وەزارەتی دارایی و ئابوری حکومەتی هەرێم رایگەیاند، بەمەبەستی بەدواداچون بۆ کێشەی داهات و خەرجییەکانی سنوری پارێزگاکانی سلێمانی و هەڵەبجە، بڕیاری پێکهێنانی لیژنەیەکی لە وەزارەتەکانی ناوخۆ و دارایی و ئابوری دەرکرد.
ئەمڕۆ دووشەممە، وەزارەتی دارایی و ئابوری حکومەتی هەرێم نوسراوێکی بڵاوکردەوە کە واژۆی ئاوات جەناب وەزیری دارایی لەسەرە تیایدا ئاماژەیداوە بەوەی، بەمەبەستی بەدواداچون بۆ کێشەی داهات و خەرجییەکانی سنوری پارێزگاکانی سلێمانی و هەڵەبجە، بڕیاردرا بە پێکهێنانی لیژنەیەک لە وەزارەتەکانی ناوخۆ و دارایی و ئابوری.
دەشڵێت، پێویستە گشت دامودەزگاکانی حکومەت
هاوکاری تەواوی لیژنەکە بکەن و داتا و زانیاریی پێویستی بخرێتە بەردەست.
بەگوێرەی نوسراوەکەی وەزارەتی
دارایی، لیژنەکە بەدواداچوون بۆ داهات و خەرجییەکانی هەردوو ئیدارەی سەربەخۆی
گەرمیان و راپەڕینیش دەکات.
ئەوەشی ئاشکرا کردووە، لیژنەکە
لە پێنج کەس پێکدێت و بەرپرسن لە ئامادەکردنی راپۆرتێک لەسەر ئەو پرسە.
نوسراوەکەی وەزارەتی
دارایی باسی لەوەشکردووە، پێویستە گشت دامودەزگاکانی حکومەت هاوکاری تەواوی لیژنەکە
بکەن و داتا و زانیاری پێویستی بخرێتە بەردەست.
دەشڵێت، لەکاتی پێویستدا دەتوانرێت
لیژنەی لاوەکی دروست بکرێت بۆ هاوکاری لیژنەکەی حکومەتی هەرێمی کوردستان.