پارێزگای هەڵەبجە رایگەیاند، بەهۆی ئەو شەپۆلی خۆڵبارینەی رووی لە ناوچەکە کردووە، سبەی دەوامی فەرمی لەسەرجەم دامودەزگا حکومی و تایبەتەکاندا رادەگیرێت.
پارێزگای هەڵەبجە رایگەیاند، بەهۆی ئەو شەپۆلە خۆڵبارینەی هەرێمی کوردستان بەگشتی و پارێزگای هەڵەبجەی گرتووەتەوە، پشووی فەرمی رادەگەیەنن.
لەراگەیاندراوەکەدا
ئەوە هاتووە، لەبەر رەوشی بریندارانی چەکی کیمیاوی و بۆ پاراستنی گیانی فەرمانبەران،
لەژێر رۆشنایی ڕێنماییە تەندروستیەکانی وەزارەتی تەندروستی هەرێم و ناوەند و زانیاریە
کەشناسیەکان کە سبەینێش خۆڵبارین بەردەوامە، بە بڕیاری پارێزگاری هەڵەبجە سبەینێ لە
دامەزراوەکانی حکومەتی هەرێم لە سنوری پارێزگای هەڵەبجە پشووی فەرمیە.
ئەمەش لە کاتێکدایە، بەیانی ئەمڕۆ شەپۆلێکی خۆڵبارین
ناوچەکانی عێراق و هەرێمی کوردستانی گرتەوە و بەڕێوەبەرایەتی گشتی کەشناسی و بومەلەرزەزانی
هەرێم رایگەیاند، سبەینێ سێشەممە، لەکاتەکانی ئێوارەدا کاریگەری شەپۆلی ئەو خۆڵبارینەی
رووی لە هەرێم کردووە کەمدەبێتەوە.
هـ.ئـ