AM:10:15:06/09/2025
1200 جار خوێندراوەتەوە
+
-
پشتی کو حکومەتا دەم بسەرڤەچووی ب داخازیێن بەغدا رازی نەبووی بۆ
رادەستکرنا پەترڕۆلێ و داهاتێ نافخۆ، دهێتە چاڤەرێ کرن شاندەکا دی بهنێریتە بەغدا،
ژبەکر تا رۆژا سێشيمبی دەرفەتە بۆ کارێن لیژنەیێن هەڤبەش.
سێشەمبیا دەربازبووی سەرۆک وەزیرێ عێراقێ بریارا هنارتنا مووچەیێ هەیڤا شەش
دا و دگەل ژی دا ئێک حەفتیە مۆلەت دایە ب لیژنەیێن هەڤبەشێن هەرێمێ و بەغدا تا ل
سەر داهاتێ پەتڕۆلێ و داهاتێ نافخۆ بگەهنە رەشنڤیسێ داویێ تا ل جڤاتا وەزیرێن
عێراقێ بهێتە پەسەندکرن، ب بجهئینانا رێکەفتنێ رێک خۆش دبیت بۆ هنارتنا مووچەی.
زێدەباری مووچە
خۆرێن هەرێمێ مووچەیێ هەیڤا حەفت و هەشت وەرنەگرتیە و سال بەرف داویێ دچیت لێ حکومەتا
دەم بسەرڤەچووی، دەستی دەستیێ ب بەغدا
دکەتن و ل کۆمبوونێن رۆژا پێنجشەمبا دەربازبووی نەگەهشتینە رێکەفتنێ و بەرهەڤ نینە
١٢٠ ملیاران رادەستی بەغدا بکەتن و ب تنێ ب دەڤ بەحسا هنارتنا پەتڕۆلێ دکەتن.
لدویف زانیاریان ئەگەر لیژنەیێن هەرێمێ و بەغدا نەگەهنە رێکەفتنێ لەوانەیە
دۆسیەیا رێکەفتنێ ل سەر رادەستکرنا داهاتێ پەتڕۆلی و نەپەتڕۆلی بچیتە دادگەها
فیدرالیا عێڕاقێ.