PM:05:12:11/03/2025
420 جار خوێندراوەتەوە
+
-
سەرۆکێ هەرێما
کوردستانێ ڕاگەهاند، پێشوازیێ ل رێککەفتنا دناڤبەرا سەرۆکێ سووریێ و فەرماندێ گشتیێ
هێزێن سووریا دیموکرات دکەین، پشتەڤانیا تەمام یا هەرێما کوردستانێ بۆ ئارامی و سەقامگیریا
سووریێ دووپات دکەین.
ئەڤرۆ سێشەمبی
١١ـێ ئادارا ٢٠٢٥ـێ، نێچیرڤان بارزانی، سەرۆکێ هەرێما کوردستانێ د ڕاگەهاندنەکێ دا
دبێژیت: "پیرۆزباهیێ ل برایێن خۆ ل سووریێ دکەین ب هەلکەفتا رێککەفتنا دناڤبەرا
سەرۆکێ سووریێ و فەرماندەیێ گشتیێ هێزێن سووریا دیموکرات (هەسەدە) کو نەخشەر
رێکەکا گونجایە بۆ داهاتی و قۆناغەکا دروست یا ڤەگوهێزەر پێکدئینیت".
ئاماژە ب وێ چەندێ
ژی کر، پێشوازیا خەلکێ سووریێ ل ڤێ رێککەفتنێ، وەکی هەمی گەلێن دەڤەرێ، ڕەنگڤەدانا
خاستێن وانە بۆ سەقامگیری و چارەسەریا ئاشتییانەیا دویر ژ تووندوتیژیێ.
هەروەسا دیارکر،
پشتگیریا تەمام یا هەرێما کوردستانێ بۆ ئارامی و سەقامگیریا سووریێ دووپات دکەین،
هەروەسا داکۆکیێ ل پێتڤیا پاراستنا مافێن هەموو پێکهاتەیێن سووریێ و هەڤبەشیا کارا
یا وان د بنیاتنانا سووریایەکا ئازاد و گەشەسەندی دا دکەین.
ئەڤە د دەمەکیدایە،
مەزلووم عەبدی و ئەحمەد شەرع رێککەفتنەکا هەشت خاڵی ئیمزا کر، ل دویڤ رێککەفتنێ، هەسەدە
دێ بیتە بەشەک ژ دەستهەلاتا نوی یا سووریێ، هەموو دامەزراوەیێن مەدەنی و سەربازی و
زەڤیێن پەترۆلێ و غازێ ڕادەستی دیمەشقێ دکەت.