درۆنێکی بۆمبڕێژکراو لە سلێمانی کەوتەخوارەوە
هەناردەی نەوتی عێراق بۆ ئەمریکا لە مانگی حوزەیرانی رابردوودا، نزیکەی ملیۆنێک بەرمیل زیادیکردووە بەراورد بە مانگی پێنج، ئیدارەی زانیاری وزەی ئەمریکاش دەڵێت، عێراق لە ریزبەندی شەشەمی گەورەترین هەناردەکارانی نەوت بووە بۆ وڵاتەکە.
سه‌رۆكی فەڕه‌نسا و سه‌رۆك وه‌زیرانی بەریتانیا بۆ رێگریكردن له‌کۆچینایاسایی له كه‌ناڵی ئینگلیزی رێکەوتنێکیان واژۆکرد، سەرۆکی فەڕەنساش دەڵێت، ئەو کۆچبەرانە وەردەگرنەوە کە لە فەرەنساوە بە نایاسایی دەچنە ناو خاکی بەریتانیا.
وه‌زاره‌تی كاره‌بای هه‌رێم وتی، به‌هۆی شه‌ڕه‌كه‌ی ئێواره‌ی ٨ـی ئه‌م مانگه‌ی خه‌بات، وێستگه‌ی به‌رهه‌مهێنانی كاره‌بای خه‌بات زیانی به‌ركه‌وتووه و تیمه‌كانیان له‌هه‌وڵدان بۆ چاره‌سه‌ركردنی.
وتەبێژی هێزەکانی ٧٠ بە ئێن ئاڕ تی وت، کەمێک لەمەوبەر، درۆنێكی بۆمبڕێژكراو لە ئاسمانی سلێمانی لە نزیک فەرماندەیی یەكەی حەفتای یەکێتی کەوتووەتە خوارەوە. دەشڵێت، درۆنه‌كه هیچ زیانێكی گیانی نه‌بووه.
دوو شاندی بەرپرسانى دەم پارتی و کەسایەتى سیاسى و رۆژنامەنووسان گەیشتنە هەرێمى کوردستان، سبەى هەینى بەشدارى لە رێوڕەسمى چەکدانانى ئەندامانى پەکەکە دەکەن.
بانکی رافیدەین دەڵێت، لە نیوەی یەکەمی ئەم ساڵدا کۆی گشتیی ئەو پارەیەی وەک باج و داهات و رسوومات بەشێوەی ئەلیکترۆنی وەرگیراوە، گەیشتووەتە زیاتر لە چوار تریلیۆن دینار و رێژەی وەرگرتنی پارە بەو شێوازە ١١٣٪ زیادی کردووە.
ئاگرەكەی سنووری قەرەداغ كە لە چەند رۆژی رابردوو هەڵگیرسا و ئێستا کۆنتڕۆڵ کراوە، زیانێکی زۆرى بە سروشت و ژینگەی ناوچەکە گەیاندووە و چەندین دۆنم لە دارستان و پاوان سووتاون، چەندین جۆر لە ئاژەڵ و باڵندەش زیانیان پێگەیشتووە و لانەیان لێ تێکچووە.
لە سۆران کاتژمێرەکانی پێدانی کارەبای نیشتمانی کەمی کردووە، بەڕێوەبەری کارەبای سۆرانیش دەڵێت، کێشەیەکی تەکنیکی دروست بووە.
بەپێی رۆژژمێری حکومەتی ماوەبەسەرچووی هەرێم رۆژی دووشەممەی داهاتوو پشووی فەرمی دەبێت لە هەرێم، بەڵام پشووەکە بەغدا ناگرێتەوە.
کەشناسی عێراق هۆشداری بە دانیشتووانی عێراق دەدات خۆیان لە تیشکی خۆر بەدوور بگرن و دەڵێت، پێوەری تیشکی سەرو بنەوشەیی بەرزدەبێتەوە.
حەسەن فوئاد لە کۆشکی بەغدا وەک ئەندامی یەدەگی دادگای فیدڕاڵی لەبەردەم سەرۆک کۆماری عێراق سوێندی یاسایی خوارد.
وەرزی نوێی ئێن ئاڕ تی بە شێوەیەکی جیاواز و کۆمەڵێک بەرنامە و شێوازێكی نوێوە دوو سبەی رۆژی شەممە ١٢ـی تەمموزی ٢٠٢٥، دەست پێدەکات و ئەمشەو کاتژمێر ١٢ پەخشی کەناڵەکە دەوەستێت.
بەڕێوەبەری پەیمانگای پزیشکی دادی سلێمانی دەڵێت، بە هەماهەنگی لەگەڵ لایەنە پەیوەندیدارەکانی ناوخۆی هەرێم و عێراق کار دەکەن بۆ دۆزینەوەی روفاتە نەدۆزراوەکان و گێڕانەوەیان بۆ خێزانەکانیان لەڕێگەی بەراوردکردنی سامپڵ و دی ئێن ئەی روفاتەکانەوە.
وەزیری تەندروستی هەرێم دەڵێت، هەر دەرمانێك بەشێوەی ئۆنڵاین بفرۆشرێت قاچاغ و نایاساییە پێویستە هاوڵاتیان خۆیانی لێ بەدوور بگرن.
کۆمسیۆنی باڵای سەربەخۆی هەڵبژاردنەکانی عێراق، رۆژی دەستپێکردن و کۆتاییهاتنی بانگەشەی هەڵبژاردنی پەرلەمانی عێراقی ئاشکراکرد و دەڵێت، رۆژی ٩ـی تشرینی یەکەمی ئەمساڵ دەستپێدەکات تا ٨ـی تشرینی دووەم کۆتایی دێت.
دوای ئەوەی بوکەڵەیەک بە ناوی لابووبوو بووە جێی باسی تۆڕەکۆمەڵایەتییەکان و خواستێکی زۆری لە سەرانسەری جیهان بەدەستهێنا، بریاری قەدەغەکردنی لە هەرێمدا دەرکرا.
راوێژکاری دارایی سەرۆک وەزیرانی عێراق دەڵێت، نامەکەی ئەم دواییەی سەرۆکی ئەمریکا گوزارشت لە هەنگاوێکی ئەرێنی دەکات بۆ بەهێزکردنی هاوبەشی بازرگانیی و وەبەرهێنان لەنێوان عێراق و ئەمریکا، پێویستە وەک دەرفەتێکی ستراتیژیی سەیربکرێت نەک وەک هەڕەشەیەک.
بڕیارە دادگای فیدڕاڵی عێراق رۆژی دووشەممەی داهاتوو سەبارەت بە پرسی مووچەی مووچەخۆرانی هەرێم کۆببنەوە، ئەمڕۆش کۆبوونەوەی لیژنە باڵاکەی بەغدا کە تایبەت بوو بە پرسی مووچە و نەوت دواخرا.
دوای داخستنی زیاتر لە ٦٠٠ پرۆژەی پیشەسازی کە هۆکاری پیسبوونی ژینگەی وڵاتەکە بوون، لیژنەی تەندروستی و ژینگەی پەرلەمانی عێراق بڕیاریدا بە دەرکردنی چەند یاسایەکی نوێ بۆ پاراستن و باشترکردنی ژینگەی تەواوی وڵات.
سەرۆکی جوڵانەوەی نەوەی نوێ دەڵێت، حکومەتی ئێستا لە ساڵی ٢٠٢٢ـەوە شەرعیەتی لەدەستداوە و گەندەڵی ئیداری و داراییش گەیشتووەتە لوتکە، دەشڵێت، ئەمانە خراپترین رۆژەکانی حوکمڕانی خۆجێیی کوردن.
پۆلیسی کەرکوک دەڵێت، کەسێک بە تۆمەتی کوشتنی براکەی دەستگیرکرا و دانی بە تاوانەکەیدا ناوە.
دوای بەرزبوونەوەی بەرچاوی دۆلار بەهۆی دەستپێکی شەڕەکانی ئیسرائیل و ئێرانەوە، ئەمڕۆ بەهای دۆلار بەرامبەر بە دینار جێگیرە و لە بازاڕەکانی هەرێمدا بە ١٤١ هەزار و ١٠٠ دینار مامەڵەی پێوەدەکرێت.
بەرێوەبەری فریاکەوتنی سلێمانی بە ئێن ئاڕ تی راگەیاند، بەهۆی داڕمانی دیوارێکەوە، کرێکارێک گیانیلەدەستدا و شەش کرێکاری دیکەش برینداربوون.
بەڕێوەبەری کشتوکاڵی هەولێر بە ئێن ئاڕ تی راگەیاند، زیاتر لە ٩٧ هەزار تۆن گەنمیان لە سایلۆکانی هەولێر وەرگرتووە و لە ئەمڕۆوە گەنمی سایلۆی سنووری مەخمور وەردەگرن، کە پێشتر وەرنەدەگیرا، هەروەها، بەڕێوەبەری سایلۆی سلیمانیش بە ئێن ئاڕ تی وت، ١٤٣ هەزار و ٥٨٥ تۆن گەنمیان لە جوتیارانی سلێمانی و هەڵەبجە وەرگرتووە.
دوای ئەوەی نوسینگەی مەسرور بارزانی بڵاویکردەوە، فراکسیۆنی نەوەی نوێ سکاڵای یاسایی لەسەر پرۆژەی رووناکی تۆمارکردووە و داوای هەڵوەشاندنەوەی دەکات، پەرلەمانتاری پێشووی نەوەی نوێ لە پەرلەمانی کوردستان، لە وەڵامدا دەڵێت،"بەڵێ، سکاڵامان تۆمارکردووە لە دادگای فیدڕاڵی لەسەر پڕۆژەی بەناو رووناکی و هەر کارێکی نایاسای ئەنجامبدەن، نەوەی نوێ هەموو رێکارێکی یاسایی لە دژتان دەگرێتەبەر".
کەشناسی هەرێم دەڵێت، ئاسمان بەگشتى ساماڵ و پەڵەهەور دەبێت، پلەکانی گەرماش بەرزدەبنەوە بۆ سەروو ٤٠ پلەی سیلیزی.
سەرۆکی ئەمریکا دەڵێت، زۆر نزیکن لە ئاگربەست لەگەڵ غەززە و رەنگە ئەم هەفتەیە یان هەفتەی داهاتوو ئەنجامبدرێت. سەرۆک وەزیرانی ئیسرائیلیش دەڵێت، پێویستە کۆتایی بە دەسەڵاتی حەماس لە غەززە بێت و حەماسیش ئامادەیی پیشاندا بۆ ئازادکردنی بارمتەکانی ئیسرائیل.
پاسپۆرتی هەولێر دەڵێت، سیستمی ئەپلیکەیشنی نۆرەگرتنی ئەلیکترۆنی بۆ ده‌رهێنانى پاسپۆرت، له هه‌ر چوار نوسینگه‌كه‌ى كاراكراوه و لە ئێستادا نۆرەگرتن بۆ هەفتەی داهاتوو بەردەستە.
کۆمسیۆنی باڵای سەربەخۆی هەڵبژاردنەکان دەڵێت، هیچ کەسێک ناتوانێت بە کارتى بایۆمەترى کەسێکى دیکە دەنگبدات و تەنها خاوەنە رەسەنەکەی دەتوانێت بەکاربهێنێت.
جێگری نوسینگەی مەسرور بارزانی وتی، سروە عەبدولواحید سکاڵای یاسایی لەسەر پرۆژەی روناکی تۆمارکردووە و دادگای فیدراڵی دانیشتنی لەسەر دەکات.