵانەوەی نەوەی نوێ دیدارێکمان هەبوو لەگەڵ شاندێکی بەریتانی کە پێکهاتبون لە ئۆلیڤەر دیکسن بەرپرسی کاروباری عێراق لە وەزارەتی دەرەوەی بەریتانیا لە لەندەن و نییام کۆنۆڵی بەرپرسی پرۆگرامی مافی مرۆڤ و ژنان لە بالێۆزخانەێ بەریتانیا لە عێراق.
ئاماژەی بەوەشداوە، یەکێک
لە تەوەرە سەرەکییەکانی دیدارەکە بریتی بوو لە کێشەی بە زۆر ناردنەوەی پەنابەرانی
کورد لە بەریتانیاوە بۆ عێراق و بەتایبەتر بۆ فڕۆکەخانەی هەولێر.
ئاریان تاوگۆزی دەشڵێت،
"داوامانکردووە بەزۆر ناردنەوەی پەنابەران بۆ عێراق و کوردستان رابگیرێت و
بارودۆخی خراپی سیاسی و ئەمنی و ئابووری عێراق و هەرێمی کوردستان بە جۆرێکە کە ژیانی
ئەو پەنابەرانە پارێزراو نابێت لە ئەگەری گەڕانەوەیان".
ئەوەشی خستووەتەڕوو،
یەکێکی دیکە لەتەوەرەکانی گفتوگۆی دیدارەکە دۆخی هەرێمی کوردستان و هەڵبژاردنی
پەرلەمانی کوردستان بووە.
ئەمە لەکاتێکدایە، لەماوەی
رابردوودا ژمارەیەک پەنابەری کورد لە وڵاتی بەریتانیا بە ئێن ئاڕ تییان راگەیاند،
لە هەولێرەوە بلیتییان بۆ بڕدراوە و بەنیازن بە فڕۆکەیەکی تایبەت لە رێکەوتی ٣١ی
٥ی ٢٠٢٢ەوە دیپۆرتی هەرێمییان بکەنەوە.