ئەوەشی خستووەتەڕوو، لەکاتی ئاسایی بوونەوەی شەپۆلی خۆڵبارینەکە بە پێی خشتەی دیاریکراو گەشتەکان ئاسایی دەبنەوە.

هاوکات، فڕۆکەخانەی نێودەوڵەتی هەولێر راگەیەنراوێکی بڵاوکردەوە و تیایدا ئاشکرای کرد، "ئاگاداری گشت لایەک دەکەینەوە کە بە هۆی خۆڵبارینێکی چر فرۆکەخانەی نێودەوڵەتی هەولێر سەرجەم گەشتەکانی راگرت، لە ئەگەری هەبوونی هەر گۆرانکاریەک ئاگادارتان دەکەینەوە".

ئەمە لەکاتێکدایە، شەوی رابردوو، چاوگێک لە فڕکۆەخانەی سلێمانی بە ئێن ئاڕ تی راگەیاند، لە ئێستادا گەشتەکانی فڕۆکەخانەی نێودەوڵەتی سلێمانی راگیراوە و لە کاتێکدا گەشتەکان دەستپێدەکەنەوە کە مەودای بینین بچێتەوە سەرو هەزار مەتر و هەتا ئەو کاتەی بارودۆخەکەی ئێستا بەردەوامی هەبێت گەشتەکان بە راگیراوی دەمێننەوە.

هەروەها، فڕۆکەخانەی نێودەوڵەتی هەولێریش رایگەیاند، بەهۆی خراپی کەشوهەواوە ئاگاداری گشت لایەک دەکەنەوە کە سەرجەم گەشتەکان لە فڕۆکەخانەکەیان راگیراوە.

هەروها، فڕۆکەخانەی نێودەوڵەتی هەولێر گەشتەکانی بۆ کاتێکی نادیار راگرتووە و دەڵێت، "لە ئەگەری هەبوونی هەر گۆڕانکارییەک هاوڵاتییان ئاگاداردەکەینەوە."

بەیانی دوێنێشەپۆلێکی خۆڵبارین ناوچەکانی عێراق و هەرێمی کوردستانی گرتەوە و بەڕێوەبەرایەتی گشتی کەشناسی و بومەلەرزەزانی هەرێم رایگەیاند، سبەینێ سێشەممە، لەکاتەکانی ئێوارەدا کاریگەری شەپۆلی ئەو خۆڵبارینەی رووی لە هەرێم کردووە کەمدەبێتەوە.