ئاگادارییەک لە بازرگانی سلێمانییەوە؛ لەبارەی بەشەخۆراکی مانگانە
بازرگانیی خۆراکی سلێمانی رایگەیاند، بریکارەکان ئاگادار دەکەنەوە، هەر ماددەیەک لەناو بەشەخۆراکی مانگانەدا بەکەڵکی خواردن نەهات نەیدەن بە هاوڵاتییان.
کۆمپانیای نەوتی بەسڕە رایگەیاند،زۆربەی کۆمپانیا بیانییەکان لە کێڵگە نەوتییەکاندا كشاونەتەوە و ٩٠٠ هەزار بەرمیل نەوت بۆ پێداویستی ناوخۆ بەرهەمدەهێنین.
دۆناڵد ترەمپ دەڵێت، لە رێگەی کوردەکانەوە چەکیانن بۆ خۆپیشاندەرانی ئێران ناردووە بەڵام کورد ئەو چەکانەیان هەڵگرتووە بۆ خۆیان، وتیشی، لەگەڵ ئێران یان رێکدەکەون یان هێرش دەکەن سەر هەموو شتێک.
کۆمەڵێک هاوڵاتی کە فەرمانی دامەزراندنیان دەرچووە لەسەر وەزارەتی ناوخۆ نیگەرانی خۆیان دەردەبڕن لە دواکەوتنی دەستبەکاربوونیان و نادادی لە خەرجکردنی مووچە و لە بەیاننامەیەکدا دەڵێن، "ئێمە کۆمەڵێک گەنج و هاونیشتیمانین کە لە ساڵی ٢٠٢٤ـەوە بە کتابی فەرمی دامەزراوین لە وەزارەتی ناوخۆ و پڕۆسەی بایۆمەتریمان ئەنجام داوە لەسەر فەرماندەیی، فەرماندەی زێرەڤانی، بەڵام تا ئێستا نە بانگهێشتکراوین بۆ مەشق و نە مووچەمان وەرگرتووە".
بلۆمبێرگ رایگەیاند، کەشتییەکی نەوتی عێراق لە گەرووی هورمزەوە بەرەو مالیزیا تێپەڕی، ئەمە دوای رۆژێک دێت لەو بواردنەی كە ئێران بۆ عێراقی كرد لە بەكارهێنانی گەرووەكەدا.
لە درێژەی جەنگی ناوچەکە، ترەمپ دەڵێت، سێشەممە وێستگەکانی کارەبا و پردەکان لە ئێران دەکەینە ئامانج و سوپای پاسدارانیش دەڵێت، زنجیرەی ٩٦ـەمی مووشەکەکانمان ئاڕاستەی ئامانجە ئەمریکی و ئیسرائیلییەکان کرد لە ناوچەکە و سوپای ئیسرائیلیش وتی، ناوەندی تواناکانی ئێرانیان بۆ بەرهەمهێنانی چەک و مووشەک پێکاوە.
مەسرور بارزانی دەڵێت، بە توندی سەرکۆنەی ئەو هێرشانە دەکەن کە لەلایەن تیرۆریستانەوە کونسوڵخانەی گشتی ئەمریکا و ناوچە مەدەنییەکانی هەولێریان کردە ئامانج.
ئەندامێکی لیژنەی دارایی پەرلەمانی عێراق دەڵێت، مووچەی فەرمانبەران مسۆگەركراوە و هیچ کەمکردنەوە و دواکەوتنێکی بەسەردانایەت و دەستکاری ناکرێت، هەروەک پێشتریش تەیف سامی وەزیری دارایی عێراق دڵنیایی دابوو مووچەی فەرمانبەران مەترسی لەسەر نیە، سەبارەت بە مووچەی مانگی سێی مووچەخۆرانی هەرێمیش وەزیرێکی حکومەتی عیراق بە ئێن ئاڕتی وت رۆژی سێشەممە یەکلاکەرەوە دەبێت.
خوێندکارانی پۆلی ١٢ لە رانیە گردبوونەوە و داوا دەکەن، پڕۆگرامی خوێندن کەمبکرێتەوە و چاوگێک لە وەزارەتی پەروەردە بە ئێن ئاڕ تی وت، تائێستا هیچ بڕیارێک نەدراوە بۆ کەمکردنەوەی پڕۆگرامی خوێندن.
نێچیرڤان بارزانی بەبۆنەی جەژنی هەستانەوەی حەزرەتی مەسیحەوە دەڵێت،هەرێمی کوردستان وەک هەمیشە بە لانکەی پێکەوەژیان، تەبایی و یەکترقبووڵکردنی هەموو پێکهاتە ئایینی و نەتەوەیییەکان دەمێنێتەوە.
کەشناسیی هەرێم رایگەیاند، ئەمڕۆ لە کاتەکانی ئێوارەوە نمەباران لە چەندین ناوچەی هەرێم دەستپێدەکات وسبەینێش شەپۆلێکی لێزمە باران و هەورەبروسکە ناوچەکانی هەرێم دەگرێتەوە.
پارێزگاری هەولێردەڵێت، لەمەودوا غازی ماڵان لەڕێگەی کارتی ئەلیکترۆنییەوە دابەش دەکرێت و هەر کەسێک غاز لە نرخی دیاریکراوی حکومەت گرانتر بفرۆشێت، رووبەڕووی سزای توندی یاسایی دەبێتەوە.
وەزارەتی نەوتی عێراق رایگەیاند، هێرشی درۆنی کراوەتەسەر دامەزراوەی کۆگاکردن لە کێڵگەی نەوتی بەزرگان، هاوکات دوو هێرشی ئاسمانی کرایە سەر لیوای ٥٢ـی حەشدی شەعبی.
لە ٢٤ کاتژمێری رابردوو زیاتر لە ٢٥ هێرشی درۆنی کراوەتە سەر سنووری هەولێر و دەزگای ئاسایشیش باسی لەوەکرد، هێرشێکی درۆنی کراوەتە سەر گوندێکی نزیک لە سلێمانی بەڵام هیچ زیانی گیانیان نەبووە.
قوباد تاڵەبانی دەڵێت، وەک کورد بەشێک نابن لە کێشە و ئاڵۆزیەکانی ناوچەکە بەڵکو بەشێک دەبن لە چارەسەر و یارمەتیدەر دەبن لە دابینکردنی ئاسایش، وتیشی هەوڵەکانیان دەخەنە گەڕ بۆ باشترکردنی پەیوەندیەکانی نێوان هەرێم و بەغدا.
پەیامنێری ئێن ئاڕ تی دەڵێت، بەرەبەیانی ئەمڕۆ، بەهۆی هەورەبرووسکەوە کەسێک لە سنووری هەریر گیانی لەدەستدا.
ترەمپ رزگارکردنی فڕۆکەوانەکانی ئەمریکای لەناو خاکی ئێران راگەیاند و بارەگای خاتەمولئەنبیاش رایگەیاند، شکستیان هێناوە بە هەوڵی ئەمریکا بۆ ڕزگارکردنی فڕۆکەوانەکەو دوو هێلیکۆپتەر و فڕۆکەیەکی ئەمریکییان لە ئەسفەهان بە ئامانج گرتووە.
خەڵکی گوندی دەرەی مەڕ لە هەورامان تا ٢٠ ساڵ لەمەوبەر و لە وەرزی بەهاردا هەموو ساڵێک بەهۆی بوژانەوەی کانیاو و کارێزەکانیانەوە، رۆژێکی هەینیان هەڵدەبژارد و ناویان لێدەنا هەینی سوپاس گوزاری و دەگەڕانەوە بۆ گوندەکەیان و لەوێ نوێژی هەینیان ئەنجامدەدا و خواردنیان ئامادە دەکرد.
وتەبێژی حەج و عومرەی هەرێم دەڵێت، تاوهكو ئێستا كاروبارهكانی پرۆسەی حەج به شێوهیهكی ئاسایی بهرێوهدهچن و له ئێستادا ڤیزای ههموو حاجیانی كوردستان گهڕاوهتهوه و ههر كاتێك وهرزی حهج دهستپێبكات هیچ كێشهیهكیان نابێت.
پەرلەمانتارێکی فراکسیۆنی نەوەی نوێ دەڵێت، " بڕینی کارەبای هاوڵاتیان لەدهۆک شەرم و عەیبەیەکی گەورەیە، ناکرێت داهاتی رۆژانەی گومرگی ئیبراهیم خەلیل و دەیان مەسفای نەوت لە بادینان بەملیۆنەها دۆلار بێت و ئێوەش کارەبای هاوڵاتیان ببڕن".
سەرۆکی هەرێم دەڵێت، وڵاتبەدەرکردنی سەدان هەزار کوردی فەیلی و بێسەروشوێنکردنی دەیان هەزاری دیکەیان، جینۆسایدێکی رەگەزپەرستانەی بەعس بوو کە مێژوویەکی رەش و رابردوویەکی تاڵی پڕ لە هەڵەی بۆ عێراق بەجێهێشت و پێویستە حکومەتی فیدراڵ قەرەبووی مادی و مەعنەوی کوردانی فەیلی بکاتەوە.
هاتووچۆی گەرمیان رایگەیاند، لە سنووری رزگاری ماتۆڕسکیلێک ئاژەڵێکی ماڵی شێلا، بەهۆیەوە وەرگەڕا و ماتۆڕسوارەکە بەسەختی برینداربوو، پاش گەیاندنی بەنەخۆشخانە گیانی لەدەستدا.
ئێران زنجیرەیەکی تری موشەکەکانی ئاراستەی ئیسرائیل کرد و ئیسرائیلیش دوای دامەزراوە پیشەسازییەکان ئەمڕۆ دامەزراوەکانى پترۆکیمیایی لە ئێران کرانە ئامانج.
ئەمڕۆ هێرشکرایە سەر دەروازەیەکی سنووریی نێوان عێراق و ئێران و بەهۆیەوە چەند کەسێک بوونە قوربانی و جارێکیتریش کێڵگە نەوتییەکانی عێراق کرانەوە ئامانج.
قائیمقامیەتی هەڵەبجە رایگەیاند، هاوڵاتییان ئاگادار دەکەنەوە سبەینێ لە کاتژمێر هەشتی بەیانییەوە دەست دەکرێت بە دابەشکردنی غاز، بەسەر ئەو ماڵانەی کە ناویان لە لیستی بریکارەکاندا هاتووە.
رێکخراوی پەیامنێران بۆ ماف و گەشەپێدان رایگەیاند، دوو مانگ بەسەر داخستنی ئۆفیسی کەناڵی ئێن ئاڕ تی لەسنووری پارێزگایی هەولێرو دهۆک تێدەپەڕێت، بەبێ هیچ هەنگاوێکی روون و یاسایی بۆ چارەسەرکردنی ئەم بابەتە، ئەم دۆخە نیشانەیەکی ئاشکرا لە سنووردارکردنی ئازادی میدیا و بەرتەسک کردنەوەی کاری رۆژنامەوانی و ئەم بڕیارە زیاتر رەهەندی سیاسیی هەیە تا یاسایی.
کەشناسی هەرێم، پێشبینی دەکات لە سبەینێوە شەپۆلێکی دیکەی دابارین روو لە ناوچە جیاوازەکانی هەرێم بکات و پلەکانی گەرماش کەمێک دادەبەزن.
هاتووچۆی گەرمیان رایگەیاند، لەسەر رێگای کەلار کفری بەهۆی پێکدادانی دوو ئۆتۆمبێل و ماتۆڕێکی سێ تایەی کەسێک گیانی لەدەستدا.
فراکسیۆنی نەوەی نوێ رایگەیاند، دەستەبەرکردنی دادپەروەریی بۆ کوردانی فەیلی تەنیا ئەرکێکی ئەخلاقی و مرۆیی نییە، بەڵکو شایستەیەکی نەتەوەیی و دەستوورییە و هەموو دامودەزگاکانی دەوڵەت ناچاردەکات بە پەرۆشەوە کار بکەن بۆ داخستنی ئەم فایلە بەشێوەیەکی دادپەروەرانە و کۆتاییهێنان بە ئازاری دەیان ساڵەیان بە شێوەیەک کە شکۆی قوربانییەکان و مافی بنەماڵەکانیان بپارێزێت.
بەرپرسێکی باڵای حکومەتی عێراق بە ئێن ئاڕتیی وت، بڕیاری ناردنی مووچەی مانگی سێ بەندە بە دوو رێکارەوە و کۆتا بڕیاریش لە کۆبوونەوەکەی رۆژی سێشەممە لەلایەن سودانییەوە دەبێت.