PM:10:02:19/05/2022
7968 جار خوێندراوەتەوە
وتەبێژى پارتى دیموکراتى کوردستان رایگەیاند، لەم هەفتەیەدا مەكتەبی سیاسی پارتی بەمەبەستی تاوتوێكردنی پرسی دەستپێشخەرییەكەیان و شێوازی سەردانی یەکێتى و لایەنەكانى دیکە چوار جار كۆبوونەتەوە.
مەحمود محەمەد وتەبێژى پارتى دیموکراتى کوردستان بە ئێن ئاڕ تى راگەیاند، هەفتەی داهاتوو پارتی بەفەرمی دەستپێشخەری و هەڵوێستی خۆی لەسەر پرسەكانی هەڵبژاردن و سەردانی لایەنەكان و پرسەكانی پەیوەست بە بەغدا ڕادەگەیەنێت.
پێشتریش وتەبێژى پارتى رایگەیاند، دەیانەوێت
لەگەڵ پارتى رێکبکەون، بەڵام یەکێتى وەڵامى نەداونەتەوە.
ئەوەش لەکاتێکدایە، بەهۆى رێکنەکەوتنى
پارتى و یەکێتییەوە لەسەر پۆستى سەرۆک کۆمارى عێراق، زیاتر لە حەوت مانگە پێکهێنانى
حکومەتى نوێى عێراق پەکى کەوتووە و ئۆپۆزسیۆنیش دەڵێت، پارتى و یەکێتى ئەوەندەى لە
خەمى بەدەستهێنانى پۆست و پارەدان لە بەغدا، ئەوەندە خەمى هاوڵاتییانى هەرێمیان نییە.
