PM:11:32:27/07/2021
1424 جار خوێندراوەتەوە
+
-
پشتی سلێمان هەلشۆیی، کەسەکێ دی ب دزینا ٤٥ ملیۆن
دۆلاران ب رێیا کۆمپانیێن تایبەت ب بازارکرنا دراڤێن ئەلکترۆنی دهێتە تۆهمەتبارکرن
و دنهادا ئەو کەسە بۆ دەرڤەی وەلاتی رەڤیە و هژمارەیەکا وەلاتیان ژی دخازن حکومەت
پارەیێن وان بۆ بڤەگەڕینیت.
باکۆ فەیسەل ئەو کەسێ کو ب رێیا کۆمپانیێن دراڤێن ئەلکترۆنی
کوژمێ ٤٥ ملیۆن دۆلارێن وەلاتیان برین د نهادا بەرەڤ دەرڤەی وەلاتی رەڤیە.
باکۆ ڕێڤەبەرێ بەشێ ئاسیا یێ کومپانیا PGI بوو یا تایبەت ب لێکگۆهارتنا دراڤێ ئەلکیترۆنی، وێ کۆمپانیێ ل
عێراقێ و هەرێمێ و چەند وەلاتێن دی ژی کار دکر، کو تێدا ب مەرەما بدەستڤە ئینانا
مفای، وەلاتیان لێکگۆهارتنا دراڤی ب رێیا ڤێ کومپانیێ کریە و د نهادا ڕێڤەبەرێ
بەشێ ئاسیا یێ کۆمپانیێ بەرەڤ دەرڤەی وەلاتی رەڤیە و ب دزینا ٤٥ ملیۆ دۆلاران
دهێتە تۆهمەتبارکرن.
دەربارەی وێیەکێ ژی زیانڤێکەفتیەکی بۆ ئێن ئاڕ تی
ڕاگەهاند، ب رێیا وێ کۆمپانیێ کەفتیە ناڤ بازارێ دراڤێن ئەلکترۆنی و ٣٢٧ هزار
دۆلار ژێ وەرگرتینە و خۆدانێ کۆمپانیێ ژی گوتیە وی، د دەمێ شەش مەهاندا دێ پارێ تە
دووجارا هندی خۆ لێ هێت، لێ نە دووجارا هندی وی پارەی نەدیتیە بەلکو ئەو پارەیێ
رادەستی کۆمپانیێ ژی کری ژدەستێ وی چوو.
دبێژیت ژی، "ئەڤە بۆ دەمێ چار مەهانە وێ کۆمپانیێ ب
هێجەتا داتا نویکرنا سیستەمێ کۆمپانیێ، چ پارە بۆ نە ڤەگەڕاندینە".
زێدەباری ڤێ ژی، ل سنورێ قەزایا پشدەر هەڤئاوایێ سلێمان
هەلشۆیی، کەسەکێ دی وەک بازرگانێ پەتڕۆلێ خۆ دایە نیاسین، وەکو خۆدانێن قەرا بەحس
دکەن ب وێ رێیێ کارینە نێزیکی ئێک ملیۆن دۆلار ئانکو ١٠٠ دەفتەرێن دۆلاری ژ خەلکی
وەربگرن و پشترا بۆ جهەکێ نەدیار بڕەڤیت.