هاتووچۆی هەولێر هاوڵاتییان ئاگادار دەکاتەوە
هاتووچۆی هەولێر رایگەیاند، ماوەی چەند رۆژێکە دەنگۆیەک بڵاوبووەتەوە گوایە رایی کردنی مامەڵە بە بریکارنامە (وکالة) لەبەڕێوەبەرایەتیەکەیان دەوەستێت کاری پێناکرێت کە ئەمە دوورە لە راستییەوە.
نوسینگەی سەرۆک وەزیرانی عێراق راگەیاندراوێکی بڵاوکردەوە و رایگەیاند، سەرۆک وەزیرانـی عێراق چەند بڕیارێکی دەرکرد بە مەبەستی هاندانی کارمەندانی پەروەردەیی و راوێژکارانی پەروەردەیی کە لە گوند و ناوچە دوورەدەستەکان کاردەکەن بە شێوەیەک کە کار لەوێ سەرنجڕاکێشتر و بەردەوامتر بکات.
دوای ئەوەی هەفتەی رابردوو خوازیارانی دیاریكردنی ئاستی زمانی ئینگلیزی لە سەنتەری زمانی زانكۆ حكومییەكانی هەرێم تاقیكردنەوەیان ئەنجامدا، وەزارەتی خوێندنی باڵا رایگەیاند، ئێستا ئەنجامی تاقیکردنەوەکان راگەیەندرا.
رۆژنامەی گاردیانی بەریتانی ئاشکرایکردووە، روسیا رەنگە رۆڵێکی سەرەکی بگێڕێت لە گەیشتن بە رێککەوتن لەسەر بەرنامە ئەتۆمییەکەی ئێران لە دانوستانەکانی لەگەڵ ویلایەتە یەكگرتووەكانی ئەمریکا.
بەغدا دوو رۆژە دەستی کردووە بە دابەشکردنی مووچەی مانگی چوار و حکومەتی کاربەڕێکەریش تا ئێستا نەیتوانیوە لیستی مووچە ئامادە بکات و بڕیارە ئەمڕۆ ئامادەکردنی لیستەکە تەواو بکات و تا سبەینێ بینێرێت بۆ بەغدا.
کۆمسیۆنی باڵای سەربەخۆی هەڵبژاردنەکانی عێراق لە راگەێندراوێکدا وتی، بەردەوامن لە تۆمارکردن و نوێکردنەوەی کارتی بایۆمێتری هێزە ئەمنییەکان.
ماوەی زیاتر لە چەند مانگێکە پاپا فرانسیس، پاپای ڤاتیکان، تووشی نەخۆشییەکی سەخت ببوو و کە لە یەکێک لە نەخۆشخانەکانی رۆما لەژێر چاودێری چردابوو ئەمڕۆ لە تەمەنی ٨٨ ساڵێدا کۆچی دواییکرد.
راوێژکاری دارایی سودانی رایگەیاند، مووچەی فەرمانبەران دەستەبەر کراوە و هیچ گرفتێکی بۆ دروست نابێت و هاوکات تێچووی پڕۆژەکانیش دابین کراوە، وتیشی، تێچووی مووچە و پڕۆژەکان ١٦٠ ترلیۆن دینارە و بودجەی عێراق لە خراپترین حاڵەتیشیدا دەتوانێت ئەو بڕە پارەیە دەستەبەربکات.
سەرۆکوەزیرانی عێراق، ئەمڕۆ دەستیکرد بە جێبەجێکردنی سێ پڕۆژەی ستراتیژی لە پارێزگای زیقار.
یەكەی وزەی ئەمەریکا ئاشكرایدەكات، عێراق دووەم وڵاتە لەسەر ئاستی جیهان دوای چین لە پەرەپێدانی بۆریە نەوتیەكانی.
سەرۆکی ئەنجومەنی باڵای بەرژەوەندییەکانی یەکێتی وتی، کابینەی نوێی حکومەتی هەرێمی کوردستان لە مانگی شەشی ئەمساڵدا پێکدەهێنرێت.
کەشناسیی هەرێم دەڵێت، ئەمڕۆ ئاسمان پەڵەهەور دەبێت و ئەگەری بارانبارین هەیە لە ناوچە جیاوازەکانی هەرێمی کوردستان.
دوای ئاگربەستێکی دوو رۆژی لە شەڕی ئۆکرانیا و روسیا، سەرۆکی ئۆکرانیا پێشنیار دەکات ئاگربەستەکە درێژبکرێتەوە بۆ ٣٠ رۆژ و سەرۆکی ئەمریکاش دەڵێت، هیوادارە لەم هەفتەیەدا روسیا و ئۆکرانیا بگەنە رێکەوتن.
نرخی زێڕ چەند رۆژێکە لە بازاڕەکانی جیهاندا بەرزبووەتەوە و ئەمڕۆ گەیشتە ئاستێکی پێوانەیی، ئۆسنەیەک لەو کانزا زەردە بە سێ هەزار و ۳۷٦ دۆلار مامەڵەی پێوەدەکرێت و بەراورد بە دوێنێ نرخەکەی نزیكەی ٥۰ دۆلار بەرزبووەوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٦ دۆلار ٨٨ سەنت مامەڵەی پێوەکرا کە بەراورد بە دوێنێ نرخەکەی دۆلارێک و ۱٦ سەنت دابەزی.
كەناڵی سی ئێن ئێنی ئەمریكی، كۆمەڵێ بەڵگەنامەی دەست كەوتووە، كە دەریدەخەن ئیدارەی سەرۆکی ئەمریکا، هەوڵ دەدات داخستنی باڵیۆزخانەی ئەمریكا لە عێراق تاوتوێ بكات و بڕیاری لێ بدات.
وه‌زاره‌تی ته‌ندروستی عێراق ڕایگه‌یاند، له ماوه‌ی ساڵێكدا زیاتر له یه‌ك ملیۆن هاوڵاتی بیمه‌ی ته‌ندروستیان بۆ كراوه، هاوكات پلانێكیش هه‌یه كه ئه‌و بیمه‌یه هه‌مو عێراقییه‌كان بگرێته‌وه، ئه‌و خزمه‌تگوزاریانه‌شی له‌ناو بیمه‌كه‌دان، ٢٤٥ جۆری نه‌شته‌رگه‌ری و ٤٢٠ كه‌ره‌سته‌ی چاره‌سه‌ری له‌خۆده‌گرێت.
ژماره‌یه‌ك له میدیاكارانی كورد رێكخراوێكیان به‌ناوی باره‌گاكه‌ی (كۆله‌كیڤی میدیاكارانی كوردستان له ئه‌وروپا) دامه‌زراند كه باره‌گاكه‌ی له برۆكسل ده‌بێت و توانای وه‌رگرتنی ئه‌ندامی ده‌بێت له هه‌موو وڵاتانی ئه‌وروپاوه و جه‌ختیشده‌كه‌نه‌وه له‌سه‌رئه‌وه‌ی، ماوه‌ی چه‌ند ساڵێكه كار و هه‌وڵدان بۆ رێكخستن له ده‌ره‌وه‌ی وڵات و به‌تایبه‌ت ئه‌وروپا ئه‌نجام ده‌درێن، به‌ڵام هێشتا ئه‌نجامێكیان نه‌بووه.
میدیا عێراقییەکان بڵاویان کردەوە، بەرهەمهەمهێنانی نەوت لە کێڵگەکانی کەرکوک زیادی کردووە گەیشتووەتە ٤٣٠ هەزار بەرمیل نەوتی لە رۆژێکدا، دەشڵێت، لە ساڵی ٢٠١٤ـەوە بۆ یەکەمجارە بەرهەمهێنانی نەوت بگاتە ئەو ئاستە.
جێگری وەزیری دەرەوەی ئێران دەڵێت، گەڕی سێیەمی دانوستانەکان کە بڕیارە ٢٣ـی نیسان بەڕێوە بچێت، بە ئامادەبوونی نێوەدگیرەکان لە وڵاتی عوممان بەڕێوە دەچێت، جەختیشیکردووتەوە، بۆ ئەوان پیتاندنی یۆرانیۆم هێڵی سورە و سازش لەو بابەتە ناکەن.
بەڕێوەبەرایەتیی گشتیی کاروباری مینی هەولێر داوا لە هاوڵاتییان دەکات سبەینێ لە چیای گۆڕەز نزیک نەبنەوە بەهۆی ئەوەی تیمەکانی کاروباری مین هەڵدەستن بە لەناوبردنی ژمارەیەک مین و تەقەمەنی لە کێڵگە مینەکانی ناوچەکە.
پۆلیسی ئیداره‌ی راپه‌ڕین رایگه‌یاند، تۆمه‌تبارێكیان ده‌ستگیركردووه كه له سنووری ناحیه‌ی ژاراوه ئۆتۆمبێلێكی جۆری پیكابی به‌باره‌وه دزیوه و لێكۆڵینه‌وه‌ش له‌گه‌ڵیدا به‌رده‌وامه.
ته‌ندروستی عێراق تۆماركردنی پێنج حاڵه‌تی نوێی تای خوێنبه‌ربونی راگه‌یاند و دووپاتیكرده‌وه كه له سه‌ره‌تای ساڵی ٢٠٢٥ـەوە ژماره‌ی تووشبوان گه‌یشتووه‌ته ١٩ كه‌س.
حه‌ج و عومڕه‌ی كوردستان، هۆشداری بە هه‌موو ئه‌و كۆمپانیایانە دەدات كه ناویان دەرچووە بۆ هاوه‌ڵیكردنی حاجیانی كوردستان له پرۆسه‌ی حه‌جی ئه‌مساڵ كە پێویستە تا ٣٠ـی ئەم مانگە پاكانه‌ی ساڵانه ببەن بۆ بەڕێوەبەرایەتیەكە.
ئەندامێکی سەرکردایەتی یەکێتی دەڵێت، یەکێتی کار بۆ بنەبڕکردنی هەموو ئەو کێشانە دەکات کە لە حوکمڕانی هەرێمدا بوونیان هەیە، وتیشی، حزبەکەی دەیەوێت حکومەتی نوێی هەرێم حکومەتێکی خزمەتگوزار بێت.
ئاسایشی پارێزگای هه‌ولێر رایگه‌یاند، تۆمه‌تبارێك كه بڕێك زێڕی ساخته‌ی له بازاڕه‌كانی شاری هه‌ولێر ساغ كردبووە، له‌لایه‌ن هێزه‌كانیانه‌وه ده‌ستگیركرا.
دوای ئەوەی سەرۆکی روسیا فەرمانی بە سوپاکەی دا هەموو چالاکییەکی سەربازی رابگرن و ئاگربەستی یەک رۆژەی راگەیاند، بە بۆنەی جەژنی هەستانەوەوە، هاوکات، هەردوو وڵات یەکتر تۆمەتبار دەکەن بە شکاندنی ئاگربەستی یەک رۆژە.
وەزیری کشتوکاڵ و سەرچاوەکانی ئاوی حکومەتی کاربەرێکەر رایگەیاند، ئاستی هەناردەکردنی بەرهەمە کشتوکاڵییەکان و پەلەوەر بۆ وڵاتان فراوانتر دەکەین.
به‌رگری شارستانی ئاكرێ رایگه‌یاند، گه‌نجێكی ته‌مه‌ن ٢٣ ساڵ له به‌رده‌ڕه‌ش له رووباری خازر خنكا و له‌ئێستاشدا ته‌رمه‌كه‌ی ده‌رهێندراوه و ره‌وانه‌ی نه‌خۆشخانه‌ی فریاكه‌وتنی به‌رده‌ڕه‌ش كراوه.
شاندی حکومەتی عێراق و هەرێم لە هەولێر لەگەڵ کۆمپانیا نەوتییەکانی هەرێم کۆبوونەوە و سەرۆکی دیوانی ئەنجومەنی وەزیرانی هەرێمیش دەڵێت، کۆبوونەوەکە سەبارەت بە دەستپێکردنەوەی هەناردەی نەوتی هەرێم بووە.