AM:09:29:06/09/2025
88 جار خوێندراوەتەوە
+
-
ڤەخارنێن ئێرجیێ کو کافینێ زۆر تێدایە، مەترسیێن ساخلەمیێن مەزن ل سەر زارۆکان
و گەنجان زێدە دکەت.
ل مالپەرێ " دەیلی مەیل " هاتیە بەلاڤکرن، ڤەکۆلینەکا نوی
دەرئێخستیە ڤاخارنێن ئێنرجیێ کارتێکرنێن نەرێنی ل سەر خەو و تەرکیز و ساخلەمی و
دەروونێ گەنجان هەیە، هەروەسا پەیوەندی ب زێدەبوونا قەلەویێ و ئاریشەیێن دلی و
تێکچوونا رەوشا دلی هەیە.
ل دەمەکی دا پشکەکا زۆرا دایک و بابان کاردکەن بۆ پەروەردەکرنا زارۆکان دەربارەی
مەترسیێن ڤان ڤەخارنان، زارۆک و گەنج بەردەوامن ژ ڤەخارنا ڤان ئێنرجیان، ڤێژی
دلگرانیا پسپۆران ل سەر کارتێکرنێن کورتخایەن و درێژخایەن دروست کرییە.
کافاین د هەیاما نێزیکی ١٠ خولەکان پشتی ڤەخارنێ دچیتە دناڤ خوینێ دا و پشتی
٤٥-٥٠ خولەکان دگەهیتە لەشی هەمیێ، ئەڤەژی ب ئاوایەکی دەمی هۆشیاری و تەرکیز
تێکددەت، پشتی کێم بوونا دەم، ڤەخارنێ ئەو کەسە هەست ب ماندوبوونێ دکەت و
ئێنرجیەکا کێم هەیە، نێزیکی ٥٠٪ ئاستێ کافاینی ل خوینێ دمینیتەڤە پشتی پێنج تا شەش
دەمژمێران، هەیاما مانەڤێ ل دویف رەگەز و ژی دهێتە گۆهرین.
نوژدار هایداریێ ددەن، ڤەخارنێن ئێنرجیێ لەوانەیە مەترسیێ بۆ وان کەسان
دروست بکەتن کو حالەتێ بۆماوەیێ دلی هەبیتن، چونکی دێ شێت سیستەمێ کارەبا دلێ
تێکبەت و مەترسیێ نارێکیا لێدانێن دلی زێدە بکەت، ب تایبەتی ئەگەر
ژیانا وی ب ئاوایەکێ نەرێک بیتن.
ڤەخارنێن ئێنرجیێ کو ماددێ کافاینێ تێدایە و رێژەکا زۆرا شەکری تێدایە، ب
زێدەهی بهێنە ڤەخارن مەترستا قەلەویێ و فشارا خوینێ و شێرپەنجێ زێدە دکەت.
هەروەها، تاورین تێدایە کو ترشەکێ ئەمینیە و رۆل هەیە د رێکخستنا کالسیۆمی
د خانێن دەمارێ خوینێ و کۆنترۆلکرنا هەوکرنێ، بلند بوونا ئاستێ تاورینی دبیتە ئەگەرێ
زکچوونێ و تێکچوونا گەدەیێ و گێژبوون و ماندوبوونێ.
ڤەکۆلەران تەکەز ل وێیەکێ کرییە کو ڤەخارنێن ئێنرجیێ پەیوەندی ب زێدەبووەنا
سەرئێشیێ، تورەبوون، ماندوبوون، ئێشانا گەدەیێ، تێکچوونا خەوێ و زێدەبوونا مەترسیا
توشبوون ب گڤاشتنێن دەرونیێن زۆر.