بەڕێوەبەرایەتی کەشناسی و بومەلەرزەزانی عێراق پێشبینییەکانی کەش و هەوای بۆ رۆژانی داهاتوو ئاشکراکرد و رایگەیاند لە سبەینێوە پلەکانی گەرما دادەبەزن.
لە راگەیەندراوەکەی کەشناسیی عێراقدا کە تۆڕی هەواڵی عێراقی بڵاویکردووەتەوە هاتووە، کەشوهەوای پارێزگاکانی هەرێم بۆ رۆژی دووشەممە، نیمچە هەور دەبێت و ئەگەری بارانبارینیش لە ناوچە شاخاوییەکان هەیە و خۆڵبارینیش لە ناوچەکانی هەرێم دەستپێدەکات.
ئەوەش
خراوەتەڕوو، پلەکانی گەرما بەراورد بە رۆژەکانی پێشتر لەسەرتاسەری وڵاتدا دادەبەزن.
راشیانگەیاند،
ئاسمانی هەرێم بۆ رۆژی سێشەممە ساماڵە و خۆڵبارین لە هەندێک لە ناوچەکان بەردەوامی
دەبێت، پلەکانی گەرماش کەمێک بەرزتر دەبنەوە.
ئاماژەی بەوەشدا،
ئاسمانی رۆژی چوارشەممە ساماڵ و کەش خۆڵبارین دەبێت و لەسەرتاسەری وڵاتدا پلەکانی
گەرما تا رادەیەک بەجێگیری دەمێننەوە.
لەبارەی کەشوهەوای
رۆژی پێنجشەممە ئەوە هاتووە، بەهەمان شێوە ساماڵ دەبێت لەگەڵ خۆڵبارینێکی سووک و
پلەکانی گەرماش نزیک دەبن لە رۆژەکانی پێشتر.