بەڕێوەبەرایەتی گشتی کەشناسی هەرێم رایگەیاند، ئەمڕۆ ئاسمانی هەرێم نیمچە هەور دەبێت و هەندێ کات هەوری تەواو دەبێت لەگەڵ ئەگەری بارینی تاوە باران لە کات و ناوچەی جیاجیا بەتایبەت لە ناوچە شاخاوییەکان.
ئەمڕۆ پێنجشەممە، بەڕێوەبەرایەتی گشتی کەشناسی و بومەلەرزەزانی هەرێم رایگەیەنراوێکی بڵاوکردەوە و تیایدا هاتووە، ئەمڕۆ ئاسمانی هەرێم نیمچە هەور دەبێت و هەندێ کات هەوری تەواو دەبێت لەگەڵ ئەگەری بارینی تاوە باران لە کات و ناوچەی جیاجیا بەتایبەت لە ناوچە شاخاوییەکان.
ئەوەشی خستووەتەڕوو، سبەینێ هەینی
ئاسمانی هەرێم پەڵە هەور و نیمچە هەور دەبێت
و لە ناوچە شاخاوییەکان ئەگەری نمەباران هەیە.
هەر ئەمڕۆ، دەستەی کەشناسی و چاودێریکردنی
بومەلەرزەی عێراق راگەیەنراوێکی بڵاوکردەوە و تیایدا هاتووە، سبەینێ هەینی ئاسمانی
هەرێم نیمچەهەور دەبێت و دواتر دەگۆڕێت بۆ هەوری تەواو و ئەگەر هەیە نمەباران ببارێت و پلەکانی گەرما کەمێک
دادەبەزن.
ئەوەشی خستووەتەڕوو، رۆژی شەممە، ئاسمانی هەرێم ساماڵ دەبێت و کەمێک
پەڵە هەوری دەبێت و پلەکانی گەرما کەمێک بەرزدەبنەوە.
هەر بەگوێرەی راگەیەنراوەکە، رۆژی یەکشەممە، ئاسمانی هەرێم نیمچەهەور دەبێت
و دواتر بۆ هەوری تەواو دەگۆڕێت و پلەکانی گەرما کەمێک بەرزدەبنەوە.
ئاماژەی بەوەشداوە، رۆژی دووشەممە
ئاسمانی هەرێم ساماڵ دەبێت لەگەڵ بوونی کەمێک هەور و پلەکانی گەرما کەمێک دادەبەزن.