PM:08:56:08/02/2025
248 جار خوێندراوەتەوە
+
-
ڤەلڤینا نەوەی نوێ راگەهاند،
"وەکی ڤەلڤینا نەوەی نوێ وەکی فراکسیۆنا نەوەی نوێ ل پەرلەمانێ کوردستانێ، نەک
ب تنێ پشتەڤانیا خۆنیشاندانێ دکەین ل هەولێرێ، بەلکو پشکدار ژی دبین تێدا".
ئەڤرۆ شەمبی، فراکسیۆنا نەوەی نوێ ل پەرلەمانێ کوردستانێ راگەهاند، "هیڤدارین هەمی لایەک ژی
هایداربن، بتایبەت مامۆستایێن گرەڤگرتیێن بەرێز، کو ئەڤە پلانا دەستهەلاتێ نەبیت بۆ
ژناڤبرنا هەمی بزاڤ و ماندیبوونا وان و داخستنا خیڤەتا وان ل سلێمانیێ، کو هەیامەکە
گراڤ ژ خارنێ گرتینە و ئێشاینە".
ئاماژە ب وێیەکێ ژیکر، ژبەر
وێ چەندێ گرنگە وەک چەوا ل سلێمانیێ نەرازیبوون و گرەڤگرتن بەردەوامە وەسا
بەردەوام بیت تا مافێن مامۆستایان و مووچەخۆران وەربگرنە ڤە، هەروەسا گرنگە ژی ب
هەمان ئاوا ل هەولێرێ ژی خۆنیشاندان و نەرازیبوون بەردەوام بیت و ئەو ژی دێ
پشتەڤان و پشکدار بن، ژبەر کو بنێرینا وان وەسایە، حکومەت مافێ خەلکی و مووچەخۆران
دخۆت و حکومەتا پارتی و یەکێتی و هەردوولا وەکی ئێک بەرپرسن ژ بڕینا قوت و مووچەیێ
مووچەخۆران.