PM:05:10:08/06/2022
636 جار خوێندراوەتەوە
+
-
دارا رەشید وەزیرێ پلاندانانا هەرێما کوردستانێ
ڕاگەهاند، حکومەتا هەرێمێ هیڤی خازە سەرژمێرییەکا نوی بۆ ئاکنجیێن دەڤەرێن ئاریشەلسەر
بهێتەکرن کو دووربیت ژ مەرەمێن سیاسیێن هەولێر و بەغدا.
د جڤینەکێ دا دگەل دەیڤد هانت، کونسولێ گشتیێ بەریتانیا
هەردوو ئالیان تەکەز لسەر بەردەوامی و بهێزیا پەیوەندییێن ئابوری و بازرگانیێن د
ناڤبەرا بەریتانیا و هەرێمێ دا کریە و وەزیرێ پلاندانا هەرێمێ ڕاگەهاند، حکومەتا هەرێمێ
ب هیڤیا سەرژمێرییەکا نوی یە بۆ ئاکنجیێن دەڤەرێن ئاریشە لسەر.
ئاماژە ب وێژی دا، ئەو سەرژمێریا ل دەڤەرێن ئاریشەلسەر
دهێتە ئەنجامدان دبیت ئاریشەیان دەستنیشان بکەت، لێ ب مەرجەکی دوور بیت ژ مەرامێن
سیاسیێن هەولێر و بەغدا.
ئەویەک ژی دادیارکرن، هەرێما کوردستانێ چاڤەڕێی
سەرژمێرییەکا گشتی و ڕاستە و گۆتژی، "پێتڤیە کاربهێتەکرن بۆ داوی ئینان و چارەسەرکرنا
وان ئاریشەیێن ل دەڤەرێن ئاریشە لسەر هەنە، ب تایبەت ڤەگوهاستن و گۆهڕینا دیمۆگرافیێ
ل وان دەڤەران.
دەڤەرێن ئاریشەلسەر ئەو دەڤەرەنە یێن کو لدیڤ
ماددەیێ ١٤٠یێ دەستوورێ عێراقێ هاتینە دیارکرن وەکی دەڤەرێن ب عەرەبکری ل دەما دەستهەلاتا
حیزبا بەعسدا ل عێراقێ و ئاکنجیێن زۆربەیا وان دەڤەران د بەرێ دا کەمینە - عەرەب
بوون، ب تایبەتی کورد، کو پشترا هاتینە ب عەرەبکرن ل ڕێکا ڤەگوهاستنا خێلێن عەرەبا
بۆ وان دەڤەران.