لە ٤٨ کاتژمێری رابردوودا چەند کەس لە ناوچە جیاوازەکانی هەرێم کوژراون؟
بەپێی زانیارییەکانی ئێن ئارتـی، ڕووداوەکانی کوشتن لە ٤٨ کاتژمێری رابردوودا گەیشتووەتە پێنج کەس لە پێنج ڕووداوی جیاوازی ناوچەکانی هەرێم.
كەشناسی هەرێم رایگەیاند، ئەمڕۆ و سبەی ئەگەری پروشکە باران هەیە، کەشناسی عیراقیـش، پێشبینی دەكات لە دوو رۆژی داهاتوودا شەپۆلی بارانبارین روو لە ناوچە جیاوازەکانی عیراق و هەرێم بكات و پلەكانی گەرما داببەزن.
شەوی رابردوو پایتەختی لیبیا شەوێکی سەختی بەخۆیەوە بینی، ئەوەش دوای سەرهەڵدانی شەڕ و پێکدادانێک لە نێوان گروپە چەکدارەکان، کە بووە هۆی کوژرانی عەبدولغانی قاسم خەلیفە کوکەلی، فەرماندەی ئامێری پشتیوانی سەقامگیری، شەڕ و پێکدادانەکان بۆ ماوەی چەند کاتژمێرێک بەردەوام بوو و ترس و دڵەڕاوکێی لە ناو خەڵکی شارەکە دروستکرد.
وادەی تۆماركردنی ناوی هاوپەیمانی و حزب و لیستە تاكەكەسییەكان بۆ بەشداریكردن لە هەڵبژاردنی خولی شەشەمی پەرلەمانی عێراق، تا کۆتایی دەوامی فەرمی رۆژی ٢٠ـی ئەم مانگە درێژكرایەوە.
به‌رێوه‌به‌رایه‌تی گشتی حه‌ج و عومره‌ی هه‌رێم رایگه‌یاند، ئه‌مساڵ رێكاری توند له‌باره‌ی "به‌ده‌ل حه‌ج"ه‌وه گیراوه‌ته‌به‌ر و به‌شێك له‌و ریكلام و بانگه‌شانه‌ی ده‌كرێن نادروستن كه به ٣٠٠ دۆلار ئه‌نجامده‌درێن، چونكه مۆڵه‌تی حه‌جكردن تەنها بڕی سێ هه‌زار دۆلاری ده‌وێت.
وەزیری سەرچاوە ئاوییەکانی عێراق رایگەیاند، لەگەڵ تورکیا رێککەوتووین تا ئاوی پێویست بەربدەنەوە بۆ عێراق، دەشڵێت لە ئێستادا لەگەڵ ئێران لە گفتوگۆدان سەبارەت بە هەمان پرس.
پەرلەمانتارێکی نەوەی نوێ لە پەرلەمانی عێراق بە ئێن ئاڕ تی راگەیاند، وەزارەتی دارایی عێراق دەستیکرد بە تەمویلی مووچەی مانگی چواری هەرێم.
کەشناسی هەرێم دەڵێت، ئه‌مڕۆ و سبه‌ینێ پله‌كانی گه‌رما روو له‌نزمبوونه‌وه ده‌كه‌ن و ئه‌گه‌ری به‌رزبوونه‌وه‌ی تۆز و خۆڵ هه‌یه، هه‌روه‌ها له‌چه‌ند ناوچه‌یه‌كیش ئه‌گه‌ری پروسكه و تاوه بارانیش هه‌یه. کەشناسی عێراقیش رایگەیاند، بارانبارین لە ئێوارەوە دەستپێدەکات و پلەکانی گەرما روو لە نزمبوونەوە دەکەن.
سەرۆکی ئەمریکا گەشتەکەی بۆ رۆژهەڵاتی ناوەڕاست دەستپێکرد و كەمێك لەمەوبەر گەیشتە وڵاتی سعودییە، هاوکات بەگوێرەی ئاژانسەکانی هەواڵ پێشبینی دەکرێت رێککەوتنی ملیار دۆلاری لەگەڵ وڵاتانی کەنداو بکات.
ئەمڕۆ هەر ئۆنسەیەک زێڕ لە بازاڕەکانی جیهاندا، بە سێ هەزار و ٢٥٢ دۆلار مامەڵەی پێوەکرا و نرخەکەی بەراورد بە چەند رۆژی رابردوو نزیکەی ٢٦ دۆلار دابەزیوە و نرخی مسقاڵێک زێڕی عەیارە ٢١ـیش بە ٦٦٢ هەزار دینار مامەڵەی پێوەدەکرێت و بەراورد بە دوێنی نرخەکەی نزیکەی شەش هەزار دینار دابەزیوە.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٤ دۆلار و ٨١ سەنت مامەڵەی پێوەکرا و بەراورد بە دوێنێ نرخەکەی نزیکەی سێ دۆلار بەرزبووەوە.
بەڕێوەبەرایەتی پۆلیسی گەرمیان رایگەیاند، لە گەڕەکی بەردەسوری سنوری کەلارەوە تەرمی منداڵێکی شەش ساڵان هێنرایە نەخۆشخانەی شەهید هەژار کە بەهۆی بەرکەوتنی فیشەکەوە گیانی لەدەستدابوو.
سەرۆك وەزیرانی عێراق پێشوازی لە سەرۆكی نوێنەرایەتی سندوقی دراوی نێودەوڵەتی كرد لە عێراق و وتیشی، بۆ چاكسازی و بەرزكردنەوەی سەقامگیری ئابووری لە وڵات سندوقەكە هاوبەشێكی سەرەكییە.
سەرۆکی تورکیا لە بارەی هەڵوەشاندنەوەی پەکەکەوە رایگەیاند، هەڵوەشاندنەوەی پەکەکە لە بەرژەوەندی کورد و تورکدایە.
سەرۆکی ئۆکرانیا رایگەیاند، وڵاتەکەی ئامادەیە بۆ دانوستانی راستەوخۆ لەگەڵ رووسیا، هەروەها پشتگیری لە بیرۆکەی بەشداریکردنی سەرۆکی ئەمەریکا لە دانوستانەکە کرد.
وەزارەتی دەرەوە عێراق رایگەیاند، پێشوازی لە بڕیاری پارتی کرێکارانی کوردستان (پەکەکە) دەکات بۆ هەڵوەشاندنەوەی خۆی و وەستاندنی شەڕی چەکداری و دانانی چەک، دەشڵێت بە هەنگاوێکی ئەرێنی و گرنگی دەزانن.
پەیامنێری ئێن ئاڕ تی رایگەیاند، رووداوێکی هاتووچۆ لەسەر رێگای فڕۆکەخانەی کەرکوک روویدا و بەهۆیەوە کەسێک گیانی لەدەستدا و پێنج کەسی دیکەش برینداربوون.
وەزیری ناوخۆی هەرێم رایگەیاند، کێشەکانی نێوان هەرێم حکومەتی عێراق یاسایی و دەستورین و ئەوان هەموو رێکارەکانیان بەرامبەر بەغدا جێبەجێکردووە.
جێگری سەرۆکی حکومەتی کاربەڕێکەر رایگەیاند، پەکەکە بەرپرسیاریەتیی خۆی بەرامبەر بە پرۆسەی ئاشتی لە تورکیا جێبەجێکرد و هیوادارن حکومەتی تورکیا ئەم دەرفەتە بقۆزێتەوە بۆ چارەسەرکردنی پرسی کورد.
فەرماندەی گشتی هێزەکانی سوریای دیموکرات (هەسەدە) رایگەیاند، بڕیاری پەکەکە بۆ هەڵوەشاندنەوەی پێکهاتەی رێکخراوەیی خۆی و کۆتاییهێنان بە خەباتی چەکداری و گرتنەبەری سیاسەتێکی دیموکراسی لەسەر بنەمای بانگەوازی عەبدوڵا ئۆجالان جێگەی پێزانینە.
ئەندامێکی شاندی نەوەی نوێ رایگەیاند، ئەوەی لەبەرژەوەندی خەڵک بێت ئەوان ئەنجامیدەدەن و هەر لایەنێکیش لە ریزی هێزە ئۆپۆزسیۆنەکان دەکشێتەوە ئازادە.
سەرۆکی یەکێتی رایگەیاند، بڕیاری پەکەکە بۆ بەدەمەوەچوونی بانگەوازەکەی عەبدوڵا ئۆجەلان و خۆهەڵوەشاندنەوە و چەکدانان لەم قۆناغە هەستیار و چارەنوسسازەدا هەنگاوێکی مێژووییە.
سەرۆکی ئەمریکا بڵاویکردەوە، سەردانەکەی بۆ رۆژهەڵاتی ناوەڕاست مێژووییە و سعودیە، ئیمارات و قەتەریش دەگرێتەوە.
ئەمینداری گشتیی یەکگرتووی ئیسلامی رایگەیاند، ئەمڕۆ رۆژێکی مەزنی گەلی کوردستانە، بەڕێز و نرخاندنەوە پێشوازی لە بڕیارە مێژووییەکانی کۆنگرەی ١٢ـی پارتی کرێکارانی کوردستان دەکەن.
دوای بڕیاری هەڵوەشاندنەوەی په‌كه‌كه و کۆتایهێنان بە خەباتی چەکداری، هاوسەرۆکی هەدەپە رایگەیاند، کاتی ئەوە هاتووە پێکەوە و دڵسۆزانە کاربکەن بۆ بەدیهێنانی ئاشتی و خۆشگوزەرانی و دیموکراسی و تورکیا بە هەموو شێوەیەک گەشە بکات.
کۆمەڵی دادگەری لە ریزی هێزە ئۆپۆزسیۆنەکان کشایەوە و بەشداری کۆبونەوەی بەرەی پێکهێنانی ئۆپۆزسیۆنی یەکگرتووی نەکرد.
لە دهۆک ژمارەیەک جوتیار دژی داگیرکردنی زەوییەکانیان لەلایەن حکومەتی کاربەرێکەرەوە گردبوونەوە جوتیارێکیش دەڵێت، بەڵگەی یاساییان هەیە و داواکارن حکومەت قەرەبوویان بکاتەوە.
دژی داخستنی دوکانەکانیان کاسبکارانی بازاڕی داونتاون گردبوونەوەو دەڵێن، بەهۆیەوە ٦٠ کاسبکار نانبڕاو بوون و تا ئێستاش لایەنی پەیوەندیدار نەهاتوون بەدەم کێشەکانیانەوە.
وتەبێژی یەکێتی دەڵێت، چەکدانانی پەکەکە و خۆهەڵوەشاندنەوەیان، دەستکەوتێکی گەورەیە و رێگە خۆشکەرە بۆ ئەوەی برایەتیی لەناوچەکە زیاتر بکات، وتیشی، یەکێتی هەمیشە پشتیوانی لە بژاردەی ئاشتی دەکات.
مامۆستایانی وانەبێژی لادراو لە دژی دانەمەزراندیان لە قەڵادزێ گردبوونەوە و ناڕەزایی خۆیان ئاڕاستەی حکومەتی کاربەڕێکەر کرد و دەڵێن، لە بری مامۆستایانی وانەبێژ ژمارەیەک مامۆستای تریان لەرێگەی حزبەوە بە نایاسایی دامەزراندووە.