زانکۆی پۆلەتەکنیکی سلێمانی رایگەیاند، بەهۆی ئەو شەپۆلە خۆڵبارینەی هەرێمی کوردستانی بەگشتی و پارێزگایی سلێمانی و هەڵەبجە و ئیدارەی گەرمیانی گرتووەتەوە و بەمەبەستی پاراستنی تەندروستی و سەلامەتی خوێندکاران و فەرمانبەران و مامۆستایان بریاڕیان دا بە راگرتنی دەوام بۆ سبەینێ.
زانکۆی پۆلە تەکنیکی سلێمانی ئاماژەی بەوەشکردووە، بڕیاری راگرتنی دەوام بەگوێرەی ئەو دەسەڵاتانەیە کە پێیان دراوە و بەهۆی ئەو رێنماییە تەندرووستیەکانی وەزارەتی تەندرووستی هەرێم و ناوەند و زانیاریە کەشناسیەکانە کە سبەینێش خۆڵبارین بەردەوامە.
ئاماژە
بەوەشکراوە، بڕیارەرەکە لەلایەن ئەنجومەنی زانکۆی پۆلەتەکنیکەوە دراوە و سەرجەم کۆلێج و پەیمانگاکان و دامەزراوەکانی
زانکۆی پۆلیتەکنیکی سلێمانی لە سنوری پارێزگای سلێمانی و هەڵەبجە و ئیدارەی گەرمیان
دەگرێتەوە.
دەشڵێت،
"سەبارەت بە تاقیکردنەوەکان دەسەڵات لای ئەنجومەنی کۆلێج و پەیمانگاکانە بە
گونجاندنی ئەم راگرتنی دەوامە لەگەڵ خشتەی تاقیکردنەوەکان بە پێی پێویست."
ئەمەش لە کاتێکدایە، بەیانی ئەمڕۆ شەپۆلێکی خۆڵبارین ناوچەکانی عێراق و هەرێمی
کوردستانی گرتەوە و بەڕێوەبەرایەتی گشتی کەشناسی و بومەلەرزەزانی هەرێم رایگەیاند،
سبەینێ سێشەممە، لەکاتەکانی ئێوارەدا کاریگەری شەپۆلی ئەو خۆڵبارینەی رووی لە هەرێم
کردووە کەمدەبێتەوە.
هاوکات، پارێزگای هەڵەبەجە بۆ سبەینێ تەواوی دەوامی
فەرمانگە و دامەزراوەکانی سنورەکەی راگرت.