فڕۆکەخانەی نێودەوڵەتی هەولێر رایگەیاند، بەهۆی خراپی کەشوهەواوە ئاگاداری گشت لایەک دەکەنەوە کە سەرجەم گەشتەکان لە فڕۆکەخانەکەیان راگیراوە.
ئەوەش لە کاتێکدایە، فڕۆکەخانەی نێودەوڵەتی هەولێر گەشتەکانی بۆ کاتێکی نادیار راگرتووە و دەڵێت، "لە ئەگەری هەبوونی هەر گۆڕانکارییەک هاوڵاتییان ئاگاداردەکەینەوە."
هاوکات، چاوگێک لە فڕکەخانەی سلێمانی بە پەیامنێری ئێن ئاڕ تی راگەیاند،
لە ئێستادا گەشتەکانی فڕۆکەخانەی نێودەوڵەتی سلێمانی بەهەمان شێوە راگیراوە و لە
کاتێکدا گەشتەکان دەستپێدەکەنەوە کە مەودای بینین بچێتەوە سەرو هەزار مەتر و هەتا
ئەو کاتەی بارودۆخەکەی ئێستا بەردەوامی هەبێت گەشتەکان بە راگیراوی دەمێننەوە.
ئەمەش لە کاتێکدایە، بەیانی ئەمڕۆ شەپۆلێکی خۆڵبارین ناوچەکانی عێراق و
هەرێمی کوردستانی گرتەوە و بەڕێوەبەرایەتی گشتی کەشناسی و بومەلەرزەزانی هەرێم رایگەیاند،
سبەینێ سێشەممە، لەکاتەکانی ئێوارەدا کاریگەری شەپۆلی ئەو خۆڵبارینەی رووی لە هەرێم
کردووە کەمدەبێتەوە.
ئیحسان سابر، سلێمانی
ئومێد چۆمانی، هەولێر
ل.ل