دەستەی کەشوهەوا و بومەلەرزەزانی عێراق رایگەیاند، پێشبینی دەکرێت لە تەواوی عێراق بە هەرێمی کوردستانیشەوە ئاستی خۆڵبارین لە رۆژەکانی دوو شەممە و سێشەمەی داهاتودا بەرز ببێتەوە و هۆشداری لە خۆڵبارینێکی چر دەدات.
ئاماژەی بەوەشکردووە، ئاسمان ساماڵ دەبێت و ئاستی خۆڵبارین بەرزدەبێتەوە لەناوچەوکانی باشور و ناوەڕاست و باکوری وڵاتدا و لەگەڵ ئەوەشدا پلەکانی گەرما کەمێک دابەزین بەخۆیانەوە دەبینن.
باسی لەوەشکردووە، کەشوهەوای ئەمڕۆش
کەمێک خۆڵبارین بەخۆیەوە دەبینێت و ئاستەکە لە رۆژی دووشەممە و سێشەمەدا بە تەواوی
بەرزدەبێتەوە لە ناوچە جیاوازەکانی عێراقدا.
ئەمەش لە کاتێکدایە، دوێنێ پێنجشەممە دەستەی
کەشناسی عێراق رایگەیاند، رۆژی یەکشەممەی هەفتەی داهاتوو شەپۆلێکی دیکەی خۆڵبارین
روو لە عێراق و هەرێم دەکات و لە پارێزگاکانی هەولێر و سلێمانی و هەڵەبجە و کەرکوک
چڕ دەبێت و لە دهۆک چرییەکەی زۆر کەمدەبێت.
هاوکات، دەستەی کەشناسی
عێراق هاوپێچ لەگەڵ راگەیەنراوەکەیدا نەخشەی خۆڵبارینەکە و ئەو پارێزگایانەی
بڵاوکردووەتەوە کە دەیانگرێتەوە و رادەی چڕی خۆڵبارینەکەشی بە گوێرەی پارێزگاکان
دەسنتیشان کردووە.
بەگوێرەی نەخشەکە، لە پارێزگاکانی هەولێر و سلێمانی و هەڵەبجە و کەرکوک
خۆڵبارینەکە چر دەبێت و لە پارێزگای دهۆک چڕییەکەی زۆر کەم دەبێت.