قالیباف: تا ئێستا هیچ دانوستانێک لەگەڵ ئەمریکا نەکراوە
بەڕێوەبەرایەتی ئاودێری گەرمیان هۆشداریی دەداتە دانیشتووان و خاوەن پڕۆژەکانی نزیک رووباری سیروان و ئەو لقانەی دەڕژێنە ناوی، کە ئامادەکاری بکەن بۆ بەرزبوونەوەی بەرچاوی ئاستی ئاو.
کەمێک پێش ئێستا، سێ درۆن لە ئاسمانی هەولێر لەلایەن سیستمی بەرگریەوە تێکشکێندران و خرانەخوارەوە، بەپێی زانیارییە سەرەتاییەکان هیچ زیانێکی گیانی نەبوو.
کۆمپانیای گشتی گواستنەوەی دەریایی عێراق رایگەیاند، کەشتی گواستنەوەی دەریایی بەسڕە دوێنێ گەیشتووەتە بەندەرەکانی عێراق، کە لە بەندەرەکانی ئیماراتی یەکگرتووی عەرەبییەوە هاتووە، دوای تەواوکردنی گەشتەکەی بە سەرکەوتوویی.
سەرۆکی پەرلەمانی ئێران، هەموو ئەو دەنگۆیانەی رەتکردەوە کە باس لە ئەنجامدانی دانوستان لەگەڵ واشنتن دەکەن و دەڵێت، بڵاوکردنەوەی ئەم جۆرە هەواڵانە تەنیا بۆ یاریکردنە بە بازاڕەکانی نەوت و دارایی جیهان و هەوڵێکە بۆ رزگارکردنی ئەمریکا و ئیسرائیل لەو زۆنگاوەی تێیدا گیریان خواردووە.
سەرۆكی ئەمریكا رایگەیاند، واشنتن و تاران لەسەر رێککەوتنێکی ١٥ خاڵی گەیشتوونەتە لێکتێگەیشتن. دەشڵێت،"ئێرانییەکان خۆیان پەیوەندییان پێوە کردووین".
کۆمپانیای گشتیی بازرگانیی دانەوێڵە لە عێراق ئامادەیی تەواوی خۆی بۆ دەستپێکردنی وەرزی ساغکردنەوەی گەنم راگەیاند و پێشبینیش دەکات بڕی بەرهەمی ئەمساڵ بگاتە زیاتر لە چوار ملیۆن تەن.
دوای لێدوانهكانی ئهمڕۆی سهرۆكی ئهمریكا لهبارهی دواخستنی مۆڵهتی لێدان له وێستگهكانی كارهبای ئێران بۆ ماوهی پێنج رۆژ، نرخی نهوت له بازاڕهكانی جیهاندا نزیكهی ٪١٠ بههای خۆی لهدهستدا و نرخی ئۆنسەیەک زێریشی بە نزیکەی ٣٠٠ دۆلار بەرزکردەوە.
دوای ئەوەی دۆناڵد ترەمپ رایگەیاند، دوو رۆژە دانوستان و گفتوگۆ لەنێوان وڵاتەكەی و ئێران دەستپێكردووە، میدیاكانی ئێران لەزاری سەرچاوەیەکانیانەوە بڵاویانكردەوە، هیچ دانوستانێک لە ئارادا نییە و پێشنیار نەکراوە، گەرووی هورمز ناگەڕێتەوە بۆ دۆخی پێشووی خۆی .
ئەنجوومەنی وەزیرانی عێراق بۆ هەڵسەنگاندنی کەرتی وزە و دۆخی سووتەمەنی کۆبووەوە و بە گوێرەی نوسینگەی سەرۆک وەزیران، لە کۆبوونەوەکەدا جەخت لە گرتنەبەری رێکاری پێویست بۆ رووبەڕووبوونەوەی هەر پێشهاتێکی ئەمنی لە ناوچەکەدا کرایەوە.
دۆناڵد ترەمپ دەڵێت، لە دوو رۆژی رابردوودا گفتوگۆمان لەگەڵ ئێران ئەنجامداوە و زۆر بەرهەمداربوون و وتیشی، پێنج رۆژی دیکە هێرشکردنەسەر وێستگەکانی کارەبا و ژێرخانی ئابووری ئێرانیان راگرتووە. وەزارەتی دەرەوەی ئێرانیش رەتیدەکاتەوە گفتوگۆیان لەگەڵ ئەمریکا هەبووبێت.
نێچیرڤان بارزانی و وەزیری دەرەوەی هۆڵەندا، لە پەیوەندییەکی تەلەفونیدا گفتوگۆیان لەسەر بارودۆخی ناوچەکە کرد و وتیان، پێویستە هەموو هەوڵێک بدرێت بۆ راگرتنی شەڕ و چارەسەرکردنی ئاشتییانەی کێشە و ناکۆکییەکان، گرنگیشە عێراق و هەرێم لەو جەنگە دووربخرێتەوە.
سەرپەرشتیاری لیژنەی دابەشکردنی غاز لە قائیمقامیەتی سلێمانی رایگەیاند، دابەشکردنی غاز لە سلێمانی بەڕێژەی ٪٧٠ ئاسایبووەتەوە و سبەینێ ١٥ کارگەی تر دەستبەکارەکانی دەکاتەوە و رێژەکە بەرز دەبێتەوە بۆ ٪٩٠.
٢٤ رۆژە جەنگ بەردەوامی هەیە و ترەمپی سەرۆکی ئەمریکا دەڵێت، وێستگەکانی کارەبای ئێران لەناو دەبەن وڵاتەکە بە تەواوی وێران دەكرێت، لەبەرامبەردا سوپای پاسدارانیش رایگەیاند، ئەگەر تۆڕی کارەبا بۆردومان بکەن، ئەوانیش تۆڕەکانی کارەبای ئیسرائیل بۆردومان دەکەن.
وەزارەتی دەرەوەی عێراق بڵاویکردەوە، لە رێگەی شەش گەشتی ئاسمانییەوە تا ئیستا زیاتر لە ٩٣٠ هاوڵاتیان لە هیندستانەوە گەڕاندووەتەوە عێراق.
کەشناسی رایگەیاند، ئەمڕۆ ئاسمانی هەرێم لەنێوان نیمچەهەور و پەڵەهەور دەبێت، ئەگەری نمەبارانی کەمی پچرپچر هەیە لەناوچە جیاجیاکانی هەرێم، سبەینێش باران دەبارێت و لە هەندێک لە ناوچە شاخاوییەکان بەفر دەبارێت.
بەڕێوەبەرایەتیی گشتیی بەنداو و کۆگاکانی ئاوی هەرێم رایگەیاند، لە ٢٤ کاتژمێردا ئاستی ئاو لە بەنداوی دووکان ٨٣ سانتیمەتر و بەنداوی دەربەندیخان ٣٠ سانتیمەتر زیادیان کردووە.
پەیامنێری ئێن ئاڕ تی رایگەیاند، بەیانی ئەمرۆ ئۆتۆمبێلێک لە لۆفەکانی کورتەک لە بناری قەندیل وەرگەراوە و کەوتووەتە ناو رووباری گاڕفێن و ئۆتۆمبێلەکە سێ کەسی تێدابووە کە برای یەکبوون، کەسێکیان بێ سۆراغە کە شۆفێرەکەیە و کەسێکیان بریندارە و کەسێکی تریشان سەلامەتە.
بەهای زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا بە چوار هەزار و ١٨٦ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ملیۆنێک و ١٠٩ هەزار دینارە.
وتەبێژی هێزە چەکدارەکانی عێراق دەڵێت، لە هەوڵدان بۆ کڕینی سیستمی بەرگری بۆ هەموو عێراق و هەرێمی کوردستان و وەزارەتی ناوخۆی عێراقیش دەڵێت، جەختبەردەوامبونی ئۆپەراسیۆنە پێشوەختەکان و چالاککردنی هەوڵە هەواڵگرییەکان بۆ پاراستنی هەمو ناوچەکان دەکەنەوە.
سكرتێری گشتی ناتۆ دەڵێت، هاوکاری ئەمریکا دەکەن بۆ کردنەوەی گەرووی هورمز و وتەبێژی کۆشکی سپیش دەڵێت، هاوپەیمانییەکە پێکەوە کاردەکەن بۆ دڵنیابوون لە هێشتنەوەی گەرووی هورمز بە کراوەیی و ئارامی و ئەمەش هاوتای سیاسەتی ئەمریکایە.
لە ماوەی هێرشەکانی ئەمریکا و ئیسرائیل بۆ سەر ئێران، بازاڕی نەوتی جیهان تووشی گۆڕانکارییەکی گەورە بووە و ئەمڕۆش نرخی نەوت بەرزبووە، نرخی بەرمیلێک نەوتی خاوی برێنت بە ١١٢ دۆلار و حەوت سەنت مامەڵەی پێوە دەکرێت.
رۆژنامەی نیویۆرک تایمزی ئەمریکی رایگەیاند، بنیامین ناتانیاهۆ ترسی خۆی دەربڕیوە لە ئەگەری وەستاندنی جەنگ، لە کاتێکدا ئاژانسی هەواڵگریی ئیسرائیل باسی لەوەکردووە، شکستیانهێناوە لە پێکانی بەشێکی زۆری ئامانجەکانیان و بەشێکی زۆری ئۆپەراسیۆنەکانیان بێئەنجام بوون.
وتەبێژی سوپای ئیسرائیل دەڵێت، بەهۆی کەوتنە خوارەوەی درۆنێکی خۆکوژی لە نزیک هێزەکانیان حەوت سەربازی وڵاتەکەی لەسەر سنوور و لەناو خاکی باشووری لوبنان برینداربوون.
بەهۆی شەپۆلی بارانبارینەوە ئاستی ئاو لە بەنداوی دەربەندیخان و دوکان بە رێژەیەکی بەرچاو زیادیکردووە و بەڕێوەبەرایەتی بەنداو و کۆگاکانی ئاویش دەڵێت، داوا لە هاوڵاتیان دەکەن لە کەناراوەکان و چەمەکان دووربکەونەوە.
دوێنێ لە كۆشکی شەعب لە دیمەشق، ئەحمەد شەرع، پێشوازی لە وەفدێكی پێكهاتەی كورد كرد بەبۆنەی جەژنی پیرۆزی رەمەزان و جەژنی نەورۆزەوە و جەختی لەسەر مافەكانی پێكهاتەی كورد كرد وەكو مافێكی سروشتی.
نەخۆشخانەی هیوا رایدەگەیەنێت، لە بەرژەوەندی نەخۆشەکانیان دەوامی نەخۆشخانەکە لە رۆژانی سێشەممە و چوارشەممە دەبێت؛ بۆ ئەو نەخۆشانەی کە چارەسەری کیمیایی و مەناعە و بایۆلۆجییان هەیە سەرەڕای خزمەتی ٢٤ کاتژمێری بەشی فریاکەوتن.
سەر لەبەیانی ئەمڕۆ و لە رۆژی ٢٣ـیەمینی جەنگدا ئیسرائیل زنجیرەیەک مووشەکی ئاڕاستەی چەند ناوچەیەکی تاران کرد و شارەکانی ئەسفەهان، ئەهواز، تاران، بوشەهر بە سەختی بۆردومان کران، بەپرسێکی ئیسرائیلیش وتی، ئەوەی پێویست بێت دەیکەن بۆ لەناوبردنی ئێران کە دەیەوێت وێرانیان بکات.
ئەمساڵ وەک دەڵێن وشکەساڵی نییە و بەهارەکەی تەڕە، رێژەی بارانبارینی ئەمساڵ، بەپێی داتاکانی کەشناسی، لە پارێزگاکانی هەرێم چوار هێندەی ساڵی رابردوو باریوە.
دوێنێ لەکاتی جەژنی نەورۆزدا لە عەفرین و چەند ناوچەیەکی دیکە، کوردانی رۆژئاوا رووبەرووی سوکایەتی و ئەشکەنجەدان بوونەوە لەلایەن ژمارەیەک عەرەبەوە، سیپان حەمۆ جێگری وەزیری بەرگری سوریاش لەسەر رووداوەکە هاتە دەنگ و دەڵێت، هەرکەسێک هێرش بکاتە سەر کورد و سیمبولەکانی لێپرسینەوەی لەگەڵدا دەکرێت.
عەباس عێراقچی، وەزیری دەرەوەی ئێران، رەتیدەكاتەوە وڵاتەكەی خاوەنی موشەك بێت كە مەودای زیاتر لە دوو هەزار کیلۆمەتر بێت.