دەستەی کەشناسی عێراق رایگەیاند، بەرزبوونەوەی تۆز و بوونی خۆڵ تا رۆژی دووشەممەی هەفتەی داهاتوو بەردەوام دەبێت. دەشڵێت، "شەوی دووشەممەی هەفتەی داهاتوو ئەگەری هەیە لە ناوچە شاخاوییەکان لە هەرێم بارانببارێت".
ئەمڕۆ پێنجشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، بەرزبوونەوەی تۆز و بوونی خۆڵ تا رۆژی دووشەممەی هەفتەی داهاتوو بەردەوام دەبێت.
ئاماژەی بەوەشدا، سبەینێ
هەینی ئاسمانی هەرێم ساماڵدەبێت و بەرزبوونەوەی
تۆز بەردەوامبێت و خۆڵبارین دەبێت. پلەکانی
گەرماش هاوشێوەی رۆژی پێشتر دەبێت.
ئەوەشی خستووەتەڕوو، رۆژی
یەکشەممە ئاسمانی هەرێم سماڵ دەبێت و لەبەشی
خۆر ئاوای هەرێم تۆز بەرزدەبێتەوە. پلەکانی گەرماش چەند پلەیەک دادەبەزن.
هەر بەگوێرەی
راگەیەنراوەکە، رۆژی یەکشەممە ئاسمانی هەرێم ساماڵ دەبێت و پلەکانی گەرما چەند
پلەیەک دادەبەزن.
دەشڵێت، رۆژی دووشەممە، ئاسمانی
هەرێم نیمچەهەور و هەوری تەواو دەبێت و لە شەودا کەناوچە شاخاوییەکان ئەگەری هەیە
باران ببارێت و پلەکانی گەرما چەند پلەیەک دابەزنن و کەمێک تۆز لە هەوادا دەبێت.
هەر ئەمڕۆ، بەڕێوەبەرایەتی
گشتی کەشناسی هەرێم راگەیەنراوێکی بڵاوکردەوە و تیایدا هاتووە، ئاسمان لەنێوان ساماڵ و پەڵە هەور دەبێت.
ئاماژەی بەوەشداوە، سبەینێ
ئاسمان لەنێوان ساماڵ و نیمچە هەور دەبێت، لە ناوچە شاخاوویە سنورییەکان ئەگەری کەمێک
تاوە باران و بروسکە هەیە. لە پارێزگای هەولێر ئەگەر هەیە لەکاتەکانی ئێوارە لەناوچەکانی
باشوری پارێزگاکە تۆزێکی سوکی هەبێت.