سری سورەییا ئۆندەر كۆچی دوایی كرد
وتەبێژی پۆلیسی گەرمیان رایگەیاند، دوای ئەوەی شەوی رابردوو لەگەڕەکی شەهیدان و ئازادی و ئاوارەکانی قەزای کەلار دوو تۆمەتبار بەماتۆڕسکیل لەنێو شار دەسوڕانەوە و بەچەکی جۆری کڵاشینکۆف تەقەیان دەکرد لەلایەن پۆلیسەوە دەستگیرکراون و دەست بەسەرچەک و ماتورسکیلەکەیاندا گیرا.
جێگری سەرۆکی حکومەتی کاربەڕێکەر رایگەیاند، بە داخەوە مەرگ مەودای بەو دڵە پڕ هیوایەی سری سورەییا نەدا تا ئەو داهاتووە پرشنگدارەی پێکەوەژیان کە تەمەنێک لەپێناویدا خەباتی کردبوو، بە چاوی خۆی ببینێت.
سەرۆکی حکومەتی کاربەڕێکەر بۆ کۆچی دوای سری سورەییا رایگەیاند، دۆستی دێرینی گەلی کورد و خەباتکارێکی ناسراوی پڕۆسەی ئاشتی بوو لە تورکیا و رۆڵيکی کارا و لە بیرنەکراوی لە بەهێزکردنی برایەتی و تەبایی نێوان هەردوو گەلی کورد و تورک گێڕا.
وەزارەتی تەندروستی عێراق گۆڕانکارییەکی گرنگی لە بواری بەرهەمهێنانی دەرمان لە دوای بەرهەمهێنانی چارەسەری شێرپەنجەی دەم و ددان دوپاتکردەوە و دەشڵێت، ئەو دەرمانەی لە ناوخۆدا بەرهەمدەهێنرێت هەمان کارایی تەکنیکی دەرمانی هاوردەکراوی هەیە و هەرزانترە.
میدیا ئەمریکییەکان رایانگەیاند، ئاژانسی هەواڵگریی ئەمەریکا سی ئای ئەی پلانی داڕشتووە ١٢٠٠ کەس لە هێزەکەی خۆی کەم بکاتەوە.
شارەزایەکی بواری ئابووری عێراق رایگەیاند، ئۆپێک پڵەس بڕیاری داوە لە مانگی حوزەیرانی داهاتووەوە بەرهەمهێنانی نەوتی خاو بە بڕی ٤١١ هەزار بەرمیل لە رۆژێکدا زیاد بکات و لە عێراقیش بەهۆی ئەو بڕیارەوە بەرهەمهێنانی نەوت بۆ ٤ ملیۆن و ٨٦ هەزار بەرمیل لە رۆژێکدا بەرزدەبێتەوە.
سری سورەییا ئۆندەر، پەرلەمانتاری دەم پارتی و ئەندامی شاندی ئیمراڵی كۆچی دوایی كرد.
ئاژانسی بەغدا یەوم دەڵێت، وردبینی لە لیستی مووچەی مانگی چواری مووچەخۆرانی هەرێمی کوردستان کۆتاییهات و سبەی ٩٥٠ ملیار دیناری مووچەی ئەو مانگە دەنێردرێت.
بەڕێوەبەری سەنتەری میترۆ لە رۆژی ئازادی رۆژنامەگەریدا رایگەیاند، هێشتا لە هەرێمی کوردستان ژمارەیەک رۆژنامەنووس لە زینداندان، سەنتەری میترۆ هەموو هەوڵێکی خۆی دەدات بۆ ئەوەی رۆژنامەنووسان ئازادانە کار بکەن.
وەزارەتی بازرگانی عێراق دەڵێت، دەستیان کردووە بە وەرگرتنی بەرهەمی گەنمی ناوخۆیی له جوتیاران و تەنێک گەنم بە ٨٥٠ هەزار دینار لە جوتیاران وەردەگیرێت.
دوای کۆبوونەوەکەی دوکان وتەبێژی یەکێتی دەڵێت، لەچەند رۆژى داهاتوودا جارێکى دیکە پارتى و یەکێتى کۆدەبنەوە.
سەرۆک وەزیرانی عێراق رەزامەندی لەسەر تەرخانکردنی زەویی نیشتەجێبوون بۆ کارمەندانی پزیشکی و تەندروستی لە بەغدا و پارێزگاکان، دەربڕی.
لە گوندێكی پێنجوێن هەورە بروسكە لە گەنجێكی دا و بەهۆی سووتانی بەشێك لە جەستەی، گیانی لەدەستدا.
راوێژكاری سه‌ربازیی سه‌رۆكی ھه‌رێمی كوردستان رایگه‌یاند، كابینه‌ی نۆی حكومه‌تی ھه‌رێمی كوردستان، ھه‌نگاوی زۆرباشی بۆ یه‌كخستنی ھێزی پێشمه‌رگه ناوه و له سه‌ره‌تاكانی كابینه‌ی داهاتوودا كوردستان، ده‌بێته خاوه‌ن یه‌ك ھێزی پێشمه‌رگه.
جێگری بەڕێوەبەری تەندروستی کۆیە دەڵێت، دۆخی تەندروستی ئەو کەسەی تووشی تای خوێنبەربوون بوو، ٨٠٪ نەخۆشییەکەی تێپەڕاندووە و بەرەو چاکبوونەوە دەڕوات. وتیشی، پێویستە هاوڵاتییان ئاگاداربن و خۆیان بپارێزن.
جێگرى سەرۆکی حکومەتی کاربەڕێکەر دەڵێت، پێویستە ئازادیی راگەیاندن و رادەربڕین بکەینە هێڵی سووری کۆمەڵگاکەمان بۆ ئەوەى هیچ هێز و لایەنێک دەست بۆ بەرتەسککردنەوەی سنووری ئازادیی راگەیاندن و رادەربڕین نەبات.
پەیامنێری ئێن ئاڕ تی رایگەیاند، لە رووداوێکی تەقەکردندا لە گەڕەکێکی شاری هەولێر کچێکی خوار تەمەن ١٨ ساڵ کوژرا. پۆلیسی هەولێریش دەڵێت، دوای لێکۆڵینەوە بۆیان دەرکەوت کەوا کچێک لەلایەن براکەیەوە کوژراوە و دوای کەمتر لە دوو کاتژمێر تۆمەتبارەکەیان دەستگیرکردووە.
نرخ و کاتژمێری کارکردنی مۆلیدە ئەهلییەکان بۆ ناو شاری هەولێر دیاریکرا، نرخی یەک ئەمپێر لە نێوان ١٢ بۆ ١٦ هەزار و ٧٥٠ دینارە و نرخی یەک کاتژمێری کارکردنی مۆلیدە ٤٣ دینارە.
سەرۆک وەزیرانی عێراق، بەبۆنەی رۆژی جیهانی ئازادی رۆژنامەگەری دەڵێت، "هیوادارین رۆژنامەنووسان پیشەییانەو بابەتییانە كاربكەن بۆئەوەی كارەكانیان دەربڕینێكی راستەقینە بێت بۆ نەهامەتییەكانی خەڵك و خواستەكانیان".
كەشناسیی هەرێم بڕی بارانبارینی ٢٤ کاتژمێری رابردووی بڵاوكردەوە و بەپێی ئامارەكە، زۆرترین بڕ لە حاجی ئۆمەران باریوە.
بەرپرسێکی دارایی عێراق بە ئێن ئاڕ تی راگەیاند، لەچەند رۆژی داهاتوودا بڕیاری ناردنی پارە بۆ مووچەی مانگی چواری فەرمانبەرانی هەرێم دەدرێت کە بڕەکەی ٩٥٢ ملیار دینارە. چاوگێک لە وەزارەتی دارایی هەرێمیش بە ئێن ئاڕ تی وت، "چاوەڕوانی هاتنی پارەکەین و لەگەڵ گەیشتنی پارەکە دەست بەدابەشکردنی مووچە دەکەین".
لە رۆژى جیهانی ئازادی رۆژنامەگەریدا رێکخراوى پەیامنێران دەڵێت، لە چوار مانگى سەرەتاى ئەمساڵدا لە هەرێم پێشێلکارى بەرامبەر ١٤ دەزگاى میدیایى و ٣١ رۆژنامەنووس کراون.
وتەبێژی وەزارەتی تەندروستی بە ئێن ئاڕتی وت، پێویستە هاوڵاتییان پابەندی رێنماییە تەندروستییەکان بن و لە کاتی ئامادەکردنی گۆشتدا دەستکێش و ماسک بەکار بهێنرێت.
بەهای دۆلار بەرامبەر دینار دابەزی و ئەمڕۆ لە بازاڕەکانی هەرێم ١٠٠ دۆلار بە ١٤٤ هەزار و ٧٥٠ دینار مامەڵەی پێوەدەکرێت، بەراورد بە دوێنێ بەهاکەی نزیکەی ٥٠ دینار دابەزیوە.
کەشناسی هەرێم دەڵێت، ئەمڕۆ و سبەینێ ئەگەرى تاوەباران لە ناوچە جیاجیاکان هەیە و پلەکانی گەرماش نزم دەبنەوە. کەشناسى عێراقیش دەڵێت، تا رۆژی سێشەممە خۆڵبارین بەردەوام دەبێت.
وەزارەتی دارایی عێراق رایگەیاند، کێشەى پارەى نەختینەیان بۆ مووچە نییە و دەشڵێت، ئەو پارانەی لە بانکی رافیدەین و رەشید وەرگیراون پارەی دانراوی هاوڵاتیان نین بەڵکو حسابی سیادی وەزارەتە.
سه‌نته‌ری میترۆ بۆ داكۆكی له مافی رۆژنامه‌نووسان، یادی رۆژی جیهانیی ئازادی رۆژنامه‌گه‌ری به‌رز راده‌گرێت كه ساڵانه ده‌كه‌وێته ٣ـی ئایاره‌وه، له‌م بۆنه‌یه‌شدا هۆشداری ده‌دات له مه‌ترسی به‌كارهێنانی ژیریی ده‌ستكرد (AI) وه‌ك ئامرازێكی دیكه‌ی به‌رهه‌مهێنانی ساخته هه‌واڵ و زانیاری گه‌مه‌پێكراو، یان پێشێلكردنی مافه بنه‌ڕه‌تییه‌كانی هاوڵاتیان و داوای باشكردنی ژینگه‌ی كاری ڕۆژنامه‌نووسان و ئازادكردنی حوكمدراوان ده‌كات.
شەوی رابردوو لە رووداوێکی تەقەکردندا لە شاری کەرکوک گەنجێک کوژرا و سێ کەسی دیکەش برینداربوون، پۆلیسی کەرکوکیش دەڵێت، "دوای چەند کاتژمێرێک لە رووداوەکە توانیمان بکوژەکە دەستگیربکەین".
پێگەی سانای سوریا رایگەیاند، لە هێرشەکانی ئیسرائیل بۆ سەر دیمەشق و لادێکانی، کەسێک کوژرا و چوار کەسی دیکەش بریندار بوون.
سەرۆکی ئەمریکا رایگەیاند، ئەمریکا لەئێستادا لە قۆناغی گواستنەوەدایە و جەختیشی لەوە کردەوە، ئابوریی ئەمریکا لە داهاتوودا دەبێتە باشترینی مێژوو.