ئیدارەی بانکی ناوەندی عێراق بڕیاریدا بە زیادکردنی سەرمایەی خۆی لە سێ ترلیۆن دینارەوە بۆ پێنج تریلیۆن دینار.
ئەمڕۆ پێنجشەممە، نوسینگەی راگەیاندنی بانکی ناوەندی عێراقی لە راگەیندراوێکیدا ئاماژەی بەوەداوە، ئەم زیادکردنە دەبێتە هۆی بەرەوپێشچوونی ئەنجامەکانی سیاسەتی هاوسەنگ لە بەڕێوەبردنی وەبەرهێنان و گرنگیدان بە سەرمایەی بانکەکە.
دەشڵێت، زیادکردنی سەرمایەی بانکەکە بەشێوەیەکی راستەخۆ رەنگدانەوەی لەسەر
دۆخی دارایی وڵات دەبێت.
هەر بەگوێرەی راگەیەنراوەکە، سەرمایەی بانکەکە و دۆخی دارایی ئاماژەن بۆ
زیندوییەتی و بەئاگایی ئەم دامەزراوانە و توانایان بۆ پاڵپشتیکردنی سێکتەری بانکی
بە تایبەت و سێکتەری ئابوری بە گشتی.
ئەوەشی ئاشکرا کردووە، زیادکردنی سەرمایەی بانکەکە بە بەکارهێنانی بەشێک
لەو قازانجەبووە کە لە ساڵی ٢٠٢١ بەدەستهاتووە.