ئاماژەی بەوەشدا، ئامانجی ئەوان نەخۆشە، بۆیە نابێت رۆتین هەبێت لە دابینکردنی دەرماندا و ئەوان وەک وەزارەتی تەندروستی دابینکردنی دەرمانیان داوەتە دەست بەڕێوەبەرایەتییەکانی تەندروستی لە پاریزگاکان و شارەکان.

هەروەها، لەبارەی نەختینەی کۆمپانیاکانەوە ئەوەشی خستەڕوو، نەختینە و شایشتەی دارایی بۆ کۆمپانیاکان بە رێژەیەکی دیاریکراو لە قۆناغێکەوە بۆ قۆناغێکی دیکە جیاوازی هەبووە، بەڵام لەم دۆخەدا بەهۆی نەبوونی نەختینەو پارەی کاش تووشی کەمی دەرمان بووین.

وەزیری تەبدروستی هەرێم ئەوەشی خستەڕوو، لە ئێستادا پرۆسەکانی تەندەرین لەگەڵ کۆمپانیاکانی دابیکنردنی دەرماندا چووەتە قۆناغی واژۆکردنەوە.

دەشڵێت، "رێکاری چارەسەرکردنی کێشەکانمان دیاریکردووە بەوەی بوودجەی شەش ملیار کە بۆ دابیکردنی دەرمان تەرخانمان کردبوو، زیادی بکەین بۆ حەوت ملیار دینار".

هەروەها، لەبارەی نەخۆشی تای خوێنبەربوون کە لەئێستدا بوونی هەیە، سامان بەرزنجی وەزیری تەندروستی حکومەتی هەرێمراشیگەیاند، نەخۆشییەکە نوێ نییە، بەڵام دەبێت رێگەی لێبگیرێت و هەماهەنگی هەبێت لەگەڵ وەزارەتی کشتوکاڵ، دەبێت پیشوەختە ئاژەڵەکان بکوترێن.

ئاشکراشی کرد، تا ئێستا تەنها دوو حاڵەتی تووشبوون بوونیان هەبووە کە هەردووکیان لە شوێنی نایاسایی ئاژەڵیان سەربڕیوە.