رۆژێکی ئەم هەفتەیە لە عێراق و هەرێم پشووی فەرمییە
وەزارەتی بەرگری کەنەدا کارمەندان و هاوڵاتیان هۆشیار دەکاتەوە، لە دوورکەوتنەوە لەو قازە شەڕانگێزانەی کە لە بارەگای کارلینگ کۆدەبنەوە.
ئەمینداریەتی ئەنجومەنی وەزیرانی عێراق رایگەیاند، رۆژی پێنجشەممەی ئەم هەفتەیە بەبۆنەی رۆژی کرێکارانەوە پشووی فەرمی دەبێت. هاوکات بەپێی رۆژمێری حکومەتی کاربەرێکەریش هەمان رۆژ پشووی فەرمییە لە سەرجەم دامودەزگەکانی هەرێم.
وه‌زیری پێشمه‌رگه‌ی رایگەیاند، تموحی زۆریان هه‌یه بۆ به‌ده‌ستهێنانی ده‌ستكه‌وتی زیاتر بۆ هێزی پێشمه‌رگه و ژێرخانی سه‌ربازی وه‌زاره‌تی پێشمه‌رگه پته‌وتربكه‌ن، گه‌نده‌ڵی و رۆتینات نه‌هێڵن و گیروگرفته‌كانی به‌رده‌م چاكسازی چاره‌سه‌ربكه‌ن.
بەڕێوەبەری تەندروستی ئامێدی رایگەیاند، لە ئەنجامی هێرشێکی درۆنی بۆ سەر خاڵێکی پێشمەرگە لە گوندی بلاڤە، سێ پێشمەرگە برینداربوون.
لەناکاو پچڕانێکی گەورە لە کارەبای ئیسپانیا، پۆرتوگال، ئەندۆرا و فەرەنسا روویدا و لەئێستادا ملیۆنان کەس بێ کارەبان.
رووسیا تاکلایەنە ئاگربەستی دوو رۆژەی لە ئۆکرانیا راگەیاند و وتیشی، ئاگربەستەکە لە شەوی ٨ـی ئایارەوە بۆ ١٠ـی ئایار دەبێت.
پەرلەمانتارێکی نەوەی نوی لە پەرلەمانی کوردستان دەڵێت، بڕیارەکەی وەزارەتی ناوخۆى هەرێم بۆ رێپێدانى ئۆتۆمبێلی جام رەش جێگاى شەرمە، دەشڵێت، هەر بڕیارێک دەربکرێت و لە خزمەتی خەڵک نەبێت ئەوان لەگەڵی نین.
وەزیری پەروەردە دەستپێکردنی قوتابخانەی دیجیتاڵی راگەیاند و پڕۆژەی بەکارهێنانی تەکنۆلۆجیا بە مەبەستی پەروەردە دەخرێتە قوتابخانەکانەوە.
وەزیری نەوتی عێراق رایگەیاند، پێویستە یەدەگی غازی ناوخۆیی و هاوردەکراو بەرزبکرێتەوە وەک ئامادەکارییەک بۆ وەرزی هاوین.
بەرێوەبەرایەتی گشتی کارەبای سلێمانی، نرخی کارەباى موەلیدەی پڕۆژەکانی نیشتەجێبوونی بۆ مانگی نیسانی ئەمساڵ بڵاوکردەوە کە بریتییە لە ٢٦٢ دینار بۆ هەر کیلۆواتێک.
سەرۆکی ئەمریکا دەڵێت، کۆبوونەوەکانیان لەگەڵ ئێران لە دۆخێکی باشدایە و وتیشی نزیکن لە گەیشتن بە رێککەوتنی ئەتۆمی لەگەڵ تاران.
بەرپرسێکی وەزارەتی دارایی عێراق بە ئێن ئاڕ تی راگەیاند، وردبینی لیستی مووچەی مانگی چوار تەواو کراوە و سبەینێ، لیستەکە رەوانەی ئەنجومەنی وەزیرانی عێراق دەکرێت.
فەرماندەیی ناوەندیی ئەمریکا بڵاویکردەوە، تا ئێستا زیاتر لە ٨٠٠ ئامانجی حوسیەکانى یەمەن پێکاوە و دەشڵێت، ئامانجەکانیش ناوەند و پێگەی سەربازیی بووە.
نرخى دۆلار لە بازاڕەکانى هەرێمى کوردستاندا بەراورد بە چەند رۆژی رابردوو بەرزبووەوە و هاوکات ئەمڕۆ نرخی ١٠٠ دۆلار زیاتر لە ١٤٥ هەزار دینار مامەڵەى پێوەدەکرێت.
دوای ئەوەی کە لیستی مووچەی هەرێم رەوانەی بەغدا کرا، وا بڕیارە لەم دوو رۆژەدا وردبینی لە لیستەکەدا تەواو بێت و ئەگەر حکومەتی فیدڕاڵ هیچ تێبینییەکی نەبێت کۆتایی ئەم هەفتەیە پارەی مووچە رەوانەی هەرێم دەکات.
حزبی تەقەدوم رایگەیاند، دادگای عێراق محەمەد حەلبوسی سەرۆکی حزبەکەیانی بێبەری کردووە لەو تۆمەتانەی کە پێشتر ئاڕاستەی کرابوون.
کۆمیسیۆنی هەڵبژاردنەکانی عێراق دەڵیت، بۆ نوێکردنەوەی تۆماری دەنگدەران درێژترین وادەی داوە و وتیشی، ژمارەی ئەو هاوپەیمانیە سیاسیانەی تۆمارکراون گەیشتووەتە ٦٤ هاوپەیمانی.
بڕیارە ئەمڕۆ پارتی و یەکێتی سەبارەت بە دابەشکردنی پۆستەکان لە هاوینەهەواری دوکان کۆببنەوە.
کەشناسی هەرێم رایگەیاند، ئەمڕۆ کەشوهەوا بەشێوەیەکی گشتی ئاسمانی نیمچەهەور بۆ هەوری تەواو دەبێت، لەگەڵ ئەگەری بارانبارینێکی کەم لە هەندێک ناوچە.
دوای ئەوەی زێڕ نزیکەی ٢٠٠ دۆلار لە نرخەکەی دابەزی، ئۆنسەیەک زێڕ لە بازاڕەکانی جیهاندا بەراورد بە دوێنێ ٢٢ دۆلار لە نرخەکەی دابەزیوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٧ دۆلار ١٢ سەنت مامەڵەی پێوەکرا کە بەراورد بە دوێنێ ١٢ سەنت بەرزبووەتەوە.
ئیمارات دەبێتە یەکەم وڵات کە زیرەکی دەستکرد بۆ داڕشتن و پێداچوونەوە و هەموارکردنەوەی یاسا فیدراڵی و ناوخۆییەکان بەکاربهێنێت.
کۆمسیۆنی باڵای سەربەخۆی هەڵبژاردنەکانی عێراق دەڵێت، بۆ هەڵبژاردنی پەرلەمانی عێراق، ژمارەی هاوپەیمانێتییە تۆمارکراوەکان ٦٤ هاوپەیمانێتییە کە پێشتر سەرجەمیان تۆمار کراون، هەروەها کۆمسیۆن بەردەوامە لە نوێکردنەوەی تۆماری دەنگدەران.
پۆلیسی ئەمریکا رایگەیاند، لە رووداوێکی تەقەکردندا لە ویلایەتی تەکساس دوو گەنج کوژراون کە کوردن و دانیشتووی ئەمریکان و وتیشی، تۆمەتباری سەرەکی رووداوەکە دەستگیرکراوە کە ئەویش کوردە.
لە بازگەى چیمەن رێگری لە چوونی بارهەڵگرەکان کرا بۆ ناو کەرکوک، بەشێک لە شۆفێرانیش وتیان، چەندین کاتژمێر لە سۆنەری بازگەکە رایاندەگرن و بەشێکیشیان دەڵێن داوای باج و سەرانەیان لێدەکەن.
یەکێتی زانایانی ئاینی ئیسلامی کوردستان لە پەیامێکدا داوا لە هاوڵاتییان دەکات، ئاسانکاری بۆ مارەیی ئافرەتان بکەن و رەچاوی بارودۆخ و قۆناغەکە بکەن.
خامنەیی داوای لێکۆڵینەوەیەکی ورد دەکات لە رووداوی تەقینەوەکەی بەندەر عەباس و جەختیشدەکاتەوە، پێویستە ئەوانەی کەمتەرخەمبوون سزا بدرێن، دەشڵێت، رووداوەکە گەورەیە و بەتەواوەتی دڵتەنگی کردوون.
وەزیری رۆشنبیری عێراق، بانگهێشتنامەی فەرمی پێشکەش بە سەرۆکی قۆناغی راگوزەری سوریا کرد، بۆ بەشداریکردن لە كۆنگرەی لوتکەی عەرەبی، کە بڕیارە لە (١٧)ی مانگی داهاتوو لە بەغداد بەڕێوەبچێت.
وتەبێژی یەکێتی بەهۆکارێکی نادیار دوورخرایەوە لە پۆستەکەی و گرژی و ئاڵۆزییەکانی نێوان هێزەکانی یەکیتیش زیاتر بوون و دوێنێ لەلایەن هێزیكی یەکێتی بە شەق و زللە هێرشکرایە سەر بەرپرسێکی باڵای ئەو حزبە و لە چەند رۆژی رابردووشدا لەلایەن هێزێکی دیکەوە تەقە لە پاسەوانەکانی وتەبێژی یەکێتی کراوە و دوو پاسەوانی بریندارکراون.
سه‌رۆكایەتی كۆماری سوریا سه‌باره‌ت به‌كۆنفڕانسی نه‌ته‌وه‌ی كورد له سوریا بڵاویکردەوە، ئه‌و كۆنفڕانسه دژایه‌تیه‌كی روونه بۆ رێكه‌وتنه‌كه‌ی نێوانیان لەگەڵ هەسەدە