لە سلێمانی ١٠٠ دۆنم پووش و باخی هاوڵاتییان سووتا
وه‌زاره‌تی دادی عێراق بڵاویکردەوە، پێنج هه‌زار و ٩٠٠ زیندانی له دوای ده‌رچوونی یاسای لێبوردنی گشتییەوە ئازادکران دەشڵێت، لیژنەی تایبەت لە زیندانەکاندا بۆ پێداچوونەوەی تۆمار و دۆسیەی ئەو کەسانە دانراوە کە یاساکە دەیانگرێتەوە.
پۆلیسی سلێمانی دەڵێت، لە سنووری ماوەت ئاگرکەوتەوە و بەهۆیەوە ١٠٠ دۆنم دۆنم پووش و باخی هاوڵاتیان سووتاوە.
دوای چەندین ساڵ لە بۆردومانکردن و ئەشکەنجەی دانیشتوانە بێتاوانەکەی، ٣٦ ساڵ لەمەوبەر رژێمی بەعس دەستیکرد بە راگواستنى زۆرەملێیان و هەموو شوێنێکی قەڵادزێی بۆمباران کرد.
وتەبێژی وەزارەتی گواستنەوەی ئێران بڵاویکردەوە، ئاسمانی وڵاتەکەی لە بەشی رۆژهەڵاتدا بە رووی گەشتە ئاسمانییەکاندا کراوەتەوە.
وەزارەتى ناوخۆى عێراق، ژمارەیەک رێنمایی لە بارەى پلانى رێکخستنى رۆژانى عاشورا و مانگى موحەڕەم بڵاوکردەوە و دەڵێت، پێویستە رێگری بکرێت لە هەر حاڵەتێکی چەک و چەکداری لە رێوڕەسمەکاندا.
هاتوچۆی سەڵاحەدین دەڵێت، لە رێگای گشتی کەرکوک بۆ سەڵاحەدین، رووداوێکی هاتوچوو روویدا و دوو کەس گیانیان لەدەستدا و سێ کەسی دیکەش برینداربوون.
فه‌رمانگه‌ی میدیا و زانیاری هەرێم دەڵێت، گه‌شته‌كانی فڕۆكه‌خانه‌ی نێوده‌وڵه‌تیی هه‌ولێر بۆ ئه‌وروپا، سبەینێ هەینی ده‌ستپێده‌كه‌نه‌وه.
وەزیری کار و کاروباری کۆمەڵایەتی هەرێم دەڵێت، تەنها مانگی رابردوو زیاتر لە هەزار و ٥٠٠ ئالوودەبووی ماددەی هۆشبەر دەستگیرکراون. دەشڵێت، لە ئێستادا ماددەی هۆشبەر بە دەگمەن دەگاتە ناو چاکسازییەکان، مەگەر کەسوکاری بەندکراوان لە شوێنێک بیشارنەوە كە پاسەوانەکان نەتوانن بیدۆزنەوە.
تەندروستی ئێران ئاماری کوژراو و بریندارانی ماوەی شەڕی ئێران و ئیسرائیلی بڵاوکردەوە و دەڵێت، لەو ماوەیەدا ٦٢٧ کەس لە ناوچە جیاوازەکانی ئێران گیانیان لەدەستداوە، رابەری باڵای وڵاتەکەش دەڵێت، ئەگەر ئەمریکا هێرش بکاتەوە سەریان، جارێکی دیکە وەڵامیان دەدەنەوە.
چاوگێک بە ئێن ئاڕ تی رایگەیاند، بڕیارە ئەمڕۆ شاندێکی باڵا لە حکومەتی عێراقەوە، بە مەبەستی گفتوگۆ لەسەر پرسی مووچە و هەناردەکردنی نەوتی هەرێم، سەردانی هەولێر بکات، دەشڵێت، بڕیارە جێگری سەرۆک وەزیرانی عێراقیش بەشداربێت.
پسووڵەی خۆراكی هەولێر هاوڵاتییان ئاگادار دەکاتەوە و دەڵێت، تەنها چەند رۆژێكتان ماوە خێرا پسووڵەی خۆراك پڕ بكەنەوە. هاوکات داواش لە هاوڵاتییان دەکات ئەگەر خێزانێك دەناسن كەسانی پیر و پەككەوتە و نەخۆشیان هەیە، نەشارەزان لە پرۆسەی بەئەلیكترۆنیكردنی پسووڵەی خۆراك، وەك ئەركێكی مرۆڤدۆستانە با ئاگاداریان بكەنەوە.
لە بەشێکی نەخۆشخانەکان کێشەی کەمی دەرمانی دژەگەستن بەردەوامە. بەڕێوەبەری تەندروستیی سلێمانییش دەڵێت، ئەوان ناتوانن دەرمانی دژەگەستن بۆ نەخۆشخانەکان بکڕن. دەشڵێت، هەر کاتێک حکومەتی عێراق دەرمانەکەیان بۆ دابین بکات دەیدەنە هاوڵاتییان.
بەهۆی دابەشنەکردنی مووچەوە جارێکی دیکە بەشێک لەو مامۆستا و فەرمانبەرانەی کەرکوک کە مووچەکانیان لەسەر هەرێمە گردبوونەوە و دەڵێن، حکومەتی ماوەبەسەرچوو هیچی لەدەست نایەت و بە ئەوان دەڵێت خۆڕاگربن، دەشڵێن، حکومەتە ماوەبەسەرچووەکە لە سەرجەم سێکتەرەکان شکستی خواردووە.
بۆ ئەمرۆ بەهای دۆلار لە بازاڕەکانی هەرێم لە نزمیدا جێگیرە و نرخی ١٠٠ دۆلار بەرامبەرە بە ١٤١ هەزار و ٣٥٠ دینار.
عەلی خامنەیی ڕێبەری باڵای ئێران لە پەیامێکدا رایگەیاند، پیرۆزبایی سەرکەوتنتان لێ دەکەم بەسەر ئیسرائیلدا، دەشڵێت، ئەمریکا لەو شەڕەدا هیچ قازانجی نەکرد و ئێران زلەیەکی توندی لە ئەمریکادا.
چاوگێک بە ئێن ئاڕ تی وت، نیوەڕۆى ئەمڕۆ دوو کوڕی بەرپرسێکی پارتی دەسترێژی گولە لە شۆفێری بارهەڵگرێک دەکەن و بە سەختی برینداری دەکەن.
ئەمڕۆ وادەی تۆمارکردنى لیستی ناوی کاندیدەکان بۆ هەڵبژاردنى پەرلەمانی عێراق کۆتایی دێت، کۆمیسیۆنی باڵای هەڵبژاردنەکانیش دەڵێت، وادەکە درێژناکرێتەوە.
کەشناسی هەرێمی دەڵێت، ئەمڕۆ خێرایی با لە رۆژهەڵاتی هەرێم چالاک دەبێت و سبەینێش پلەکانی گەرما بەرزدەبێتەوە.
رۆژی جیهانی بەرەنگاربوونەوەی ماددە هۆشبەرەکان و بازرگانیکردن پێوەیان لەلایەن نەتەوە یەکگرتووەکانەوە دیاریکراوە و لە دوای ساڵی١٩٨٧ رۆژی ٢٦ـی حوزەیرانی هەموو ساڵێکیان وەک رۆژی هۆشداری و بەرەنگاربووەنەوەی ماددە هۆشبەرەکان دیاریکردووە.
دوای ئەوەی بڕیاربوو ئەمڕۆ لە سلێمانی خۆپیشاندان بكرێت بۆ داواكردنی مووچە و مافی مامۆستایان و فەرمانبەران بەڵام لەلایەن هێزە ئەمنییەکانەوە ریگریان لێکرا و بەشێک لە تیمە رۆژنامەنووسیەکانیش دەستگیرکران.
چاوگێک لە نەخۆشخانەی فریاکەوتنی هەڵەبجە بە ئێن ئاڕ تی وت، بەهۆى بەکارهێنانى تى ئێن تى لەکاتى راوەماسیدا لەسنووری پارێزگای هەڵەبجە، سێ کەس گیانیان لەدەستدا و سێ کەسی دیکەش برینداربوون.
لە بەشێک ئەو گەڕەکانەی هەولێر و سلێمانی کە کارەبای ٢٤ کاتژمێرییان بۆ دانراوە ماوەی چەند کاتژمێرێکە کارەبا کوژاوەتەوە.
ئەمڕۆ سەری ساڵی کۆچییە و موسڵمانان لە جیهاندا ئەم رۆژە بەرزدەنرخێنن و لە بەشێک لە ناوچەکان ئاهەنگیش دەگێڕدرێت.
ئەپیكور لەسەر هەناردەكردنی نەوتی عێراق بە هێڵی بۆریی نەوتی عێراق - توركیا راگەیاندراوێكی بڵاو كردەوە و جەخت لە گرنگی و بەپەلەیی كردنەوەی هێڵی بۆریی نەوتی عێراق - توركیا دەكاتەوە و دەڵێت، زیاتر لە ٣٠٠ هەزار بەرمیل بۆ بازاڕی نێودەوڵەتی زیاد دەكات.
سه‌رپه‌رشتیاری پرۆژه‌ی ئۆتۆبانی بابانی سلێمانی دەڵێت، لە سەرەتای مانگی ئەلوولی ئەمساڵ قۆناغی یەکەمی شه‌قامی ١٠٠ مه‌تری ته‌واو ده‌كرێت.
وەزارەتی بازرگانی عێراق هاوڵاتییان ئاگادار دەکاتەوە و دەڵێت، ئەو هەڵانەی لە كاتی نوێكردنەوەی كارتی بەشەخۆراك روویانداوە چارەسەردەكرێن بە شێوەیەكی ئۆتۆماتیكی.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٣٥ دۆلار مامەڵەی پێوەدەکرێت و بەراورد بە دوێنێ نرخەکەی نزیکەی هەشت دۆلار بەرزبووەوە، نرخی زێڕی عەیارە ٢١یـش بە ٦٦٢ هەزار دینارە.
نرخی بەرمیلێک نەوتی خاوی برێنت بە ٦٧ دۆلار و ٩٠ سەنت مامەڵەی پێوەدەکرێت و بەراورد بە دوێنێ نرخەکەی دۆلارێک دابەزی.
وەزارەتی گواستنەوە و گەیاندنی عێراق دەڵێت، گه‌شته ئاسمانییه‌كانی فڕۆکەخانەی نێودەوڵەتیی بەغدا دووبارە دەستیانپێکردووەتەوە.
حکومەتی ماوەبەسەرچووی هەرێم، بە بیانووی خراپی باری ئەمنی ناوچەکە، رێگری لە خۆپیشاندانی هاوڵاتییان و دەنگی ناڕازی دەکات.