بەغدا دەستی بە خەرجکردنی مووچە کرد
بەهای دۆلار بەرامبەر دینار بەردەوامە لە دابەزین و ئەمرۆ ١٠٠ دۆلار بە ١٣٩ هەزار و ٥٠ دینار مامەڵەی پێوەکرا.
لە سلێمانی ئاگر لە کارگەی خەجێ خانم کەوتەوە و خاوەنی کارگەکە دەڵێت، بەهۆی تەشەنە سەندی ئاگرەکەوە زیانێکی زۆری ماددی کەوتەوە و زیانی گیانی نەبووە.
وەزارەتی دارایی عێراق دەستیکرد بە خەرجکردنی مووچەی مانگی پێنجی مووچەخۆرانی هەرێم.
وەزارەتی دارایی و ئابوری حکومەتی ماوە بەسەرچووی هەرێم رایگەیاند، بڕی ١٢٠ ملیار دینار داهاتی نانەوتی خراوەتە سەر هەژماری بانکی وەزارەتی دارایی حکومەتی فیدڕاڵ.
شەوی ڕابردوو چاوگێکی باڵای حکومەتی عێراق بە فراکسیۆنی نەوەی نوێی راگەیاندبوو کە ئەمڕۆ سێ شەممە ٢٢ی تەمموزی ٢٠٢٥ موچەی مانگی پێنجی موچەخۆرانی هەرێم خەرجدەکرێت.
وه‌زاره‌تی به‌رگری عێراق دەڵێت، به‌هاوبه‌شی له‌گه‌ڵ هێزه‌كانی سه‌ر به به‌ڕێوه‌به‌رایه‌تی گشتی دژه تیرۆر، دوو تیرۆرستی مه‌ترسیدار له‌سنووری پارێزگای سلێمانی ده‌ستگیركران.
كۆمپانیای گشتی بۆ خزمەتگوزاری گەشتی ئاسمانی سەر بە وەزارەتی گواستنەوەی عێراق دەڵێت، حەوت هێڵی ئاسمانی نێودەوڵەتی گەشتەكانیان بۆ عێراق دەستپێكردووەتەوە و گەڕاونەتەوە ئاسمانی عێراق.
چوارچێوەی هەماهەنگی لەسەر ئاستی سەرکردایەتی کۆبوونەوەی ئاسایی خۆی لە ئۆفیسی هادی عامری بە ئامادەبوونی سەرۆکوەزیران ئەنجامدا بۆ تاوتوێکردنی دوایین پێشهاتە سیاسی و ئەمنی و ئابوورییەکان.
کەناڵێکی عێراقی دەڵێت، یاداشتنامەکانی سەرۆک کۆماری عێراق نزیکەی چوار ملیار دیناری تێچووە و دەشڵێت، ئەو یاداشنامانە لەسەر حسابی خەزێنەی حکومەت چاپکراون.
ئاسایشی هەولێر دەستگیركردنی بكووژی هاوڵاتییەكەی ناحیەی شەمامكی راگەیاند، كە كچی خۆیەتی و لەسەر هەمان رووداو دوو كەسی دیكەش دەستگیركران، كە هاوسەرو و برای كوژراوەكەن.
سەرۆکی فراکسیۆنی یەکگرتوو لە پەرلەمانى کوردستان لە بەرنامەی تاوتوێ وتی، تاکە رێگا بۆ چارەسەرکردنی کێشەکانی هەرێم رێککەوتنە لەگەڵ بەغدا، وتیشى، دەسەڵاتدارانی هەرێم بۆ حکومڕانی ناشێن و گرفتی گەورەیان بۆ هاوڵاتیانیان دروست کردووە پێویستە هاوڵاتیان دەنگ بەلایەنە ئۆپۆزسیۆنەکان بدەن و حکومڕانی بگۆڕن.
وتەبێژی حکومەتی عێراق لەسەر ناردنی مووچە بۆ هەرێم بڕیاریدا و دەڵێت، بەپێی رێککەوتنی نێوان هەردوو حکومەت پێویستە نەوت رادەست بکرێت پاشان مووچە دەنێردرێت، وتیشی، ئه‌و ریککەوتنە كۆتایی به ساڵانێك له چاره‌سه‌ری كاتی ده‌هێنێت و پابه‌ندبوونی یاسایی و گه‌ره‌نتی ده‌ستووری دروستده‌كات.
وەزارەتی پلاندانانی عێراق رایگەیاند، دەستپێشخەری پشتێن و رێگاوبان كە لەلایەن چینەوە دەستیپێكردووە، هاوتەریبە و تەواوكەری پڕۆژەی رێگاوبانی گەشەپێدانە كە عێراق دەستی پێكردووە، "لەئێستاشدا پلانێك ئامادەكراوە بۆ دروستكردنی هێڵی ئاسنین و بەستنەوەی هێڵی ئێران-عێراق بە كەنداو و وڵاتانی رۆژهەڵات و ئەوروپا".
وەزارەتی پەروەردەی عێراق ئەنجامی تاقیکردنەوەکانی پۆلی ١٢ـی ئامادەیی بڵاوکردەوە و چەند خوێندکارێکی کورد لە یەکەمەکانن.
فاتیح شارستێنی، مامۆستای ئایینی دوای ئەوەی هەفتەی رابردوو لە وتاردان دوورخرایەوە لەسەر چەند وتارێكی هەفتەكانی رابردووی لەسەر دۆخ و گوزەرانی هاوڵاتیان و مووچەخۆران، سوپاسنامەیەك بڵاودەكاتەوە و دەڵێت، خۆزگە حاڵ و گوزەرانی خەڵکی هەژار و مووچە دزراو باش ببوایە ئیتر گرنگ نەبوو من دەگەڕێمەوە سەر مینبەر یان نا.
سندوقی دراوی نێودەوڵەتی دەلێت، عێراق سەرەڕای گرژییەکانی ناوچەکە سەرکەوتوو بووە لە پاراستنی سەقامگیریی ئابووری ناوخۆیی.
دوای تێپەڕبوونی ١٧ ساڵ بەسەر تیرۆرکردنی رۆژنامەنووس سۆرانی مامە حەمە، رێکخراوی ١٧ـی شوبات بۆ مافەکانی مرۆڤ لە چەند ناوچەیەکی وڵاتی بەریتانیا مەڕاسیمی تایبەتی رێکخست.
بازرگانی عێراق دەڵێت، بڕی گەنمی کۆگاکراو لە وڵاتەکەدا گەیشتووەتە زیاتر لە شەش ملیۆن تۆن و دەتوانرێت پێداویستی ناوخۆی ١٦ مانگی پێ دابین بکرێت.
سەرۆکوەزیرانی عێراق و سەرۆکی پەرلەمانی عێراق کۆبوونەوە و جەختیانکردەوە لە ئەنجامدانی هەڵبژاردنی پەرلەمانی عێراق لە وادەی خۆیدا.
سەرۆکی یەکێتی دەڵێت، هیوادارە هیچ لەمپەرێک بۆ ئەو لێکتێگەیشتنەی نێوان هەرێم و بەغدا دروست نەکرێت و وەک خۆی جێبەجێ بکرێت.
نرخی دۆلار دابەزینێکی بەرچاوی تۆمارکرد، ئەمڕۆ ١٠٠ دۆلار بەرامبەر بە ١٣٩ هەزار و ١٥٠ دینار مامەڵەی پێوەکرا.
وەزارەتی پەروەردە خشتەی تاقیکردنەوە گشتییەکانی پۆلی ١٢ ی ئامادەیی بڵاوکردەوە
پۆلیسی گەرمیان دەڵێت، مێردمنداڵێک لەکاتى مەلەکردندا لە رووبارى سیروان خنکا و تەرمەکەی گواسترایەوە بۆ پزیشکی دادی کەلار.
حكومەتی دانیمارك بڕیاریدا بڕی ٣ ملیۆن و ٤٠٠ هەزار دۆلار تەرخانبکات بۆ هەڵگرتنەوە و پاککردنەوەی خاکی عێراق لە مین.
پۆلیسی سلێمانی دەڵێت، دوو کەسیان بە تۆمەتی دزینی کەلوپەلی فرۆشگایەک دەستگیرکردووە و دانیان بە تاوانەکەدا ناوە.
وەزارەتی پەروەردەی عێراق ئەنجامی تاقیکردنەوە گشتییەکانی قۆناغی شەشی ئامادەیی بۆ هەردوو بەشی زانستی و وێژەیی راگەیاند و دەڵێت، زیاتر لە ١٧٠ قوتابی نمرەی ١٠٠٪ـیان بەدەستهێناوە.
میدیای فەرمی تورکیا دەڵێت، سەرۆک کۆماری تورکیا بڕیاریداوە رێککەوتنی بۆری نەوتی خاوی عێراق و تورکیا نوێ نەکاتەوە کە ساڵی داهاتوو کۆتایی دێت.
کەشناسی هەرێم دەڵێت، بە گشتی ئاسمان ساماڵە و ئەمڕۆ پلەکانی گەرما کەمێک دادەبەن، لە گەرمترین ناوچەی هەرێمدا دەگاتە ٤٥ پلەی سیلیزی. وتیشی، سبەینێ پلەی گەرما وردە وردە بەرزدەبێتەوە.
بڕیارە ئەمڕۆ پەرلەمانی عێراق لەبارەی هێرشە درۆنییەکانی سەر کێڵگە نەوتییەکانی هەرێم کۆبوونەوەیەکی نائاسایی ئەنجامبدات.
شاندە تەکنیکییەکەی بەغدا راپۆرتیان لەسەر کێڵگە نەوتییەکانی هەرێم ئامادەکرد و گەڕانەوە بەغدا، بڕیارە ئەمڕۆ راپۆرتەکەیان رادەستی نوسینگەی سودانی و وەزارەتی دارایی بکەن.