رێکخراوەکانی کۆمەڵگەی مەدەنی دژی گرانیی نرخی کارەبا؛ کۆنگرەیەکی رۆژنامەنووسییان ئەنجامدا
ئەو جەنگەی وا پێشبینی دەکرا بە چەند هەفتەیەکدا کۆتایی بێت، بووەتە درێژخایەنترین و پڕتێچووترین ململانێی سەدەی بیست و یەک و جیهانیش لە نێوان ئاشتییەکی تاڵ و جەنگێکی بێ کۆتایی، چاوەڕێی بڕیارە سیاسییەکانە.
فیدراسیۆنی رێکخراوەکانی کۆمەڵگەی مەدەنی دژی گرانیی نرخی کارەبا کۆنگرەیەکی رۆژنامەنووسییان ئەنجامدا و وتیان، نرخی کارەبای پڕۆژەی رووناکی گرانە و لە ئاست بژێویی هاوڵاتیاندا نییە و ستەمە لێیان دەکرێت.
ترەمپ دەڵێت، ئەگەر لەگەڵ ئێران رێکنەکەون دەرئەنجامەکان بۆ ئەو وڵاتە کارەساتبار دەبن.
چاوگێک بە ئێن ئاڕتی وت، لیستی مووچەی مانگی دوو و تەرازووی پێداچوونەوە رادەستی بەغدا کراوە، تەیف سامیش دەڵێت، موچەی مانگی شوباتی مووچەخۆرانی هەرێمی کوردستان کێشەی نییە و دوای رادەستکردنی ١٢٠ ملیارەکە مووچە دەنێرن.
کەشناسی دەڵێت، ئاسمان بە گشتی نیمچە هەورە دەبێت بۆ ئەمرۆ لە زۆربەی کاتەکان، لە ئەنجامی کاریگەری کەشێکی ناجێگیر لە سەر ناوچەی جیا جیا پێشبینی نمە بارانی کورت خایەن و هەندێک کات لەسەر ناوچە شاخاویەکان بارانی مامناوەند و هەورەبروسکە دەبێت، پلەکانی گەرماش نزمدەبنەوە.
رۆژنامەی سەباح وتی، پەرلەمانی عێراق چەند بژاردەیەک تاوتوێ دەکات بۆ چارەسەرکردنی کورتهێنانی دارایی و دابینکردنی مووچە و خزمەتگوزارییە بنەڕەتییەکان.
بانکی ناوەندیی عێراق دەڵێت، ئەمساڵ تەواوی فەرمانگە حکومییەکان شێوازی ئەنجامدانی مامەڵەکانیان لە کاشەوە دەگۆڕن بۆ ئەلیکترۆنی.
حکومەتی ماوەبەسەرچوو دەڵێت، ئەمڕۆ لیستی موچەی مانگی دوو تەرازووی پێداچوونەوە بۆ بەغدا دەنێرێت، بەڵام تا ئیستا دیار نیە کەی هەرێم ١٢٠ ملیارەکە رادەستدەکات.
بەهای زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا زەردە بە پێنج هەزار و ١٧١ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ١٢٦ هەزار دینارە.
چوارچێوەی هەماهەنگی دوایین کۆبوونەوەی خۆی بۆ تاوتوێکردنی دۆخی سیاسی و نێودەوڵەتی ئەنجامدا و داوایان کرد پەلە بکرێت لە یەکلاکردنەوەی پۆستی سەرۆک کۆمار.
بەشێک لە خەڵکی وا راهاتوون پێش خەوتن ژەمێکی سووک یان جۆرێک لە شیرینی بخۆن، بەڵام توێژینەوە نوێیەکان ئاماژە بەوە دەکەن کە ئەمە مەترسییەکی گەورە لەسەر تەندروستی دروست دەکات، بەتایبەت لەسەر ئاستی پەستانی خوێن.
وەزارەتی پەیوەندییەكانی عێراق بڕیاریدا بە وەرگرتنی بڕی ٢٠٪ لە كرێی خزمەتگوزاری كارتی پڕکردنەوەی باڵانسی مۆبایل و ئینتەرنێت. بەپێی زانیارییەكان، بڕیارەکە لە هەرێم ئەو كۆمپانیاكانیانە ناگرێتەوە، كە مۆڵەتیان لە حكومەتی هەرێم وەرگرتووە، تەنها ئەو كۆمپانیایانە دەگرێتەوە، كە مۆڵەتیان لە عێراقەوە وەرگرتووە.
شارەزایەكی کەشناسی دەڵێت، شەپۆلێکی بەفر و بارانبارینی مامناوەند بە دوو قۆناغ تەواوی ناوچە جیاوازەکانی هەرێمی کوردستان دەگرێتەوە و لە ناو بەشێكی شار و شارۆچكەكانیش بەفر دەبارێت.
پەرلەمانتارێکی نەوەی نوێ لە پەرلەمانی کوردستان دەڵێت، چەندین ساڵە لە شارەزور پڕۆژەیەکی نیشتەجێبوون بۆ کەسانی کەم دەرامەت و کرێنشین دروستکراوە و تا ئێستا بەسەریاندا دەبەشنەکراوە و بەهۆیەوە زەرەر و زیانێکی زۆر بەر پرۆژەکە کەوتووە.
سەرۆکی پارتی لەگەڵ نێردەی ئەمریکا بۆ کاروباری سوریا کۆبوونەوە و گفتوگۆ لەبارەی پێکهێنانی حکومەتی داهاتووی عێراق و دۆخی ناوچەکە کراوە.
بانکی بازرگانی عێراق (TBI) بڕیارێکی نوێی لەبارەی ئەو پارانە دەرکرد کە دڕاون و شێواون یان زیانیان پێگەیشتووە و دەڵێت، "لەمەودوا هاوڵاتییان دەتوانن لەتەواوی لقەکاندا ئەو پارانە بگۆڕنەوە بە پارەی نوێ".
بەپێی رۆژژمیری پشووەکانی هەرێم لە مانگی رەمەزاندا حەوت رۆژ پشووی فەرمی دەبێت لە سەرجەم دامودەزگاکانی حکومەت و ناوەندەکانی خوێندن.
پەرلەمانتارێکی نەوەی نوێ لە پەرلەمانی عێراق دەڵێت، نوسراوێکیان بە واژۆی ٦١ پەرلەمانتار ئاڕاستەی سەرۆک وەزیرانی عێراق کرد تاوەکو فەرمان بەبانکە حکومییەکان بکات لەپارێزگاکانی هەرێم لقەکانیان بکەنەوە و فەرمانبەرانی هەرێمیش سودمەند بن لەوەرگرتنی پێشینەکانی خانوبەرەوهاوسەرگیری.
بانکی ناوەندیی عێراق، لەبارەی چەند مامەڵەیەکی فێڵکردن و دەستبڕین و ساختەكاری کە لە رێگەی دراوی بیانی و کاغەزی بێبەهاوە ئەنجام دەدرێن، هۆشداری دەدات.
نوسینگەی سەرۆک وەزیرانی عێراق دەڵێت، محەمەد شیاع سودانی، سەرپەرشتی رێوڕەسمی واژۆکردنی دوو رێککەوتنی سەرەتایی لە نێوان کۆمپانیاکانی نەوتی بەسرە و زیقار و باکوور و کۆمپانیای شیڤرۆنی ئەمریکی دەکات.
هاتووچۆی گەشتیاری لە دەروازەی شۆشمێ راگیرا و بە وتەی چاوگێک لە دەروازەکە راگیرانی گەشتەکان بەهۆی کێشەی هونەری لە سیستەمی دەروازەکە و هێشتا نازانرێت کەی هاتوچۆ دەستپێدەکاتەوە.
بەهای دینار بەرامبەر دۆلاری ئەمریکی کەمێک بەرزبوونەوەی تۆمارکرد و ١٠٠ دۆلار بەرامبەرە بە ١٥٢ هەزار و ٤٥٠ دینار، وتەبێژی بازاڕی دۆلارەکەی سلێمانیش وتی، بە کشانەوەی مالیکی مەترسی لەسەر نزمبوونەوەی بەهای دینار نامێنێت.
نوری مالیکی دەڵێت، هەرگیز نیازی کشانەوەی نییە لە کاندیدبوونی بۆ پۆستی سەرۆک وەزیران.
وەزارەتی دەرەوەی عێراق دەڵێت، نێردەی تایبەتی ترەمپ و وەزیری دەرەوەی عێراق کۆبوونەوە، چەند پرسێکیان تاوتوێ کرد و پێکهێنانی حکومەتی نوێی عێراقیش یەکێک بوو لە پرسەکان.
وەزارەتی دارایی هەرێم دەڵێت، لیستی مووچەی مانگی شوباتی فەرمانبەران و راپۆرتی تەرازووی پێداچوونەوەی مانگی کانوونی دووەم رەوانەی بەغداد دەکرێت و سبەینێ سێشەممە رادەستی فەرمانگەی ژمێریاری وەزارەتی دارایی حکومەتی فیدراڵ دەکرێت.
هاتووچۆی گەرمیان دەڵێت، بەشێکی سەرەتای پردی گوندی ئاوەخێری داخراوە و هاتووچۆ لەسەری سنووردار کراوە، بەهۆی کارکردن تێیدا.
بازرگانی و خۆراکی سلێمانی دەڵێت، یەکەمین بەشەخۆراکی ئەمساڵ دابەشدەکرێت و بریکارەکان ئاگاداردەکرێنەوە لەوەی هەر ماددەیەکی خراپی تێدابوو بیگەڕێننەوە و دابەشی نەکەن.
سەرباری ناڕەزایەتی کوردەکان، وەزارەتی پلاندانانی عێراق فەرمانی بەقەزاکردنی گوڵاڵەی لە پارێزگای دیالە پەسەندکرد.
سودانی و نێردەی تایبەتی ئەمریکا لە سوریا کۆبوونەوە؛ سەرۆک وەزیرانی عێراق دەڵێت، پێویستە رێگری لە دەستدرێژی و پێشێلکردنی سەروەری وڵاتان و گەلانی ناوچەکە بکرێت، نێردەی ترەمپیش وتی، پشتیوانی لە رۆڵی عێراق دەکەن بۆ چارەسەرکردنی کێشەکانی ناوچەکە و کەمکردنەوەی گرژیەکان.
نوری مالیکی دەڵێت، بەرپرسیارێتی نیشتمانیان بەرامبەر گەلی عیراق هەیە و ئەوەش ناچاریان دەکات ئەزمون و لێهاتوویەکەیان بەکاربهێنن بۆ راستکردنەوەی پڕۆسەی سیاسی عێراق. هاوکات داواش لە لایەنە کوردیەکان دەکات پەلەبکەن لە یەکلاکردنەوەی کاندیدی سەرۆک کۆمار.