PM:08:19:25/12/2021
1196 جار خوێندراوەتەوە
+
-
پسپۆرەکێ یاسایا
نێڤدەولەتی و مامۆستایێ زانکۆیێ ڕاگەهاند، پێکئینانا هەڤپەیمانیەکا بهێزهەیاکو ل
ڕێکا وێ بکارن ل هەمبەری ستەما پارتی و
یەکێتی راوەستن کارەکێ پیرۆزە و جهێ دلخۆ شیێ یە.
ئیسماعیل نامیق مامۆستایێ
زانکۆیێ و پسپۆرێ یاسایا نێڤدەولەتی بۆ ڕوپەلێ" کورد نیۆز" راگەهاند،
"هەڤپەیمانیا د پێخەمەت خەلکی دا پێشینە و داهێنانەکا باشە و ئەزمونەکا نوویە
دکارێ ئۆپۆزسیۆنێ دا".
ئاماژە ب وێ ژی دایە، ژدەف
یەکێتی و پارتی دنها و ڕابردووژیدا چجاران گرنگ نەبوویە هەڤپەیمانیێ دگەل هەر هێزەکێدا
پێکبینن بۆ بدەستڤە ئینانا پۆست و ئیمتیازان، دهەمبەردا هێزێن ژدەرڤەی وان دوو
حیزبان گەلەک جاران ژ ترسا تەخوینکرنێ دەست بۆ گەلەک ئامرازێن یاسایی نەبرینە،
ژبەر وێ چەندێ دئەنجامدا بێ هاریکاری ماینە".
ئیسماعیل نامیقی ئەو
یەک ژی دایە دیارکرن، "دروستکرنا هەڤپەیمانیەکا بهێز ل جڤاتا نوینەرێن عێراقێ
هەیاکو دوێ ڕێیێ ڕا بکارن لهەمبەر پارتی و یەکێتی هەمبەری خەلکی ئاخفتن هەبیت کارەکێ
پیرۆزە و جهێ دلخۆشیێ یە".
دبێژیت ژی، دڤێت ئەو
هەڤپەیمانیە دناڤبەرا وان هێزان دابیت یێن کو باوەری ب دیموکراسیێ هەبیت و کار بۆ
بهێزکرنا سیستەمێ فیدرالی دکەن ل عێراقێ و میکانیزمێ کارکرنێ ب ئاوایەکی بهێتە دارشتن
کو دوو ئارمانجان پێکبینیت:
ئێک: بەرەڤانی کرن ل
مافێن خەلکێ کوردستانێ ل مووچەی و بودجەی و پلە بلندکرنا فەرمانبەران و سوتەمەنی و
دەرمان و مافێ جوتیاران و هەمی مافێن دی ل
بەریا هەمیان ژی دیارکرنا چارەنڤیسێ دەڤەڕێن ئاریشەلسەر.
دوو: کارکرن ب مەرەما
جێگرکرن و قایمکرنا بنەمایێن دیموکراسیەتێ و حوکمێ ژیرانە ل عێراقێ و کوردستانێ،
هەروەسا لێپرسینا چالاکیانە بکەنە دروشم.
هەڤپەیمانەتیا
ژپێخەمەت خەلکی ل چەند ڕۆژێن دەربازبوی دا ب سەرۆکایە تیا شاسوار عەبدولواحید هاتە
ڕاگەهاندن کو پێک دهێت ژ فراکسیونا نەوی نوێ و چەند فراکسیونێن دیێن پەرلەمانێ
عێراقێ و بڕیارا ئۆپۆزسیونێ و هەبوونا خۆژی ڕاگەهاند و دنهادا پێک دهێن ژ ٢٨ کورسیان و بەرەڤ زێدە تر بوونێ ژی دچیت.