سەردێڕ:

بە هۆی زنجیرەیەک تەقینەوە لە ئەفغانستان ١٤ کەس گیانیانلەدەستدا

AM:08:52:26/05/2022

1276 جار خوێندراوەتەوە

بزوتنەوەی تاڵیبان رایگەیاند، زنجیرەیەک تەقینەوە لە ئەفغانستان رویداوە و بەهۆیانەوە ١٤ کەس گیانیان لەدەستداوە.


ئەمڕۆ پێنجشەممە، بزوتنەوەی تاڵیبان رایگەیاند، تەقینەوەیەک لە مزگەوتێکی کابولی پایتەختی ئەو وڵاتە روویداوە و پێنج کەس گیانیانلەدەستداوە.

ئاماژەی بەوەشداوە، سێ پاسی بچوک لە باشووری ئەفغانستان تەقینەوە و تێیدا نۆ سەرنشین گیانیانلەدەستداوە و ١٥ی تریش برینداربوون.

لایخۆشیەوە، نەخۆشخانەی فریاگوزاری کابوڵ ئەوەی خستەڕوو، لە رووداوی تەقینەوەکەدا ٢٢ بریندار براونەتە نەخۆشخانەکە و پێنجیان گیانیانلەدەستداوە.

هەروەها، خالید زدران وتەبێژی پۆلیسی تاڵیبان رایگەیاند، تا ئێستا هیچ وردەکارییەک لەبارەی رووداوکانەوە نازانن و هیچ لایەنێک بەرپرسیارێتی خۆی لە رووداوەکە را نەگەیاندووە.

ئەمەش دوای ئەوەدێت لە ماوەی رابردووەدا زنجیرەیەک تەقینەوە لە ئەفغانستان روویاندا و دواتر رێکخراوی چەکداری داعش بەرپرسیارێتی خۆی لەو تەقینەوانە راگەیاند.













گەلەری