AM:10:00:27/07/2021
1008 جار خوێندراوەتەوە
+
-
بەرێ سپێدەهیا ئەڤرۆ بالەفڕین شەرکەرێن ئارتێشا تورکیا گەلیێ بازێ ل
دەڤەرا بەرواری بالا بۆمبەبارانکرن و هەیا نها زیان نەهاتنە زانین.
نووچەگەهانێ ئێن ئاڕ تی ل دەڤەرا ئامێدیێ ئاماژە ب وێیەکێ کر، ئەڤرۆ
دەمژمێر ٧:٣٠ خۆلەکێن سپێدێ بالەفڕێن شەرکەرێن تورکیا گەلیێ بازێ ل دەڤەرا بەرواری
بالا ل قەزا ئامێدیێ بۆمبەبارانکرن.
بەحسا وێیەکێ ژی کر، بالەفڕێن ئارتێشا تورکیا دوو جاران گەلیێ گوندێ
بازێ بۆمبەبارانکر و دەنگەکێ بهێز ژ وێ بۆمبەبارانێ هاتیە، لێ هەیا نها چ ئالیان
زیانێن وێ ئاشکرا نەکرنە.
گوت ژی، گەلیێ بازێ نێزیکی ناڤەندا گوندێ بازێ یە و بەریا نها ژی
چەندین جاران ئەو گەلیە ب هێجەتا هەبوونا گەریلایێن پەکەکێ ژ ئالیێ ئارتێشا تورکیا
ڤە هاتیە تۆپبارانکرن و بۆمبەبارانکرن.
ئەڤە د دەمەکی دایە، ئێڤاریا دوهی ژی نێزیک دەمژمێر
٦:٠٠ێ تۆپخانەیێن ئارتێشا تورکیا سێ جاران دەوروبەرێن گوندێ هرورێ ب دویراتیا 100 مەتران
ژ ناڤەندا گوندی هەر ل وێ دەڤەرێ تۆپبارانکرن و ترسەکا مەزن ژی ل دەف ئاکنجیێن گوندی
پەیداکر و زیانێن وێ ژی نەهاتنە ئاشکرا کرن .
نیهاد ئورەماری، ئامێدی