وەزارەتی کارەبا: کارەبای ٢٤ کاتژمێری دەگەیەنینە ١٤ گەڕەکی دیکەی شاری سلێمانی و هەولێر
سەرۆکایەتی شارەوانی هەڵەبجە رایگەیاند، سبەینێ بەهۆی رۆژی کرێکارانەوە لە پارێزگای هەڵبجە پشوو دەبێت.
سەرۆکی شاندی حاجیانی کوردستان رایگەیاند، هەموو ئامادەکارییەکیان بۆ پێشوازیکردن لە وەرزی حەجی ئەمساڵ کردووە و یەکەم کاروانی حاجیانی کوردستان بەرێگەی ئاسمانی لە رێگەی هەردوو فرۆکەخانەی نێودەوڵەتی هەولێر و سلێمانییەوە بەرەو سعوودیە بەڕێ دەکەون کە ژمارەیان ٣٤٩١ حاجیە.
وەزارەتی کارەبای حکومەتی کاربەڕێکەر رایگەیاند، دەستدەکەن بەدابینکردنی کارەبای ٢٤ کاتژمێری بۆ ١٢ گەڕەکی دیکەی شاری هەولێر و دوو گەڕەکی شاری سلێمانی، کە نرخی کیلۆواتێک کارەبا لە کارەبا گرانەکە بە ١٩٨ دینار دانراوە بۆ ئەو کەسانەی ٨٠٠ کیلۆوات بەکاردەهێنن.
بەهۆی روداوێکی هاتووچۆوە لە نێوان خانەقین و جەلەولادا سێ کەس گیانیان لەدەستدا و کەسێکی دیکەش برینداربوو.
به‌ڕێوه‌به‌رایه‌تی ئاسایشی هه‌ولێر رایگه‌یاند، له‌لایه‌ن هێزه‌كانیانه‌وه باندێكی مادده‌ی هۆشبه‌ر ده‌ستگیركرا كه پێكهاتبوو له شه‌ش تۆمه‌تبار کە خه‌ڵكی ده‌ره‌وه‌ی هه‌رێمی كوردستانن.
دوای ئەوەی پاسێکی گەشتیاری خوێندکاران وەرگەڕا پەروەردەی سلێمانی رایگەیاند، کە گەشتی قوتابیانی لە سەرجەم قوتابخانەکان راگرت.
کونسوڵیەتی ئەمریکا لە هەولێر تایبەت بە سەردانیان بۆ لای سەرۆکی جوڵانەوەی نەوەی نوێ رایانگەیاندوە، کونسوڵی گشتی وڵاتەکەیان و سەرۆکی جوڵانەوەی نەوەی نوێ کۆبونەتەوە و گفتوگۆیان لەسەر بەرژەوەندییە هاوبەشەکانیان کردووە بۆ زیاتر بەهێزکردنی پەیوەندیەکانی ئەمریکا لەگەڵ سلێمانی.
حکومەتى کاربەرێکەر کۆبووەوە و دەڵێت، ئەوەندەی پەیوەندی بە ئەوانەوە هەبێت، هیچ ئاستەنگ و بەربەستێک لەلایەن هەرێمی کوردستانەوە نییە بۆ دەستپێکردنەوەی هەناردەکردنی نەوتی هەرێم و دانانی داهاتەکەی لە گەنجینەی گشتی فیدڕاڵی.
وتەبێژی حکومەتی کاربەڕێکەر رایگەیاند، سەرۆکی حکومەتی کاربەڕێکەر، تیمی حکومەتی راسپارد هاوکاربن بۆ دەستپێکردنەوەی هەناردەکردنی نەوتی هەرێم.
سەرۆک وەزیرانی عێراق ئامادەیی حکومەتی دووپاتکردەوە بۆ دابینکردنی هەموو ئاسانکاری و پاڵپشتییەکی پێویست بۆ کارەکانی کۆمپانیا بیانییەکان لە عێراق.
فریاکەوتنی سلێمانی بە ئێن ئاڕ تی راگەیاند، پاسێکی خوێندکاران لە کونەماسی وەرگەڕاوە و بەهۆی رووداوەکەوە نزیکەی ١٦ خوێندکار گەیەندرانە نەخۆشخانە.
وەزارەتی دارایی و ئابوری رایگه‌یاند، زیاتر لە ٤٥ ملیار دینار بۆ پارێزگاكانی سلێمانی و هەڵەبجە و ئیدارەی گەرمیان و راپەڕین خەرج دەکات.
زیندانییەکی چاکسازی زڕکای دهۆک لە کاتی بردنی بۆ نەخۆشخانە بە مەبەستی چارەسەر لە کاتی چوون بۆ دەستشۆر هەڵهات.
پەیامنێری ئێن ئاڕتی رایگەیاند، چاوەڕوان دەکرێت سەرەتای هەفتەى داهاتوو پارەی مووچەی مانگی چوار ڕەوانەی هەرێم بکرێت و وتیشی، هۆکاری دواکەوتنی پارەکە بوونی کێشە بووە لە لیستی مووچە.
پەروەردەی هەرێم خشتەی تاقیکردنەوە گشتییەکانی پۆلی ١٢ـی ئامادەیی بڵاوکردەوە و بەپێی خشتەکە رۆژی یەکشەممە ١ـی حوزەیران یەکەم تاقیکردنەوە دەست پێدەکات و رۆژی ٢٩ـی ئەو مانگە کۆتایی دێت.
وەزارەتى ناوخۆی عێراق دوو توێژ لە مەرجى نۆرەگرتنى ئەلیکترۆنی بۆ دەرهێنانى کارتى نیشتمانى دەبەخشێت.
ناوەندی راگەیاندن و چاپەمەنی (هەپەگە) دەڵێت، "لەم قۆناغە مێژوییەدا، کە لە سەروبەندی بڕیارێکی ستراتیژیداین بۆ ئایندەی گەل و بزوتنەوەکە، نامانەوێت گرژیی و ململانێ لەگەڵ کەس دروست بکەین".
میدیا عێراقیەکان بڵاویان كردەوە، لە رۆژی هەڵبژاردندا، چوارچێوەی هەماهەنگی شیعەكان بریاریداوە پێش هەڵبژاردن دابەش ببێت و بە بە شەش لیست بەشداری هەڵبژاردنی پەرلەمانی عیراق دەكات.
پەرلەمانتارانی نەوەی نوێ چوونەسەر ئەنجومەنی وەزیران و دەڵێن، دابەشنەکردنی مووچەی مانگی ١٢ـی مووچەخۆران دزییە و بێدەنگ نابن لە بەرامبەریدا، وتیشیان، حکومەتی کاربەڕێکەر دەیتوانی لە داهاتی ناوخۆ و نەوتی قاچاخ مووچەی مانگی ١٢ـی دابەشکردایە.
وەزارەتی ناوخۆی سعودیە سزای بەسەر ئەو کەسانەدا راگەیاند، کە سەرپێچی رێنماییەکان دەکەن بۆ وەرگرتنی مۆڵەتی حەج، بە غەرامەکردنی تا ٢٦ هەزار دۆلار دیاریکراوە بۆ ئەوانەی بە ڤیزای سەردان هەوڵی چونە مەککە و شوێنە پیرۆزەکان بدەن.
وەزیری دەرەوەی ئێران دەڵێت، شەممەی داهاتوو لە رۆما لەگەڵ شاندی ئەمەریکا کۆدەبنەوە و رۆژی هەینیش لەگەڵ بەریتانیا، فەرەنسا و ئەڵمانیا کۆدەبنەوە.
سەرەڕای هێرشەکانی ڕووسیا بۆ سەر ئۆکرانیا، بەڵام ترەمپ دووپاتی دەکاتەوە، کە پوتن ئاشتی دەوێت.
وەزیری تەندروستی حکومەتی کاربەڕێکەر دەڵێت، رێژەی مردن و پەککەوتن بەهۆی نەخۆشییەکانەوە لەگەڵ تووشبوون بە شێرپەنجە لە هەرێم کەمیکردووە، باسی لەوەشکرد، پڕۆژەی بیمەی تەندروستی لە داهاتوودا دەچێتە بواری جێبەجێکردن.
وەزیری دەرەوەی عێراق رایگەیاندبوو، هەموو هەوڵێک دەدەن بۆ ئەوەی هەناردەی نەوتی هەرێم دەستپێبکاتەوە، دابەزینی نرخی نەوت کێشە بۆ مووچە درووست دەکات.
کەشناسی هەرێم دەڵێت، ئەمڕۆ ئەگەری کەمێک تۆز وخۆڵ هەیە و پلەکانی گەرماش بەرز دەبنەوە، سبەینێش ئاسمان هەوری تەواو دەبێت.
حکومەتی عێراق لیژنەیەک بۆ بەرەنگاربوونەوەی پەتا و کۆنتڕۆڵکردنی نەخۆشییەکان پێک دەهێنێت و بۆ ئەو مەبەستە بڕی زیاتر لە سێ ملیار دۆلار خەرج دەکات.
دەستەی خانەنشینانی گشتی عێراق دەڵێت، رێکارەکانی خەرجکردنی مووچەی خانەنشینان بۆ مانگی ئایاری ٢٠٢٥ تەواو بووە.
بەهای دۆلار بە بەراورد بە دوێنێ لە بازاڕەکانی هەرێم، لە بەرامبەر بە دیناری عێراقی نزم دەبێتەوە، بە ١٤٤ هەزار و ٧٥٠ دینار مامەڵەی پێوەدەکرێت.
ئەمڕۆ ئه‌نجومه‌نى وه‌زیرانى هه‌رێمى كوردستان له باره‌ى دوو پرس كۆده‌بێته‌وه و باس له هه‌نارده‌ى نه‌وتى هه‌رێم ده‌كات، بەڵام پرسی مووچە لە کارنامەی دانیشتنەکەدا نییە.
وەزیری راگەیاندنی پاکستان رایگەیاند، پاکستان زانیاری هەواڵگری متمانەپێکراوی هەیە کە هیندستان بەنیازە لە ماوەی (٢٤ بۆ ٣٦) کاتژمێری داهاتوودا هێرشی سەربازی ئەنجام بدات.