بەرپرسێکی حکومەتی عێراق: سودانی رەزامەندی دا لەسەر خەرجکردنی مووچەی هەرێم
بەرپرسێکی حکومەتی عێراق بە ئێن ئاڕ تی راگەیاند، سەرۆک وەزیرانی عێراق رەزامەندیدا لەسەر خەرجکردنی مووچەی مانگی نیسانی مووجەخۆرانی هەرێم. هاوکات، بڕیارە سبەینێ یان سەرەتای هەفتەی داهاتوو بڕی زیاتر لە ۹٥٠ ملیار دیناری مووچە رەوانەی هەرێم بکرێت.
سەرۆکی ئۆکراینا رایگەیاند، "ئامادەین لەگەڵ روسیا پێکەوە کار بکەین، تا ئاشتی بەدیبێت و ئاسایش دەستەبەر بکرێت".
فەرمانگەی میدیا و زانیاری حكومه‌تی کاربەڕێکەر رایگه‌یاند، بەبۆنەی جەژنی کرێکاران، رۆژی پێنجشەممە لە کەرتی گشتی و کەرتی تایبەت پشووی فەرمی دەبێت.
بەهای دۆلار لە بازاڕەکانی هەرێم لە نزمیدا جێگیرە و ئەمڕۆش ١٠٠ دۆلار بە کەمتر لە ١٤٥ هەزار دینار مامەڵەی پێوەکرا.
کۆمپانیاییەکی دروستکردنی دەرمان و کاروباری پزیشکیی لە عێراق، دروستکردنی یەکەم دەرمانی چارەسەری شەکرەی راگەیاند و دەڵێت، دەرمانەکە بۆ چارەسەرکردنی شەکرەی جۆری دوو بەکاردێت و هەنگاوێکی گەورەی پیشەسازییە و بەرەوپێشچوونێکی بەرچاوە لە بوارەکەدا.
وتەبێژی وەزارەتی کار و کاروباری کۆمەڵایەتیی عێراق دەڵێت، بڕیاریان داوە بە قەدەغەکردنی هێنانی کرێکار لە پێنج وڵاتەوە بۆ عێراق، باس لەوەشکراوە کرێکاراکانی بیانی ساڵانە دوو ملیار دۆلار دەنێرنەوە وڵاتەکانیان.
ئەنجومەنی ئاسایشی هەرێم سەبارەت بەو هێرشە درۆنییەی کراوەتە سەر هێزەکانی پێشمەرگە لە سنووری ئامێدی دەڵێت، بۆ تێکدانی پرۆسەی ئاشتی و سەقامگیریە لە ناوچەکەدا.
بڕیارە هەفتەی داهاتوو وەفدێکی دیوانی چاودێری عێراق سەردانی هەرێم بکەن بە مەبەستی پێداچوونەوە و رێکخستنەوەی داهاتە فیدڕاڵییەکان و وردبینیكردنی وەرزیی.
بڕیارە ئەمڕۆ ئەنجومەنی وەزیرانی عێراق کۆببێتەوە و بڕیار لەسەر ناردنی پارە بۆ هەرێم بدات، سەرۆکی نوێنەرایەتی هەرێمیش لە بەغدا بە ئێن ئاڕ تی وت، بەم نزیکانە بەغدا پارەی مووچەی مانگی چوار دەنێرێت.
دوای ئەوەی لە پەرلەمانی عێراقەوە دەنگ لەسەر بە پارێزگا بوونی هەڵەبجە درا، سەرۆک کۆماری عێراق واژۆی لەسەر یاساکە کرد و بەوەش هەڵەبجە بە فەرمی بووە ١٩ـەیەمین پارێزگای عێراق.
وەزیری پەروەردەی حکومەتی کاربەڕێکەر لە کۆنگرەیەکدا رایگەیاند، دەسەڵات دراوە بە هەندێک لە پەروەردەکان کە ئەو تاقیکردنەوەیەی لە ٢٠ نمرە ئەنجامدەدرێت گۆڕانکاری تیا بکرێت.
درۆنێك له سنووری ناحیه‌ی دێره‌لووكی سه‌ر به قه‌زای ئامێدی به‌سه‌ر باره‌گایه‌كی پێشمه‌رگه‌دا كه‌وته خواره‌وه و دوو پێشمه‌رگه بریندار بوون.
ئەمریکا لەڕێگەی ئاسمانییەوە هێرشی کردە سەر پەناگەیەکی ئەفریقییەکان لە باکوری یەمەن و بەهۆیەوە نزیکەی ٧٠ کەس گیانیان لەدەستدا و گروپە چەکدارەکانی یەمەنیش دەڵێن، ژمارەیەک کەس بێسەروشوێنن.
ئەمینداریەتی گشتی ئەنجومەنی وەزیرانی عێراق بەبۆنەی رۆژی جیهانی کرێکارانەوە رۆژی "پێنجشەممە" بەرواری ١ـی ئایاری کردە پشوو لە سەرجەم دامودەزگاکانی عێراق و هەرێم.
دوای تەواو کردنی وردبینییەکان لە لیستی مووچەی مانگی چواردا، بڕیارە ئەمڕۆ لیستەکە رەوانەی ئەنجومەنی وەزیرانی عێراق بکرێت بۆ پەسەندکردنی و بڕیاردان لە خەرجکردنی پارەکە.
عێراق لە هەوڵەکانی بۆ زیادکردنی داهاتی نانەوتی و کەمکردنەوەی ئاستی پشتبەستنی وڵاتەکە بە نەوت بەردەوامە و وتەبێژی وەزارەتی پلاندانانی عێراقیش دەڵێت، پلانیان وایە تا ساڵی ٢٠٢٨ گەشە بە کەرتەکانی کشتوکاڵی و پیشەسازی و گەشتیاری بدەن و هەمەچەشنی لە سەرچاوەکانی داهاتدا دروستبکەن.
دوای ئەوەی لە پەرلەمانەوە دەنگ لەسەر بە پارێزگا بوونی هەڵەبجە درا، بڕیارە ئەمڕۆ سەرۆک کۆماری عێراق واژۆ لەسەر یاساکە بکات و بەوەش هەڵەبجە بە فەرمی دەبێتە ١٩ەیەمین پارێزگای عێراق.
کەشناسی هەرێم رایگەیاند، ئەمڕۆ باران بارین بەردەوام دەبێت لە ناوچە جیاوازەکانی هەرێم و دەشڵێت، سبەینێ خۆڵبارینێکی سووک لە هەرێم دەستپێبکات و پلەکانی گەرماش بەردەبنەوە. کەشناسی عێراقیش دەڵێت، بۆ کەشوهەوای سبەینێ ئاسمان هەور دەبێت و پلەکانی گەرما کەمێک بەرز دەبنەوە لە سەرتاسەری وڵاتدا.
دوای ئەوەی نرخی نەوت لە ماوەی رابردوودا بە شێوەیەکی بەرچاو رووی لە دابەزین کردبوو، ئەمڕۆ نرخی نەوت لە بازاڕەکانی جیهاندا بە ٦٥ دۆلار ٢١ سەنت مامەڵەی پێوەکرا کە بەراورد بە دوێنێ دۆلارێک و ٩١ سەنت نزمبووەوە.
تیمێکی توێژەرانی ئیتاڵیا ئەنجامی توێژینەوەیەکی نوێیان ئاشکرا کرد کە باس لەوە دەکەن زیادەڕۆیی لە خواردنی مریشک مەترسی مردنی پێشوەختە زیاد دەکات، بەتایبەتی بەهۆی شێرپەنجەی گەدە و ریخۆڵەوە.
وه‌زیری گه‌نجینه‌ی ئه‌مریكا دەڵێت، پێویسته چین گرژیه بازرگانیه‌كان له باره‌ی باجه‌كان كه‌م بكاته‌وه و سه‌باره‌ت به ئه‌ورپاش وتی، پێده‌چێت وڵاتانی ئه‌وروپا له دۆخێكی ترسناكدا بن به‌هۆی به‌هێزی یۆرۆ به‌رامبه‌ر دۆلاری ئه‌مریكی.
بەهۆی درێژكردنەوەی ماوەی بەكارهێنان و فررشتنەوەی بەبەروبوومی خۆماڵی، ئاسایشی عێراق دەستی بەسەر زیاتر لە (٤٤٠) تەن برنجدا گرتووە.
رێنمایی ژمارە (٣ـی ساڵی ٢٠٢٥)ـی تۆمارکردنی تاکسی نوێ، دەچێتە بواری جێبەجێکردنەوە و وەزارەتی ناوخۆش دەڵێت، تەنها ئۆتۆمبیلەکانی سێ ساڵی مۆدێلی کۆتایی پەسندکراون بگۆڕدرێن بۆ تاکسی.
وەزارەتی ناوخۆی سعودیه سزای نوێی بۆ ئه‌و كه‌سانه راگه‌یاند، به‌شێوازی سه‌رپێچی و له‌رێگای ڤیزای سه‌ردانیكردن و گه‌شتیاریه‌وه ده‌یانه‌وێت به‌شداری له پرۆسه‌ی حه‌جی ئه‌مساڵ بكه‌ن، یه‌كێك له سزاكانیش بۆ خاوه‌ن هۆتێل و مۆتێله‌كانی سعودیه‌یه كه نابێت شوێنی مانه‌وه بۆ ئه‌و كه‌سانه ته‌رخانبكرێت.
وەزارەتی ناوخۆی ئێران رایگەیاند، تەقینەوەکەی بەندەری بازرگانی وڵاتەکەیان روویدا، بەهۆی کەمتەرخەمی و رێزنەگرتن لە رێوشوێنە ئەمنییەکان بووە.
پۆلیسی هەولێر رایگەیاند، کەسێکیان دەستگیرکرد کە تۆمەتبار کرابوو بە دزینی ماتۆڕسکیل و بەکارهێنانی ماددەی هۆشبەر و تەقەکردن.
بەرگری شارستانی هەولێر رایگەیاند، دوای چەند کاتژمێرێک لە رووداوی ئاگرکەوتنەوە لە کارگەیەکی شيش لە سەر رێگای مەخمور، کەمێک پێش ئێستا ئاگرەکە کۆنتڕۆڵکرا.
ئه‌مریكا خوازیاری ئاگربه‌ستێكی هه‌میشه‌ییە له ئۆكرانیا، ئه‌مه‌ش دوای راگه‌یاندنی سه‌رۆكی روسیا له‌سه‌ر ئاگربه‌ستی رۆژی سەرکەوتن.
وەزارەتی بەرگری کەنەدا کارمەندان و هاوڵاتیان هۆشیار دەکاتەوە، لە دوورکەوتنەوە لەو قازە شەڕانگێزانەی کە لە بارەگای کارلینگ کۆدەبنەوە.
ئەمینداریەتی ئەنجومەنی وەزیرانی عێراق رایگەیاند، رۆژی پێنجشەممەی ئەم هەفتەیە بەبۆنەی رۆژی کرێکارانەوە پشووی فەرمی دەبێت. هاوکات بەپێی رۆژمێری حکومەتی کاربەرێکەریش هەمان رۆژ پشووی فەرمییە لە سەرجەم دامودەزگەکانی هەرێم.