PM:02:24:06/09/2025
872 جار خوێندراوەتەوە
+
-
پشتی کو کەسەکی د تۆرێن جڤاکی دا بەلاڤکربوو کو پێنج
هزار عێراقی د شەرێ هەردووک وەلاتێن روسیا و ئۆکرانیا ل دژی ئێک شەری دکەن، بالیۆزخانێ
عێراقێ ل روسیا ئەڤ دەنگۆیە رەتکرن و گوت، ل روسیا چ نوێنەرێ فەرمی رێگە پێدانا عێراقێ
نیە.
د هەیامێن داربازبووی دا، حەیدەر شەممەری کو ئەو ب خۆ
وەک نوێنەرێ رەوەندێ عێراقێ ل روسیا خۆ ناساندیە، ل دیدارەکا تایبەت دا ل کەنالێ شەرقیە
راگەهاند، پێنج هزار وەلاتیێن عەرەب ل ناف رێزێن هەردووک لەشکرێن روسیا و ئۆکرانیا
ل دژی ئێک شەری دکەن، دوو هزار دناف واندا
ل لەشکرێ روسیا و سێ هزارێن دی ژی ل ناف لەشکرێ ئۆکرانیا.
بالیۆزخانەیا عێڕاقێ ل مۆسکۆ د بەرسڤێدا گوت، ئەوا ژ لایێ ژمارەیەکا مالپەر و تۆرێن جڤاکی
بەلاڤ بووی کو بانگەشەیا نوێنەراتیا رەوەند عێراقێ ل روسیا، بانگەشەیەکا نا راستە
و چ بنەما بۆ نینە.
گوت ژی، چ فیزایێن کو پەیوەندی ب چەواشەکاریێ هەبیت
دەرناکەین، تاکە وەلاتێ کو پەیوەندی ب ڤیزایێ هەی بۆ روسیا، بالیۆزخانەیا
فیدراسۆنیا روسیایە ل بەغدا و کونسولخانەیا هەولێرو بەسرە.
بالیۆزخانەیێ ئەو یەک ژی دا دیارکرن، ل روسیا چ نوێنەرێن
رێک پێدایێن عێراقێ نەهاتینە و نە ل وەلاتێ عێڕاقێ ژ لایێ روسیا، هایداریێ ددەت، ل وان جۆرێن بانگەشەیان.