PM:05:00:09/02/2025
156 جار خوێندراوەتەوە
+
-
وەزارەتا ناڤخۆیا هەرێمێ
راگەهاند، داخازکاریێن فەرمانبەران و مامۆستایێن گرەڤگرتی رەوانە و ل خشتەیێ کارێن
بەراهیا وانە، دبێژیت ژی، کۆمەکا کەس و لایەنێن دەرەکی و ناڤخۆیی دڤێت داخازیێن گرەڤگرتیان
بکاربئینن بۆ مەرەمێن خۆ و هندەک لایەنێن ژ یاسایێ دەرکەفتی.
ئەڤرۆ ئێکشەمبی، وەزارەتا ناڤخۆیا هەرێمێ راگەهاند، چەند
رۆژن ل سنورێ سلێمانیێ هژمارەکا مامۆستایان خرڤەبوونان ئەنجامددەن، داخازیێن رەوایێن
فەرمانبەران و تەخ و چینێن هەرێما کوردستانێ هەردەم د خشتەیێ کارێن بەراهیێن حکومەتا
هەرێمێ دانە.
دبێژیت ژی، ژ پێخەمەت
داخازیێن گرەڤگرتیان ب بەردەوامی دگەل حکومەتا فیدرالی ل بەغدا کار بۆ بجهئینانا
داخازیێن وان دهێتە کرن و تا رادەیەکی بەرەڤ پێشچوون هەیە و ب هەڤبەندی دگەل بەغدا
د بزاڤا چارەسەرکرنا بابەتێن هەلاویستی دانە.
ئاماژە ب وێیەکێ ژیکر، کۆمەکا
کەس و لایەنێن دەرەکی و ناڤخۆی ل عێراقێ دڤێت ڤان داخازیان بکاربئینن بۆ مەرەمێن
گۆمانکریێن خۆ، لایەنێن ژ یاسایێ دەرکەفتی مفایێ ژ وێ دەلیڤەیێ وەردگرن و ب ژڤانن
بۆ تێکدانا ئاسایشا دەڤەرێن دی یێن هەرێمێ و بڤێ ژی داخازیێن رەوایێن فەرمانبەران
تێکەلی مەرەمێن خۆ دکەن.
ئەو یەکژی بەرچاڤکر، دەربارێ
رێزگرتنا مافێ خۆنیشاندانێ هەر بزاڤەک بۆ تێکدانا ئاسایشا هەرێمێ هەبیت دێ رێگری
لێ هێتە کرن و هەر بزاڤەکا دەرڤەی یاسایێ و رێکاران بهێتە کرن رێکێ پێ نادەن.