PM:03:31:13/02/2025
600 جار خوێندراوەتەوە
+
-
کاوە عەبدولقادر
راگەهاند، خودان پارزینگەهەکێ هەولێرێ گوتی تا حکومەت ل فرۆتنا پەترۆلا قاچاغ
بەردەوام بیت پارزینگەهێن نەیاسایی ناهێنە داخستن و دێ بەردەوام بن، ژبەرکو دەستهەلات
برەکێ باش یێ پەترۆلا قاچاغ ل وان پارزینگەهان ساخ دکەت و گەلەک مفای لێ دبینیت.
ئەڤرۆ پێنجشەمبی، کاوە عەبدولقادر
پەرلەمانتارێ بەرێ یێ نەوەی نوێ ل پەرلەمانێ کوردستانێ راگەهاند، چ پارزینگەهێن
نەیاسایی نینە بەرپرسەکێ بلند دگەل دا هەڤبەش نەبیت یان هەیڤانە سەرانە لێ نەهێتە
وەرگرتن.
بەحسا وێ یەکێ ژی کر،
ئەوێن کو لسەر شاشەیان دهێنە نیشاندان کو هاتینە داخستن یان ئیجرائات دگەل وان دا
هاتینەکرن، بتنێ بۆ راگەهاند و تەپەسەرکرنا رایا گشتیە یان هندەک جاران ژبەر
ئاریشەیەکا شەخسیە کو چیدبیت خودانێ پارزینگەهێ وەک پێدڤی سەرانەیێ نادەت یان
بەرهەڤ نینە بەرپرسان بکەتە هەڤبەشی خۆ.