PM:01:29:09/03/2025
100 جار خوێندراوەتەوە
+
-
پشتی چار سال پێنج
هەیڤان بڕیارە ئەڤرۆ ئێکشەمبی رۆژنامەڤان شێروان شێروانی بهێتە ئازادکرن.
ل رۆژا ١٦ـەی هەیڤا ٢
سالا ٢٠٢١ێ، دادگەها تاوانێن هەولێرێ ب تۆهمەتا "تێکدانا ئاسایشا نیشتیمانی"
هەر ژ (شێروان شێروانی، ئەیاز ئەکرم، گوهدار محەممەد ئەمین، هاریوان عیسا، شڤان سەعید)،
ب شەش سالێن زیندانیکرنێ سزا دان.
هەروەسا، ل هەیڤا
شوباتا ٢٠٢٢ێ، ب بڕیارا نێچیرڤان بارزانی سەرۆکێ هەرێمێ ٥٠٪ ژ سزایێ شێروان شێروانی
و ٦٠٪ ژ سزایێ دەستەسەرکریێن دی هاتە کێمکرن.
هەڤدەم، بڕیاربوو ل هەیڤا
ئەیلوولا ٢٠٢٣ێ، رۆژنامەڤان شێروان شێروانی بهێتە ئازادکرن، لێ دادگەها هەولێر لدیف
ماددەیێن ٢٩٨ و ٢٩٥ تایبەت ب سەختەکرنێ ب چار سالان سزایێ زیندانیکرنا بۆ شێروان شێروانی
دەرکر و دەمێ دەستەسەرکرنا وی درێژکر.
دەربارێ تۆهمەتا سەختەکاریێ
ژلایێ شێروان شێروانی، رەمەزان ئەرتیسی پارێزەرێ رۆژنامەڤانێ ناڤبری راگەهاند، ل
سالا ٢٠٢٢ێ مە داخازا ئازادکرنا ب مەرج بۆ هەر ئێک ژ (ئەیاز ئەکرەم، شڤان سەعید،
هاریوان عیسا و گۆهدار محەممەد ئەمین) کر، لێ وی دەمی ژبەرکو (گۆهدار محەممەد ئەمین)
د ژوورا تاکە کەسی دابوو، داخاز کر ل جهێ وی (شێروان شێروانی) ئیمزایێ بکەت، شێروان
ژی ل جهێ وی ئیمزا کر، ژبەر ڤێ چەندێ دادگەهێ راگەهاند سەختەکاری کریە و بڕیارا
چار سالێن دی زیندانیکرنێ بۆ دەرکر.
دیڤدا پارێزەرێن شێروان
شێروانی داخازا تەمیزکرنا وێ بڕیار کر، رۆژا ٣٠ێ هەیڤا ١٠ سالا ٢٠٢٣ێ، دادگەهێ سزایێ
وی ژ چار سالان بۆ دوو سالان کێمکر.