چاوگێکی ئەمنی عێراق رایگەیاند، لە سەر رێگای سەرەکی نێوان شاری بەغدا و بابل لە ئەنجامی وەرگەڕانی ئۆتۆمبێلێک کەسێک گیانیلەدەستدا و ١٤ کەسی دیکەش برینداربوون.
ئەمڕۆ شەممە، چاوگێکی ئەمنی عێراق بە میدیا ناوخۆییەکانی راگەیاند، لە ئەنجامی وەرگەڕانی ئۆتۆمبێلێک لەسەر رێگای سەرەکی نێوان پارێزگای بەغدا و پارێزگای بابل کەسێک گیانیلەدەستدا.
ئاماژەی بەوەشداوە،
بەهۆی رووداوەکەوە ١٤ کەسی دیکە برینداربوون کە دووانیان منداڵن.
ئەوەشی خستووەتەڕوو، رووداوەکە لە ناحیەی
ئەسکەندەرییەی نێوان بەغدا و بابل روویداوە.
رووداوەکانی هاتوچۆ لە هەرێمی کوردستان و عێراق بە یەکێک
لە هۆکارەکانی گیانلەدەستدان و برینداربوونی هاوڵاتییان دادەنرێن و بەشێک لە هاوڵاتیان
باس لەوە دەکەن هۆکارەکەی خراپی شەقامەکان و رێگەوبانەکانە و هاتوچۆش هۆکارەکە دەگەڕێنێتەوە
بۆ پابەندنەبوونی شۆفێران بە رێنماییەکانەوە.