شاندێكی وه‌زاره‌تی دارایی عێراق لەبارەی مووچەی خانەنشینان گەیشتە هەرێم
شاندێكی وه‌زاره‌تی دارایی عێراق گه‌یشته هه‌رێم و له‌دیدارێكدا له‌گه‌ڵ دارایی هەرێم باسیان له جێبه‌جێكردنی بڕینی ٣٪ له مووچه‌ی فه‌رمانبه‌ر و خانه‌نشینانی هه‌رێم كرد كه له یەکی ئەم مانگەوە جێبه‌جێده‌كرێت.
ئاسایشی هەولێر دەڵێت، ئه‌و گرته ڤیدیۆیه‌ی كه تێیدا سوكایه‌تی به ژنێکی به‌ساڵاچوو ده‌كرێت، بۆ دوو ساڵ له‌مه‌وبه‌ر ده‌گه‌ڕێته‌وه و رێكاری یاسایی به‌رامبه‌ر به‌و كه‌سه گیراوەتەبەر كه ڤیدیۆكه‌ی تۆماركردووه.
وەزارەتی دارایی حکومەتی ماوەبەسەرچووی هەرێم دەڵێت، لیستی مووچەی مانگی حوزەیرانیان رادەستی وەزارەتی دارایی حکومەتی عێراق کردووە.
دەستەی نیشتمانی عێراق بۆ چاودێری ئەتۆمی دەڵێت، دوای هێرشەکانی سەر دامەزراوە ئەتۆمییەکانی ئێران، هیچ پیسبوونێکی هەوایان بە تیشکی ئەتۆمی لە عێراقدا تۆمار نەکردووە.
لە سنووری چۆمان کەسێک لەکاتی راوەماسی بەر تەزووی کارەبا کەوت و دەستبەجێ گیانیلەدەستدا.
لە وەڵامی قسەکانی مەسرور بارزانیدا شاسوار عەبدولواحید دەڵێت، سوپاسی خۆڕاگری هاوڵاتییان مەکەن، بەڵکو سوپاسی بنەماڵە و کۆمپانیاکانتان بکەن کە ملیاران دۆلاری هاوڵاتیانیان دزیوە و بەوان بڵێن ئەو پارانە بگەڕێننەوە و مووچەی پێ دابەش بکەن. دەشڵێت، پارتی و یەکێتی لە هەڵبژاردن دەربچنەوە دۆخی خەڵک سەد هێندەی ئێستا خراپتر دەبێت.
لیژنەی باڵای دیاریکردنی نرخی کارەباى سیتییەکان کۆبوونەوەیەکی سازکرد و تیایدا نرخی کیلۆواتی کارەبای مۆلیدەی بۆ مانگی شەش بە ٢٤٢ دینار بۆ هەر کیلۆواتێک دیاریکرد.
بانکی نێودەوڵەتی دەڵێت، بڕیاری پێدانی پاڵپشتیی دارایی بۆ بەهێزکردنی ئابووریی عێراقیان پەسەند کردووە کە بڕەکەی ٩٣٠ ملیۆن دۆلارە.
کۆمسیۆنی باڵای سەربەخۆی هەڵبژاردنەکانی عێراق دەڵێت، ماوەی وەرگرتنی لیستی کاندیدەکان درێژناکرێتەوە و سبەینێ کۆتا وادەیە بۆ خۆ تۆمارکردن.
وەزارەتی دارایی عێراق دەڵێت، بەشی سێیەمى پارەى گەنمى جوتیارانى خەرج کرد بۆ ساڵی ٢٠٢٥، کە بڕەکەى ٥٠٠ ملیار دینارە و دەشڵێت، ئەم رێوشوێنە لە چوارچێوەی پابەندبوونی وەزارەت دێت بۆ پاڵپشتیکردنی کەرتی کشتوکاڵی.
فراکسیۆنی نەوەی نوێ لە پەرلەمانی عێراق دەڵێت، لەکاتێکدا خەڵکی کوردستان بەگشتیی و مووچەخۆران چاوەروان بوون حکومەتی ماوەبەسەرچوو لەسەر دابەشکردنی مووچە بڕیاربدات، بەڵام سەرۆکی حکومەتە ماوەبەسەرچووەکە جارێکی تر شکستی خۆی و جێگرەکەی سەلماندەوە و دەڵێت، مووچەمان پێ نادرێت لەگەڵ ئەوەی ٢٣ تریلیۆن دیناریان لەبەردەستدایە لە داهاتی ناوخۆ و نەوت.
نرخی دۆلار لە بازاڕەکانی دراوی هەرێم دوای ئاگربەستی ئێران و ئیسرائیل رووی لە دابەزین کرد و بەراورد بە دوێنی زیاتر لە هەزار دینار دابەزیووە.
دوای ٥٥ رۆژ لە دابەشنەکردنی مووچە و چاوەڕوانیی مووچەخۆران، لەبری بڕیاری دابەشکردنی مووچە، سەرۆکی حکومەتی ماوەبەسەرچوو دەڵێت، لەم رۆژانەدا شاندێک لەسەر مووچە لە بەغداوە دەگەنە هەرێم و هیوادارن لەگەڵ بەغدا بگەنە رێککەوتن و مووچە دابەش بکەن.
بەهۆی کەمبوونەوەی ئاڵۆزییەکانی نێوان ئێران و ئیسرائیل، بەڕێوەبەرایەتیی گشتیی حەج و عومرەی هەرێم دەڵێت، مانگی داهاتوو، گەشتەكانی عومرە لە هەرێمی كوردستان دەستپێدەكەنەوە.
لە شەڕی ١٢ رۆژەی ئێران و ئیسرائیلدا، لە هەردوو وڵات نزیکەی ٦٣٩ کەس کوژراون و زیاتر لە ٥ هەزار و ٥٧٢ کەسیش برینداربوون.
باڵیۆزخانەی عێراق لە ئەنقەرە دەڵێت، گەشتە ئاسمانییە راستەوخۆکان لە ئەنقەرەوە بۆ کەرکوک و بەغدا دەستپیدەکاتەوە و دەشڵیت، کار دەکەن بۆ ئەوەی لە چەند رۆژی داهاتوودا گەشتەکانی چوون و هاتنەوەش دەستپێبکاتەوە.
کەشناسی هەرێم دەڵێت، کەشی ئاسمان ساماڵ دەبێت، خێرای با لەسەرخۆ دەبێت و پلەکانی گەرما بەرزتر دەبنەوە لە تۆمارکراوەکانی دوێنی.
رۆژنامەیەکی ئەمریکی لە زاری سێ چاوگەوە ئاشکرایکردووە، ئەو کەسانەی کە بۆ دەزگا ئەمنییەکانی ئیسرائیل کاردەکەن و بە زمانی فارسی کە زمانی سەرەکی ئێرانە قسە دەکەن، لە رێگەی مۆبایلەکانیانەوە پەیوەندییان بە فەرماندە باڵاکانی ئێرانەوە کردووە و هۆشدارییان داوە لەوەی کە دەکرێنە ئامانج.
شارەزایان هۆشداری دەدەن لە بەکارهێنانی ئەم جۆرە زەیتانە چونکە کاریگەری نەرێنی لەسەر تەندروستی جگەر دروست دەکەن.
٥٥ رۆژە مووچەخۆرانی هەرێم لە چاوەڕوانیی مووچەکانیاندان، حکومەتی ماوەبەسەرچووش دەڵێت، ئەمڕۆ لە کۆبوونەوەی ئەنجومەنی وەزیران باسی مووچە دەکەن.
سەرۆک وەزیرانی عێراق دووپاتی کردەوە کە حکومەت پلانێکی تۆکمەی بۆ دەستەبەرکردن و پەرەپێدانی سیستەمی بەرگری ئاسمانی داڕشتووە، ئەم پلانە گرێبەست و پڕۆژەی چاکسازی مۆدێرن لەخۆدەگرێت کە لەسەر بنەمای نوێترین تایبەتمەندی و سەرچاوە نێودەوڵەتییەکانە.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٢٧ دۆلار مامەڵەی پێوەدەکرێت و بەراورد بە دوێنێ نرخەکەی نزیکەی ٢١ دۆلار دابەزی، نرخی زێڕی عەیارە ٢١یـش بە ٦٦٢ هەزار دینارە.
دوای ئەوەی ئێران بۆ هێرشە موشەكییەكەی بۆ سەر بنكەی سەربازیی ئەمریكا لە قەتەر ئەنجامدا نرخی نەوت دابەزی و بە ٦٩ دۆلار ٤٥ سەنت مامەڵەی پێوەکرا و ئەمڕۆش نرخی بەرمیلێک نەوتی خاوی برێنت بە ٦٨ دۆلار و ٥ سەنت مامەڵەی پێوەدەکرێت و بەراورد بە دوێنێ نرخەکەی دۆلارێک بەرزبووەوە.
سەرۆکی ئەمریکا لە پێشهاتێکی نوێدا دەڵێت، ئێستا وڵاتی چین دەتوانێت بەردەوامبێت لە کڕینی نەوتی ئێران.
سەرۆک وەزیرانی ئیسرائیل دەڵێت، ئیسرائیل سەرکەوتنێکی مێژوویی بەسەر ئێراندا بەدەستهێناوە کە بۆ چەندین نەوە بەردەوام دەبێت، کاتێک بەرنامە ئەتۆمییەکەیمان لەناوبردووە، وتیشی، ئەگەر ئێران هەوڵی بنیاتنانەوەی بەرنامە ئەتۆمییەکەی بدات دووبارە لەناویدەبەنەوە.
بەهۆی کەمبوونەوەی ئاڵۆزییەکانی نێوان ئێران و ئیسرائیل، وەزارەتی گواستنەوەی عێراق بڕیاریدا لەسبەینێوە دەست بە کردنەوەی فڕۆکەخانەکان بکرێت و گەشتە ئاسمانییەکان ئاسایی بکرێنەوە.
تەندروستی سۆران ده‌ڵێت، لیژنەی پشكنین و بەدواداچوون له ناوه‌ندى سۆران سێ نۆرینگه و تاقیگه‌یه‌كیان داخستووه، هۆكاره‌كه‌شیان بوونى ده‌رمانى قاچاغ و بێمۆڵه‌تى و كاركردنیان بووه پێچه‌وانه‌ى رێنماییه‌كان.
سەرۆك وەزیرانی عێراق سەرۆکایەتی کۆبوونەوەیەکی کرد بۆ پەسەندکردنی خشتەی شایستەی پڕۆژەکانی وەبەرهێنانی وەزارەتەکان و تێیدا خشتەی کۆتایی بۆ پێدانی دوو ترلیۆن دینار پەسەندکرا، لەو بڕەش نزیكەی ترلیۆن و نیوێكی بۆ پارێزگاکانە.
پۆلیسی سلێمانی دەڵێت، بەهۆی گرفتێکی تەکنیکییەوە، هەردوو هێڵی گەرمی بەڕێوەبەرایەتیمان، بەشی پۆلیسی فریاکەوتن ژمارە ١٠٤ و بەشی پۆلیسی نەهێشتنی تاوان ژمارە ١٠٥ دەوەستێت، هاوکات سەنتەری فریاکەوتنی خێرای سلێمانیش ئاگاداری هاوڵاتیان دەکاتەوە کە بەهۆی چاکسازی تەکنیکی لە سیستەمەکاندا، هێڵی گەرمی لە کار دەکەوێت.
وەزارەتی بازرگانی هه‌رێم رێژه گه‌نمی وەرگیراو لە جوتیارانی هەرێمی بڵاوکردەوە و دەڵێت، كۆى گشتی گەنمی وەرگیراو نزیكه‌ى ١٤٨ هه‌زار تەنە.