ئاماری هێرشەکانی شەوی رابردووی سنووری هەولێر
بەرگریی شارستانیی هەولێر رایگەیاند، پاشنیوەڕۆی ئەمڕۆ ئاگادار کرانەوە لە بوونی تەرمی ژنێک لەناو ئاوی زێی گەورە لە سنووری خەبات.
پەیامنێری ئێن ئاڕ تی رایگەیاند، لە ماوەی ٢٤ کاتژمێری رابردوو زیاتر لە ٢٥ هێرشی درۆنی بۆ سنووری هەولێر هەبوون، کە زۆربەیان بە ئاڕاستەی کونسوڵخانەی ئەمریکا بوون و سەرجەم هێرشەکانیش نەگەشتوونەتە ئامانجەکانیان.
بەپێی زانیارییەکانی ئێن ئاڕ تی، پێشمەرگەیەک لە کاتی دەوامی فەڕمیدا لە سنووری قەرەهەنجیر بە هەڵە فیشەکێکی بەردەکەوێت و گیانی لەدەستدا.
مەسرور بارزانی و وەزیری دەرەوەی قەتەر پەیوەندییەکی تەلەفۆنییان ئەنجامدا و پەرەسەندنەکانی دۆخی گشتی هەرێمی کوردستان و قەتەر و ناوچەکەیان تاوتوێ کرد.
کەشناسیی هەرێم کەشوهەوای ٤٨ کاتژمێری داهاتووی بڵاوکردەوە و پێشبینى دەکات، ئەمڕۆ و سبەینێ شەپۆلى باران بارین دەستپێبکاتەوە و تا کاتەکانی بەیانی رۆژی شەممە بەردەوام دەبێت، پلەکانی گەرماش یەک تا سێ پلە نزمدەبێتەوە.
مانگی چوار هات و مووچەخۆرانی هەرێم هێشتا لە چاوەڕوانی هاتنی مووچەی مانگی رابردوودان، حکومەتی ماوەبەسەرچووش تا ئێستا ١٢٠ ملیار دینارەکەی مانگی سێی رادەستی بەغدا نەکردووە، بە بیانووی ئەوەی داهاتی ناوخۆی هەرێم کەمی کردووە، بە پێی زانیارییەکانیش دەسەڵاتدارانی هەرێم داوایان لە بەغدا کردووە کەمتر لە ١٢٠ ملیار دینارەکە رادەستی بەغدا بکەن بە بێ ئەوەی وردەکاری بدەن کە بۆ چەندێک کەمبکرێتەوە.
وەزارەتی نەوتی عێراق رایگەیاند، دەستیانکردووە بە هەناردەکردنی نەوتی رەش بە تانکەر لەڕێگەی سوریاوە.
بەرەبەیانی ئەمڕۆ هێرشەکانی نێوان ئێران و ئیسرائیل قۆناغێکی نوێی توندیان بەخۆیەوە بینی و بە گوێرەی میدیا جیهانییەکان، ئێران زنجیرەیەکی فراوانی هێرشی موشەکی بۆسەر ئیسرائیل ئەنجامداوە، لە بەرامبەردا چەند شارێکی ئێرانیش بە چڕی لەلایەن ئیسرائیل و ئەمریکاوە بۆردومان کران.
سێ هێرشى دیکە کرایە سەر بارەگاکانى حەشدى شەعبى لە نەینەوا و ئەنبار و ژمارەى کوژراوانى هێرشەکەى شەوى رابردووش بەرزبووەوە.
قەیرانى کەمى و گرانى غاز لە هەرێمى کوردستان بەردەوامە و بەهۆی پێنەدانی غازەوە، بەشێک لە هاوڵاتیانى سۆران ناڕەزاییان دەربڕى رێگایەکیان داخست.
باڵیۆزخانەى ئەمریکا لە بەغدا دەڵێت، گروپە چەکدارەکانى ئێران لەماوەى ٢٤ بۆ ٤٨ کاتژمێرى داهاتوودا بەنیازى ئەنجامدانى هێرشى زیاترن لە بەغدا و پێویستە هاوڵاتییانى ئەمریکى بەزویی عێراق جێبهێڵن.
دوا بەدوای قسەکانی ترەمپ نرخی ئۆنسەیەک زێڕ لە بازاڕەکانی جیهاندا زیاتر لە ١٦٣ دۆلار دابەزی و یەک ئۆنسە لەو کانزا زەردە چوار هەزار و ٦٢١ دۆلارە، مستقاڵێک زێڕی عەیارە ٢١ بە یەک ملیۆن و سێ هەزار دینارە.
هێرشەکان بۆ سەر هەرێم بەردەوامن و شەوی رابردووش چاوگێک بە ئێن ئاڕ تی وت، شەوی رابردوو زیاتر لە ٣٠ هێرش کراوەتە سەر هەرێم ونزیکەی ١٥ هێرشی درۆنی کراوەتە سەر هەولێر و دهۆک و بە دوو درۆن هێرشکرایە سەر کونسوڵخانەی ئەمریکا لە هەولێر، چاوگێکیش وتی، بە درۆن هێرشکراوەتە سەر رۆژئاوای سلێمانی.
ترەمپ لە وتارێکدا سەرکەوتنی سەربازیی وڵاتەکەی بەسەر کۆماری ئیسلامی ئێراندا راگەیاند و وتی، ئەو مەترسییە ئەتۆمییەی بۆ ماوەی چەندین دەیەیە جیهانی هەراسان کردبوو، بەتەواوی کۆتایی پێهات.
لە ماوەی چەند رۆژی رابردوودا بازاڕی نەوتی جیهان تووشی گۆڕانکارییەکی گەورە بووە و ئەمڕۆش نرخی نەوت بەرزبووەوە، نرخی بەرمیلێک نەوتی خاوی برێنت بە ١٠٧ دۆلار سەنت مامەڵەی پێوە دەکرێت.
دوای ئەوەی سەرۆکی پەرلەمانی عێراق وتی، بڕیاریان داوە بە دانیشتنی پەرلەمان لە ١١ـی نیسان بۆ هەڵبژاردنی هاوپەیمانیی ئیدارەی دەوڵەت رایگەیاند، پێویستە ئەو پرسە بە زوویی یەکلاییبکرێتەوە.
پارێزگاری هەولێر لەبارەی ئەو دەنگۆیانەی باس لەوە دەکەن کە سیستەمی بەرگری ئاسمانی لە هەولێر تەنیا لە چەند کاتژمێرێکی دیاریکراودا کارا دەبێت رایدەگەیەنێت، “سەرلەبەری ئەو دەنگۆیانە رەت دەکەینەوە”.
شاندێکی پارتی سەردانی سەرۆکی پەرلەمانی عێراقیان کرد لە بەغدا و تاوتوێی پێکهێنانی حکومەت و دۆخی ئەمنی و هێرشە درۆنییەکانی سەر ناوچەکەیان کرد.
حکومەتی عێراق دەستیکرد بە دابەشکردنی مووچەی مانگی چواری خانەنشینان خۆی و چاوەروانیش دەکرێت هەفتەی داهاتوو مووچەی هەرێمیش بێت، بەغدا داوای هەرێم کردووە وردەکاریی بانگەشەی کەمبوونەوەی داهاتی ناوخۆییی بە راپۆرت پێبدەن.
سەرۆکی دیوانی حکومەتی ماوەبەسەرچوو رایگەیاند، حکومەتی هەرێم رێگە نادات هیچ کەسێک سوکایەتی بە ئاڵای عێراق بکات، چونکە سیمبولی سەروەرییە. ئاشکراشی کرد، رێکاری یاسایی بەرامبەر ئەو کەسانە گیراوەتە بەر کە ئەو کارەیان کردووە.
پەرلەمانتارێکی نەوەی نوێ لە پەرلەمانی کوردستان دەڵێت، سەرەڕای ئەوەی هەرێمی کوردستان دەوڵەمەندە بە سامانی سروشتی بەڵام حکومەتی ماوەبەسەرچوو لە غیابی بوونی پەرلەماندا قەیرانی غازی بۆ هاوڵاتیان دروستتکردووە.
وەزارەتی دەرەوەی ئێران، روونکردنەوەی لەسەر هۆکاری دواکەوتنی دەرکەوتنی رێبەری نوێ وڵاتەکەی دا و رایگەیاند، موجتەبا خامنەیی، تەندروستی زۆر باشە و دەرنەکەوتنی تەنها پەیوەندیی بە بارودۆخی جەنگەوە هەیە.
وەزارەتی بازرگانی هەرێم رەتیدەکاتەوە بەشەخۆراکی ئەو کەسانەی بڕیبێت کە مووچەکانیان لە ملیۆنێک و ٥٠٠ هەزار دینار زیاترە.
سهرۆكی ئهمریكا رایگەیاند، "سهرۆكی نوێی رژێمی ئێران"، ههر ئێستا داوای ئاگربهستی له ئهمریكا كرد. دهشڵێت، تا كردنهوهی گهروی هورمز بهردهوام دهبین له لێدانی ئێران و گهڕاندنهوهی بۆ چاخی بهردین.
مەسرور بارزانی، سەرۆکی حکومەتی ماوەبەسەرچوو پیرۆزبایی لە هەڵبژاردەی تۆپی پێی عێراق دەکات و هیوای سەرکەوتنی بۆ دەخوازێت.
قائیمقامیەتی سلێمانی رێنمایی نوێی بۆ دابەشکردنی غازی ماڵان دەرکرد و رایگەیاند، دابەشکردنی غازی ماڵان لە گەڕەکەکاندا بەپێی "فۆڕمی خۆراک" دەبێت.
بە مەبەستی رەوانەکردنی نهوتی عێراق بۆ بازاڕە نێودەوڵەتییەکان لە رێگەی سوریاوە، ١٧٦ تانکەری نەوت لە عێراقەوە بەڕێ کەوتن و لە دەروازەی سنووری تەنەفەوە چوونە سوریاوە.
بەڕێوەبەری گشتیی دەستەی گومرگی عێراق رایگەیاند، لە چوارچێوەی هەماهەنگییەکانی نێوان بەغدا و هەولێر، لە ٣ـی ئەم مانگەوە سیستەمی داتای گومرگی پێشوەختە (ئەسیکۆدا) لە دەروازەی نێودەوڵەتیی ئیبراهیم خەلیل دەخرێتە بواری جێبەجێکردنەوە.
سەرۆکی یەکێتی، لە پەیامێکدا پیرۆزبایی گەرم ئاراستەی گەلی عێراق و وەرزشوانان دەکات بەبۆنەی سەرکەوتنی هەڵبژاردەی نیشتیمانیی عێراق بۆ جامی جیهانی ٢٠٢٦.
سەرۆکی ئەمریکا هەڕەشەی کشانەوەی لە ناتۆ دەکات و دەڵێت، هاوپەیمانیی ناتۆ وەک پڵنگێکی کاغەزیە و هەروەها رەخنەی توندیشی لە هێزی دەریایی بەریتانیا گرت.