PM:03:57:27/07/2021
2844 جار خوێندراوەتەوە
+
-
پشتی بەلاڤبوونا وی دەنگویێ
کو دبێژن نەدایێ داوی ب ژیانا خۆ ئینایە، شەعبان خەلیل بابێ وێ بۆ ئێن ئاڕ تی
ڕاگەهاند، "وان هەمی دەنگویان ڕەتدکەین و شاشی و ل دەما گرتنا چەند وێنەیان
بۆ سناپ چاتی گولە ژ دەستێ کچا وی دەرکەتیە و بۆ سەدەمێ ژیان ژ دەستدانا وێ".
د پەیوەندیەکا تەلەفۆنی
دا شەعبان خەلیل بابێ نەدایا ١٧ سالی بۆ ئێن ئاڕ تی ڕاگەهاند، "ئەو گوتنێن
هاتینە گوتن د دەربارێ کچا من کو دبێژن کەسەکی خاستیە هەڤژینیێ دگەلدا پێکبینیت و
مالباتا وێ رازینەبوویە دوورن ژ ڕاستیێ".هەڤدەم گوت ژی، کچاوی خۆدان پێتڤیێن
تایبەتە و پێنج جاران نەشتەرگەری بوو هاتیەکرن.
ئاماژە ب وێیەکێ ژی کر، رۆژا
شەمبیێ ١٧ی مەهێ کو چەند رۆژان بەریا جەژنا قوربانێ ئەو بژڤان بۆ دگەل نەدا و
دایکا وێ بچنە بازاری و کەلۆپەلێن جەژنێ بۆ نەدایێ بکرن. دبێژیت ژی، "نەدا
نازدارا مالێ بوو".
هەڤدەم گوت ژی، ل دەما گرتنا
چەند وێنەیان بۆ سناپ چاتی و بکار ئینانا دەمانجێ گولەیەک ب شاشی ژدەستێ وێ
دەرکەتبوو و بریندارکربوو.
ئەڤەد دەمەکی دایە، ل ١٧ی ڤێ مەهێ بسەدەما گولەیەکێ کچەکا
١٧سالی ب برینداری گەهاندینە نەخۆشخانا هەوار هاتنێ ل زاخۆ و پشترە ژبەر دژواریا برینا وێ بۆ نەخۆشخانەیا تەنگاڤیان ل
باژێرێ دهۆکێ هاتبوو ڤەگوهاستن، پشتی نەهـ رۆژان مانا وێ د نەخۆشخانێ دا دوو رۆژان
بەریا نها ژیانا خۆ ژدەستدا.
هەڤدەم، ڤەگێرانێن جودا
لسەر ژیان ژ دەستدانا وێ هاتنە گوتن و ئێک ژ وان دەنگویان ژی ئەوبوو کو کەسەکی
خواستیە هەڤژینیێ دگەل نەدایێ پێکبینیت و مالباتا وێ رازینەبوویە، ژبەر وێیەکێ
نەدایێ خواستیە داویێ ب ژیانا خۆ بینیت.