PM:03:59:15/11/2022
6696 جار خوێندراوەتەوە
+
-
پشتی دوهی مەلا عەدنان کۆچەر لسەر سکالایا
داخازکەرێ گشتیێ قەزا سێمێلێ هاتیە دەستەسەرکرن، ئەڤرۆ هاتە ئازادکرن و د پەیامەکا
ڤیدیۆی دا دبێژیت، "ئەوێ کو سکالا لسەر من تۆمارکری، تۆ بۆچی لسەر یێن تەنیشتێن
وان روویس تۆمار ناکەی کو جڤاکی تێکددەن".
ئەڤرۆ سێشەمبی، مەلاعەدنان کۆچەر کەساتیێ دیارێ
سوشیالێ ل پارێزگەها دهۆکێ هاتە ئازادکرن و ڕاگەهاند، ڕاستە سکالا لسەر وی هاتیە
تۆمارکرن ژ ئالیێ داخازکەرێ گشتیێ قەزا سێمێلێ ڤە لێ نها ئەو نە د زیندانێ دایە و
نە هاتیە سزادان.
ئاماژە ب وێیەکێ ژیکر، سکالایا وی لسەر
بەلاڤکرنا ڤیدیۆیێن دینی یێن لسەر ئەجنان بەلاڤدکەت و ترسێ د ئێخیتە د دلێ خەلکی
دا. دبێژیت ژی، "خۆزی لسەر وان ڤیدیۆیێن کو ب حساب ترسن بڕاستی ژی ترس دلێ
خەلکی دا دروستکربا و پێداچوون د نەفسا خۆ دا کربان".
بەحسا وێیەکێ ژیکر، "فەساد دناڤ جڤاکی
دا بەلاڤ بوویە و وێرانبوویە، نها بەرمیلا گازێ ب ٣٠٠ هزارایە، قەدەغەیە دارا
ببڕی، لیترا بەنزینێ د سەردای هزارایە، هوین بۆچی پرسیارا وان ناکەن؟ لێ هوین
بەحسێ ڤیدیۆیەکا ترسێ دکەن".
دەبەشەکێ دیێ پەیاما خۆدا دبێژیت، "تۆ
بۆچی سکالایێ لسەر وان تۆمار ناکەی ئەوێن ب تەنیشتێن روویس ب کارکرنا دوو رۆژان جی
کلاسان دکڕن؟ مانە ئەون کو جڤاکی تێکددەن؟".